Jón Gnarr sendi bréf til Obama///Það er ekki öll vitleysan eins hjá þessum manni!!!!!

Jón Gnarr sendi bréf til Obama Innlent | mbl | 12.12.2012 | 8:15 Jón Gnarr stundar það að fara út á svalir ráðhússins þegar Tjörnin er frosin og æpa á krakka að þau séu að leika sér á einkaeign.

Hann segist íhuga bæði þingframboð og annað kjörtímabil. Í framtíðinni sér hann Reykjavík fyrir sér sem friðarborg, og hefur sent Barack Obama bréf um þá hugsjón sína.

„Ég hef hugsað mikið um þetta. Ég held raunar að ég yrði góður forsætisráðherra, en það veltur auðvitað allt á því á hvaða grunni það yrði gert,“ sagði Jón Gnarr þegar netverjar á vefsíðunni reddit.com spurðu hann að því í gærkvöld hvort hann sjái fyrir sér framtíð með Besta flokknum á Alþingi.

Hann segir líka hugsanlegt að hann bjóði sig fram aftur í borgarstjórn. Skorað var á Jón að sitja fyrir svörum á reddit eins og sagt var frá á mbl.is í gær, en störf hans hafa ítrekað vakið athygli út fyrir landsteinana.

Jón var spurður um allt milli himins og jarðar og svaraði samviskusamlega, undir nafninu Friðarfluga sem hann segist oft nota.

Jón sagðist sjá framtíð Reykjavíkur fyrir sér sem alþjóðlega yfirlýst hlutlaust svæði og miðstöð friðar í heiminum.

Sagðist hann hafa skrifað bréf til Barack Obama Bandaríkjaforseta þar sem hann útlistaði þessar áherslur sínar.

Aðspurður með hvaða frægu manneskju hann vildi helst borða kvöldmat sagðist Jón hafa borðað með konungum en ekki verið of hrifin.

„Ég kann vel að meta venjulegt fólk.“ Ekki gert margt ruglað sem borgarstjóri Þegar hann var spurður að því hvað væri það ruglaðasta sem hann hefði gert sem borgarstjóri sagðist Jón ekki telja að hann hafi gert margt ruglað

. „En það var mikið rugl í gangi hér á undan mér.“ Hann viðurkenndi hins vegar að það skrýtnasta sem hann hafi gert inni á skrifstofu sinni í ráðhúsi Reykjavíkur sé að afklæðast úr draggi eftir þátttöku í Gay Pride og ætla að fara í sturtu sem reyndist biluð.

Þá stundar hann það að fara út á svalir þegar Tjörnin er frosin og stríða krökkum sem leika sér á ísnum. „Þetta er einkaeign! Komið ykkur burt eða ég kalla í lögregluna!“ segist Jón Gnarr æpa á krakka sem leiki sér á ísi lagðri Tjörninni.

Minnir það óneitanlega á alræmdan karakter Jóns úr Fóstbræðrum, sem stundaði að kalla tilmæli til fólks ofan af efstu hæð í blokk.

Jón Gnarr segir að það besta við að vera borgarstjóri sé að hafa tækifæri til að láta rödd sína raunverulega heyrast. Sjálfur reyni hann að beita henni skynsamlega.

En hvað telur Jón að sé helsta afrek hans sem borgarstjóri til þessa? „Að hafa það af. Og vera ennþá að skemmta mér.“/////////Svo mörg voru þau orð Borgarstjóra,og við erum orðin þessu vön,því miður erum við að sætta okkur við,þennan leikara og grínista í þessu embætti og gerir það að trúnaðarembætti,að mínu mati,ég er svo oft hneykslaður að það hálfa væri nóg!!!En ef fólk vill svona er eitthvað mikið að ,manni skilst að það vilji einnig Alþingi svona enga virðingu!!bara leikaraskap og grín og trúða!!ef þetta verður svona úrkynjað allt,þá fer illa ekki annað á því að gæða,við getum ekki liðið þetta lengur,tökum okkur og látum ekki hafa okkur af fíflum aftur,og kjósum ekki leikaraskapinn áfram ekki heldur trúðinn,nóg komið af þessu!!!Halli gamli

Jón Gnarr sendi Obama bréf

Athugasemdir

[Indriði (IP-tala skráð) 12.12.2012 kl. 14:49]

Já, Sveiattan!

Ég gæti bara ekki ímyndað mér þann skaða sem myndi verða af því að svona maður kæmist inn á alþingi. Öll sú vonar virðing sem þar fyrirfinnst myndi bara gufa upp í einhverjum barnaskap og leikjum.. Þetta er bara ekki hægt!
Nei, ég vona að við höldum þeirri fagmennsku og virðuleika sem fyrirfinnst á Alþingi nú í dag! Þar eru sko engir apakettir eins og Jón Gnarr!

Að hugsa sér, þessi maður sem borgarstjóri, hvaða grín er í gangi, ha?
Við þessu bjóst ég aldrei! ALDREI!
Getum við ekki bara fengið Villa Vill aftur, Það var sko borgarstjóri sem vissi hvað átti að gera!

Sveiattan

[Ingvi Matthías Arnason (IP-tala skráð) 13.12.2012 kl. 00:27]

ég er sammála! ég vill einungis eldri menn á þing, helst með hvítar hárkollur og í sloppum og algjörlega húmorslausa. Ef þeir sýna þess merki að vera með persónuleika eða einhvað af þessum ógeðslegu "eigin hugmyndum", þá á bara að skikka þá í samfélagsþjónustu.. Djöfuls úrkynjun alltsaman. FÓLK MEÐ ÍMYNDUNARAFL HEFUR EKKERT AÐ GERA Á ÞING! ÞETTA VERÐUR BARA ALLT AÐ BRANDARA!

 Allt gekk svo vel áður en þetta fólk fór að stjórna..