Íslendingar eyða um efni fram/ER sparnaður verðlaunaður???????

Íslendingar eyða um efni fram Viðskipti | mbl | 20.12.2012 | 10:00 Íslendingar hafa á síðustu þremur árum eytt umfram efni og í flestum mánuðum duga tekjur ekki fyrir útgjöldum. Þetta kemur fram þegar tölur frá Meniga um heildarútgjöld og neyslu eru skoðaðar. Niðurstaðan sýnir aukna skuldasöfnun þrátt fyrir ýmsar vaxtaniðurgreiðslur og úttekt séreignarsparnaðar.

og bankarnir hafi lækkað skuldir eða greitt fólki til baka hluta vaxtagreiðslna. Á sama tíma hafa yfirdráttaskuldir og óverðtryggð skuldabréfalán heimilanna sem ekki eru íbúðalán hækkað nokkuð.

Meðalhalli einstaklings í hverjum mánuði er samkvæmt þessum tölum 1,9%, en það er töluvert önnur niðurstaða en Hagstofan kemst að í Hagtíðindum þann 6. desember síðastliðinn þar sem afgangur heimilanna er 14% á mánuði á árunum 2009 til 2011.

Í tölum Meniga er tímabilið 2010 til 2012 skoðað, en meðalhalli var mestur árið 2010 og hefur farið lækkandi síðan. September neikvæðasti mánuðurinn Mikill munur er á útkomu einstakra mánaða og fer það meðal annars eftir því hvort barna- og vaxtabætur séu greiddar út, auk þess sem vaxtaniðurgreiðsla ríkissjóðs hefur áhrif. September er sá mánuður sem er fólki erfiðastur en á síðustu 3 árum hefur hann samtals verið neikvæður fyrir hvern og einn um 110 þúsund krónur, eða um 33 þúsund á mánuði.

Ágúst er aftur á móti jákvæðastur, en þá er afgangurinn á mánuði verið um 24 þúsund krónur. Þrátt fyrir mestu útgjöldin í desember er sá mánuður aðeins í 18 þúsund króna mínus á hverju ári, en það má skýra með hærri tekjum, til að mynda jólabónusum.

Afgangur eða halli einstaklinga eftir mánuðum frá 2010 til 2012 mbl.is Vaxtaniðurgreiðslur ríkissjóðs og endurgreiðsla vaxta hjá bönkunum virðast skipta töluverðu máli í afkomutölum einstaklinga. Aðeins einn mánuður, þar sem barna- og vaxtabætur eru ekki greiddar út, né fyrrnefndar endurgreiðslur eiga sér stað, hefur komið jákvætt út á tímabilinu.

Það var janúar 2012, en þá var afgangur upp á rúmlega 24 þúsund krónur. Þróun launa og útgjalda frá 2010 til 2012 Frá janúar 2010 til nóvember 2012 hafa útborgaðar tekjur einstaklinga hækkað um 18% samkvæmt tölum Meniga.

Á sama tíma hafa greiðslur af húsnæðislánum að meðaltali hækkað um 13%, meðal matarinnkaup aukist um 43% og eldsneytiskaup hækkað um 35%. Tölurnar segja þó ekki endilega til um verðhækkanir á tímabilinu, heldur sýna fram á útgjaldaaukningu einstaklinga.

Mikil aukning yfirdráttalána og óverðtryggðra lána Á þessu tímabili hafa yfirdráttarskuldir heimilanna hækkað nokkuð, en samkvæmt tölum Seðlabanka Íslands hækkuðu þær úr tæplega 70 milljörðum í 88 milljarða. Þegar hækkun yfirdráttaskulda vegna sameiningar Kreditkorta og Íslandsbanka fyrr á árinu er tekin frá, nemur aukningin engu að síður 17,1%.

Hækkun óverðtryggðra útlána, annarra en íbúðalána hefur einnig verið mikil, en þau hafa farið upp um 468% á tímabilinu, eða um 73 milljarða. Íslendingar virðast því eyða nokkru meiru en þeir þéna, en auk þess hafa ýmsar skammtímaskuldir aukist töluvert.

Ekki hefur verið tekið nein ákvörðun um framlengingu á vaxtaniðurgreiðslu ríkissjóðs, en hún var aðeins sett inn fyrir 2011 til 2012.

Þá hefur tímabundinni lækkun skerðingamarka vaxtabóta verið framlengt um eitt ár, en fólk getur í dag átt minni eignir áður en vaxtabætur eru skertar en var árið 2010.

Á bakvið tölur Menga er innkoma og útgjöld um 30 þúsund Íslendinga, en fólk getur tengt reikninga og greiðslukort við kerfið og fylgst þannig með fjárhag sínum. Upplýsingarnar eru algjörlega ópersónulegar://////////////////Það er staðreynd að fólk er á eyðslufylliríi ekki spurning,það er bara tap á að spara neikvæðir vextir og allt brennur upp af verðbólginni!!Fólk tekur út sparnaðinn sinn og allir eyða og eyða,annað er ekki í spítunum og engin gerir neitt í því ,Ríkistjórnin er glötuð og engin gerir neitt allt stoppað/Halli gamli

Íslendingar eyða um efni fram

Athugasemdir

[Guðjón Sigþór Jensson, 20.12.2012 kl. 11:49]

Furðulegt er hve fáir hafi lært af hruninu. Þetta er ekki ríkisstjórninni að kenna, öðru nær. Ekki er unnt að kenna öðrum um það sem við ráðum sjálf.

Mér finnst þessi ríkisstjórn vera mun betri en margar aðrar. Ríkisstjórn Geirs Haarde gerði ekkert, Davíð og Dóri komu okkur í hrunið. Hvernig ríkisstjórn viltu Halli?

Eg vil ekki siðblinda lýðskrumara sem lofa gulli og grænum skógum með fleiri álverum. Þau eru blindgata. Við eigum að byggja okkar framtíð á okkar forsendum, ekki duttlungum.

Bestu kveðjur!

[Kristján P. Gudmundsson, 20.12.2012 kl. 13:34]

Menn segja ekki fleiri álver! En hvað hefur komið í staðinn? Vill Guðjón fræða okkur um það, vinsamlegast ?

Halli ég tek undir með þér,kæri bloggvinur!

Kveðja, KPG.

[Guðjón Sigþór Jensson, 21.12.2012 kl. 09:23]

Nú verðum við að athuga að fjárhagskreppa er enn víða og ekki endilega bundin við Ísland.

Margt getum við gert betur. Áherslurnar eru kannski ekki nógu góðar. Í stað fleiri virkjanaframkvæmda með aukinni áhættu hefði eg viljað sjá ýms önnur verkefni sem áliðnaðurinn hefur skilið eftir eins og munaðarleysingja. Nefna má skógrækt sem dæmi. Þar á ekki að vera neitt stopp. Af hverju ekki planta skógi í fjallshlíðar og eins á vindasömum stöðum nálægt alfaraleiðum til að bæta samgöngur?

Tækifærin eru mörg en áhugi margra þingmanna er fyrst og fremst bundinn við fleiri álver sem er að öllum líkindum alvarleg blindgata. Sem stendur er það fyrst og fremst hergagnaiðnaður Bandaríkjamanna sem ýtir undir. Nú standa Bandaríkjamenn á krossgötum vegna fjöldamorða byssu brálæðinga. Og þeir eru að byrja á endurvinnslu þannig að líklegt er að stórlega dragi úr vinnslu hrááls.

Þess má geta að áliðnaðurinn borgar ekki krónu vegna mengunarskatta sem víðast eru taldir sjálfsagðir erlendis. Þetta virðíst gleymast. Allur skógur á Íslandi getur e.t.v. bundið um 10% þeirrar mengunar sem áliðnaðurinn veldur.

Það eru því margar hliðar á hverju máli. Við Íslendingar höfum farið illa með náttúru landsins og þurfum að breyta þessu þó seint sé.

Góðar stundir.