Nýi Landspítalinn strandar í Kjósinni// auðvitað kemur þetta öllum íslendingum við,en ekki hvað:,Landspítali!!

Nýi Landspítalinn strandar í Kjósinni Innlent | Morgunblaðið | 12.12.2012 | 10:30 Afgreiða þarf skipulagsmál áður en fyrirhugaðar framkvæmdir við byggingu Nýs Landspítala geta hafist við Hringbraut.

Meirihlutinn í borgarstjórn Reykjavíkur hefur afgreitt breytingar á deiliskipulagi og aðalskipulagi vegna byggingar nýs spítala.

Einnig hefur borgin samþykkt breytingar á svæðisskipulagi höfuðborgarsvæðisins, sem öll sveitarfélög á svæðinu eiga aðild að.

En hins vegar hafa ekki öll sveitarfélögin afgreitt breytt svæðisskipulag. Þetta eru Kjósarhreppur og Seltjarnarnesbær.

Við afgreiðslu hreppsnefndar Kjósarhrepps féllu atkvæði á jöfnu. Tveir fulltrúar vildu samþykkja breytingarnar, tveir voru á móti og einn sat hjá. Sama mál er á dagskrá bæjarstjórnarfundar á Seltjarnarnesi í dag.

Í tillögu að breyttu svæðisskipulagi er gert ráð fyrir tveimur breytingum. Annars vegar er hætt við Holtsgöng sem tengja áttu Sæbraut við Hringbraut.

Hins vegar er gert ráð fyrir meira byggingarmagni en áður á Landspítalalóðinni, á svokölluðu byggingarsvæði 5. Svæðisskipulagið æðra Hvorki breytingar á deili- né aðalskipulagi Reykjavíkur geta tekið gildi nema breytt svæðisskipulag verði samþykkt af öllum sveitarfélögum á höfuðborgarsvæðinu.

Þetta fékkst staðfest á skrifstofu skipulagssviðs Reykjavíkur, þannig að svæðisskipulag er æðra skipulagi einstakra sveitarfélaga.

Því virðist málið hafa strandað á Kjósarhreppi og óljóst er hver endanleg afstaða Seltirninga verður. Fulltrúar svæðisskipulagsnefndar og Kjósarhrepps áttu fund í síðustu viku þar sem reynt var að útskýra málin betur og fá Kjósverja til að endurskoða afstöðu sína.

Í kjölfarið var óskað eftir því að hreppurinn tæki málið upp aftur. Guðmundur Davíðsson, oddviti Kjósarhrepps, segir fundinn hafa verið gagnlegan en erfitt sé að fullyrða um hvort málið verði tekið fyrir að nýju.

Til þess þurfi að vera vilji hreppsnefndarmanna til að breyta afstöðu sinni, en eins og kemur hér fram til hliðar í máli Sigurbjörns Hjaltasonar á Kiðafelli er ólíklegt að það gerist að óbreyttu.

Að sögn Þórðar Búasonar, skipulags- og byggingarfulltrúa Seltjarnarness, var málið sett „á ís“ á síðasta fundi bæjarstjórnar. Þórður segir ágreining ekki vera um svæðisskipulagið sjálft heldur hafi Seltirningar meiri áhyggjur af rýmingarleiðum frá Nesinu og mikilli uppbyggingu á Landspítalalóðinni.

„Það er fullyrt í okkar eyru að uppbygging á Landspítalalóð komi ekki til með að íþyngja umferðarleiðum meira en önnur uppbygging í grenndinni hefði gert hvort eð var.

Seltirningar finna hins vegar fyrir þungri umferð til að komast að og frá sveitarfélaginu,“ segir Þórður.

Gunnar Svavarsson, formaður stjórnar Nýs Landspítala, segist fylgjast með skipulagsmálunum úr fjarlægð en vera bjartsýnn á farsæla niðurstöðu.

„Ég hef fulla trú á að Kjósarhreppur og Seltjarnarnes afgreiði svæðisskipulagið jákvætt líkt og hin sveitarfélögin,“ segir Gunnar. Spurningin er því hvað þessi tvö sveitarfélög gera. Framgangur nýja Landspítalans virðist velta á þeirra ákvörðunum.

Þar togast á ýmis sjónarmið og gefum Sigurbirni á Kiðafelli lokaorðið: „Þeir segja að ekki megi hugsa pólitískt þegar rætt er um skipulagsmál. Ég segi á móti að einhvern veginn verður maður manneskja og byggir á þeirri reynslu sem maður hefur öðlast í gegnum árin.

Maður verður að treysta á hyggjuvitið.“ Afstaða mín er óbreytt Sigurbjörn Hjaltason á Kiðafelli í Kjós var annar hreppsnefndarmanna sem greiddu atkvæði gegn svæðisskipulagsstillögunni.

Hann segir afstöðu sína óbreytta, honum lítist ekkert á þessa framkvæmd og þær breytingar sem gera á á svæðisskipulaginu.

„Byggingin hefur bólgnað alltof mikið út og umferðin þarna um svæðið verður rosaleg. Ég get ekki séð hvernig á að koma öllu fólkinu til og frá spítalanum,“ segir Sigurbjörn og telur enga ástæða fyrir hreppsnefnd að taka málið upp aftur, nema þá til að skila ítarlegri efnislegri niðurstöðu en hafi verið gert.

„Við höfum alltaf viljað endurskoða svæðisskipulagið áður en ákvörðun er tekin um svona framkvæmd en þeir vilja keyra þetta í gegn áður en skipulagið er tekið til endurskoðunar.

Það skiptir máli fyrir allt höfuðborgarsvæðið hvernig spítalinn er byggður upp og staðsettur,“ segir Sigurbjörn.//////////////////Nú ættu þessir menn sem alltaf hafa vaðið yfir allt og alla að það gengur ekki lengur,að nokkrir menn bara ráði þessu!!þetta er verið að tala um Landsítala er það ekki,og þó svo skipulagið sé okkar í stór R.vík er það allir landsmenn sem borga gripin,og það varðar okkur öll,svo þessi ákvörðun uppá 60-100 milljarða er ekki best að kjósa bara um þetta stærðina,og tíman!! og einnig  staðin í almennum kosningum í vor!! segja að þessi peningur sé ekki tekin frá öðru er bara rugl!!við borgum þetta öll!!en það er auðséð að þarna spilar einnig inní flugvöllurinn,hann vilja þessir sömu æstu byggingarmen þessa staðar hann burt og byggja þar!!!einnig til að gera þetta nógu mikið kaos þarna,allir í 101 og engir bílar,þessum mönnum má ekki takast svona vinnubrögð,við stoppum það hvað sem það kostar!!!!þetta er að verða alvörumál mikið!!!!/Halli gamli 

Nýi Landspítalinn strandar í Kjósinni