Tap gegn Rússum í fyrsta leik/við vorum linir á endasprettinum!!!!!!

Tap gegn Rússum í fyrsta leik Íþróttir | mbl.is | 12.1.2013 | 18:32 Ísland mátti sætta sig við fimm marka tap gegn Rússum í fyrsta leik sínum á heimsmeistaramótinu í handknattleik karla í San Pablo íþróttahöllinni í Sevilla í dag, 30:25.

Næsti leikur Íslands er gegn Síle á morgun kl. 14:45. Íslenska liðið byrjaði leikinn í dag illa og lenti snemma fimm mörkum undir, 7:2.

Vörnin tók hins vegar við sér þegar á leið, þá fylgdu hraðaupphlaupin og með fimm mörkum í röð komst Ísland yfir, 12:11.

Rússar skoruðu hins vegar tvö síðustu mörk fyrri hálfleiksins og komust aftur yfir, 14:13. Ísland byrjaði seinni hálfleikinn vel og náði þriggja marka forskoti um miðbik hans, 19:16.

Þá fékk Ólafur Guðmundsson að líta rauða spjaldið eftir að hafa fengið sína þriðju brottvísun. Staðan var jöfn, 23:23, þegar átta mínútur voru til leiksloka en þá skoruðu Rússar þrjú mörk í röð og Ísland náði aldrei að minnka þann mun.

Guðjón Valur Sigurðsson var markahæstur Íslands með 7 mörk, Aron Pálmarsson skoraið 6 og Þórir Ólafsson 5. Kári Kristján Kristjánsson spilaði stóran hluta leiksins, eftir að Róbert Gunnarsson fór meiddur af velli, og skoraði 3 mörk.

Igor Levshin markvörður Rússa reyndist íslenska liðinu afar erfiður og varði tæplega 20 skot. Björgvin Páll Gústavsson varði vel í seinni hálfleiknum og alls 12 skot eftir að Aron Rafn Eðvarðsson hafði byrjað leikinn.

Lið Íslands: Björgvin Páll Gústavsson, Aron Rafn Eðvarðsson - Guðjón Valur Sigurðsson, Aron Pálmarsson, Snorri Steinn Guðjónsson, Ásgeir Örn Hallgrímsson, Þórir Ólafsson, Róbert Gunnarsson, Sverre Jakobsson, Vignir Svavarsson, Ólafur A. Guðmundsson, Kári Kristján Kristjánsson, Stefán Rafn Sigurmannsson, Ólafur Gústafsson, Arnór Þór Gunnarsson, Fannar Þór Friðgeirsson

. Lið Rússlands: Oleg Grams, Vadim Bogdanov, Igor Levshin - Egor Evdokimov, Eldar Nasirov, Pavel Atman, Dmitri Zhitnikov, Sergiy Shelmenko, Alexander Pishkin, Alexei Rastvortsev, Daniil Shishkarev, Mikhail Chipurin, Timur Dibirov, Konstantin Igropulo, Sergei Gorbok, Alexei Shindin./////////////við vorum ekki svo slæmir als ekki,en þarna í seinni hálfleik góðir fyrsta hálfan tíman svo fórum við að dala,það bendir til þess að þessu verður að taka á,ekki spurning,skipta bara nógu oft um menn en ekki spila á fáum ,það er mjög svo áríðandi ,í stóru móti,koma svo Ísland við verðum bara betri!!!/Halli gamli

Tap gegn Rússum í fyrsta leik