Vinnubúðir ekki teknar með aðfarargerð/en um einkennilegt mál!!!!

Vinnubúðir ekki teknar með aðfarargerð Innlent | mbl.is | 27.11.2012 | 11:50 Héraðsdómur Reykjaness hefur hafnað kröfu eignarhaldsfélags um að tiltekinn hluti af vinnubúðum staðsettum á Hrauni í Reyðarfirði verði tekinn með beinni aðfarargerð úr umráðum annars eignarhaldsfélags.

Dómurinn sagði ekki annað séð af gögnum málsins en að þar til bærir aðilar hefðu skuldbundið Ástjörn ehf. við kaup og sölu á vinnubúðunum.

Í kaupsamningi 10. apríl 2011, þar sem Ástjörn selur Vista ehf. vinnubúðir, er sérstaklega tekið fram að undanskildar séu 52 einingar sem hafi verið búið að selja, til Gunnþórs ehf., gerðarbeiðanda í málinu. Samningur sem Vista ehf.

gerði svo við Stracta Konstruktion ehf., gerðarþola í málinu, um kaup á vinnubúðum var hins vegar ekki lagður fram í málinu, og vitni ekki komið fyrir dóm þar sem um aðfararmál er að ræða.

Því sé ekki hægt að staðhæfa um það hvort Stracta Konstruktion hafi vitað af kaupsamningi Ástjarnar ehf. við Gunnþór.

Stracta Konstruktion byggði á því að Ástjörn ehf. hefði verið óheimilt að selja gerðarbeiðanda hluta af vinnubúðunum þar sem það hefði verið skilyrði og forsendur í kaupsamningnum við Alcoa Fjarðaál sf. frá 27. apríl 2012 að eignirnar væru seldar í einu lagi, vegna kvaða um frágang á svæðinu og bankaábyrgðar sem kaupandi hefði þurft að leggja fram og Stracta Konstruktion hefðu tekið á sig.

„Að mati dómsins á þessi málsástæða sér nokkra stoð í gögnum málsins, en í framangreindum kaupsamningi við Alcoa Fjarðaál sf. er sú kvöð lögð á seljanda og kaupanda í 17. gr. að þeir mega ekki framselja nein réttindi samkvæmt samningnum nema með skriflegu samþykki samningsaðila síns.

Að þessu virtu og í ljósi þess að ekki er unnt að leysa úr ágreiningi aðila um túlkun samningsins í aðfararmáli, þar sem vitni koma ekki fyrir dóm sem geta varpað ljósi á t.d. forsendur og ástæður sem liggja að baki umræddum samningsákvæðum, þykir varhugavert að gerðin nái fram að ganga.“//////////Ég hvet fólk til að lesa þetta skrítna mál og þarft að nýta þessa hluti  ekki spurning,þetta er eiginlega forkastanlegt að lof ekki þessu félagi og byggja úr þessu hótel,það er margt skrítið í kýrhausnum!!!!!Halli gamli

Vinnubúðir ekki teknar með aðfarargerð