Fylgjast með eldstöðvum úr lofti/ mjög svo gott að gera,við eigum að skoða þetta vel!!!

Fylgjast með eldstöðvum úr lofti Innlent | mbl.is | 10.1.2013 | 16:31 Flugvél Landhelgisgæslunnar, TF-SIF, flaug í gær yfir Öskjuvatn, Grímsvötn og Kötlu til að kanna aðstæður á svæðinu með hitamyndavél og eftirlits- og leitarratsjá flugvélarinnar.

Greint er frá þessu á vef Landhelgisgæslunnar. Þar kemur fram, að í fluginu hafi aðstæður til myndatöku verið ágætar yfir Öskjuvatni. Flogið hafi verið yfir vatnið m.a. til að afla gagna til samanburðar við myndir sem teknar voru í byrjun apríl 2012.

Þá kom í ljós að Öskjuvatn var orðið íslaust og óskaði almannavarnadeild ríkislögreglustjóra þá eftir flugi TF-SIF yfir vatnið. Þótti óvanalegt að vatnið væri íslaust að vori til en þá hafði um skeið verið óvenjuhlýtt á landinu.

Önnur vötn á hálendinu t.d. Hágöngulón, og Mývatn voru þrátt fyrir það ekki íslaus. Í eftirlitsfluginu voru aðstæður til radarmyndatöku ekki sem bestar yfir Grímsvötnum og Kötlu.

Á vef Gæslunnar segir, að erfitt sé að segja til um hvort breyting hafi orðið á yfirborði jökulsins. Voru upplýsingar sendar til almannavarna og jarðvísindamanna.

„Af fenginni reynslu hafa starfsmenn á flugvélinni TF-SIF breytt starfsvenjum sínum talsvert. Í stað þess að einblína á ferðir sjófarenda þá eru hreyfingar Íslands einnig orðnar viðfangsefni, einkum m.t.t. jarðhræringa sem geta varðað almannaheill.

Má þar nefna eldana á Fimmvörðuhálsi, Eyjafjallajökli og í Grímsvötnum sem standa okkur næst í tíma, en í þeim hamförum stóðu áhafnir TF-SIF í fremstu línu varðandi gagnaöflun og almannavarnir,“ segir á vef Landhelgisgæslunnar.///////////////þetta er fábært og gaman að þessi frábæra dýra Flugvél komi okkur að þessum notum ,þetta gæti varað okkur vel við gosum og það er einmitt það sem þarf,landhelgisgæslan þarf að hafa nóg fyrir stafni í þessa átt nota hana í forvarnir einnig gagnvar vá allri////Halli gamli

Fylgjast með eldstöðvum úr lofti