30-40 metrar á sekúndu í hviðum//þetta mun kallast fárviðri,ef gengur eftir!!!

30-40 metrar á sekúndu í hviðum Innlent | mbl.is | 26.1.2013 | 17:51 Skil mjög djúprar lægðar fara norður í kvöld og nótt með vaxandi vindi og austan- og norðaustan-stormi.

Reikna má með vindhviðum 30-40 m/s undir Eyjafjöllum, á Kjalarnesi og undir Hafnarfjalli þar til í nótt.

Skil mjög djúprar lægðar fara norður í kvöld og nótt með vaxandi vindi og austan- og norðaustan-stormi. Snjókoma og skafrenningur verður á fjallvegum um norðan- og norðaustanvert land, 18-23 m/s og sums staðar með mjög takmörkuðu skyggni.

Í byggð hlánar og með slyddu og rigningu og einnig hlánar upp fyrir frostmark á fjallvegum suðvestanlands.

Reikna má með vindhviðum 30-40 m/s undir Eyjafjöllum, á Kjalarnesi og undir Hafnarfjalli þar til í nótt, samkvæmt upplýsingum frá veðurfræðingi Vegagerðarinnar.

Vetrarfærð á Vesturlandi Það er hálka á Hellisheiði og í Þrengslum en á Suðurlandi eru víða hálkublettir eða hálka og sumstaðar skafrenningur. Þæfingsfærð er á Mosfellsheiði og Kjósarskarði.

Vetrarfærð er einnig á Vesturlandi, víðast hvar nokkur hálka eða snjóþekja. Þæfingsfærð og skafrenningur er á Fróðárheiði.

Versnandi veður er á Vestfjörðum og víða orðið mjög hvasst.

Óveður er á fjallvegum á sunnanverðum kjálkanum og ekki ferðaveður, alla vega ekki fyrir minni bíla. Þæfingsfærð er á Klettshálsi en einnig á leiðinni norður í Árneshrepp.

Óveður á Vatnsskarði Á Norðurlandi er hálka á flestum vegum og víða skafrenningur.

Óveður er á Vatnsskarði og eins er lítið skyggni á Öxnadalsheiðinni. Hólasandur er ófær.

Þungfært er á Mývatnsöræfum og ekkert ferðaveður. Hálka eða hálkublettir eru á Austurlandi og víða skafrenningur.

Þæfingsfærð er á Möðrudalsöræfum og Fjarðarheiði. Hálka og éljagangur er á Oddskarði. Vegur með suðausturströndinni er að mestu auður.//////////////þetta er viðvörun og við tökum hana alvarlega mjög,ef eftir gengur,verður þetta eiginlega fárviðri,og við skulum allavega reikna með því!!!Veður er ekki orðið neitt grín á þessum bassis,og við sem erum komin á aldur erum heldur kannski hræddari við vond veður,það gerir að við höfum lent í þeim óteljandi og vitum að þetta gæti orðið betra og einnig verra!!!!!en allt að einu verum vel á verði öll!!!!/Halli gamli

30-40 metrar á sekúndu í hviðum