Hvessir af austri í nótt//Við förum bara varlega ,og forðumst slysin,um jólin!!!

Hvessir af austri í nótt Innlent | mbl.is | 18.12.2012 | 16:32 Sunnan- og suðvestanlands, og ef til vill víðar, má áfram gera ráð fyrir hélumyndun á vegum fram á kvöld á meðan helst hægviðri og loftið er jafn rakt og raun ber vitni.

Í nótt hvessir af austri syðst á landinu og reiknað er með hviðum 30-40 metrum á sekúndu undir Eyjafjöllum frá því seint í nótt. Þetta kemur fram í tilkynningu frá Vegagerðinni. Færð og aðstæður Hálka er á Sandskeiði en hálkublettir í Þrengslum og á Hellisheiði.

Hálka eða hálkublettir eru víða bæði á Suður- og Vesturlandi. Á Vestfjörðum er hálka og hálkublettir. Þæfingur er norðan Bjarnarfjarðar á Ströndum og ófært er yfir Hrafnseyrarheiði og Dynjandisheiði. Á Norðurlandi vestra er hálka.

Á Norðausturlandi er flughált á Breknaheiði. Hálka eða snjóþekja eru mjög víða en þungfært á Dettifossvegi. Á Austurlandi er víða hálka eða snjóþekja.

Á Suðausturlandi eru hálkublettir nokkuð víða. Lokun Vattarnesvegur (vegur 955-05) verður lokaður í dag 18.12 og á morgun rétt utan við Fáskrúðsfjörð, vegna lagningarvinnu í gegnum vegin við bræðsluna á Fáskrúðsfirði.

Hreindýr á Austur- og Suðausturlandi Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.Sjá staðsetningu hreindýra hér.///////////////Það er eins gott ef slaknar á frostinu og hvessir mikið sem á að gera,að fara með mikilli gát,og vera vel búinn með  bíl og sjálfur í góðu lagi!!auðvitað er fólk á faldsfæti og menn á sjó fram að jólum og það hvessir einnig á sjó en menn eru því vanir og fari í var eða sigla í land!!!en við bara vonum að allir komist heilir til síns heima,og gleðjist saman um jólin!!!!/Halli gamli 

Hvessir af austri í nótt