Skúrað út úr Hæstarétti//Er þetta að verða lögleg barátta,að taka lögin í sínar hendur!!!

„Skúrað út úr“ Hæstarétti Innlent | mbl.is | 4.2.2013 | 9:01 Allir þeir sem uppþvottahanska geta valdið voru hvattir til að taka til hendinni við Hæstarétt í morgun, þar sem efnt var til morgunmótmæla vegna dóms sem þar féll á föstudag.

„Verndar ofbeldismenn,“ var krotað á vegg dómshússins í nótt. Í fundarboðinu á facebook segir m.a. hópurinn ætli sér að „skúra út úr Hæstarétti“ þá vitleysu sem átti sér stað í nýlegu dómsmáli (nr. 521/2012) í grófu ofbeldisbroti sem fjórir hæstaréttardómarar komust að þeirri niðurstöðu um að teldist ekki kynferðisbrot.

„Kynferðisbrot eru hluti af stærra samfélagsvandamáli sem spretti úr okkar jarðvegi [...] „Vandinn liggur ekki hjá einstökum ofbeldismönnum heldur í ofbeldismenningu sem við þurfum að viðurkenna og fást við [...] Hérna er það Hæstiréttur sem er að bregðast fórnarlambi kynferðisofbeldis og er með dómi sínum að setja vafasamt fordæmi; það að ofbeldi sem ekki fullnægir gerandanum sé ekki talið kynferðisofbeldi, þó það brjóti á kynfrelsi fórnarlambsins.

“ Hópur mótmælenda var mættur við Hæstarétt um klukkan 8 í morgun og framkvæmdi þar táknrænan gjörning með skúringahanska, fötur og kústa á lofti. Lögreglan fylgdist með mótmælunum en hafði ekki afskipti af þeim.

Krotað hefur verið á vegg dómshússins, en samkvæmt upplýsingum mbl.is hafði það þegar verið gert þegar fyrstu mótmælendurnar bar að garði í morgun. Borgaraleg réttindi til kynfrelsis Píratar sendu í nótt frá sér yfirlýsingu þar sem niðurstaða Hæstaréttar í málinu er fordæmd.

Píratar eru sammála séráliti Ingibjargar Benediktsdóttur sem ein hæstaréttardómara telur um kynferðisbrot að ræða. „Við óttumst að dómurinn geti haft fordæmisgefandi gildi í kynferðisbrotamálum, þar sem einblínt er á ætlaðan tilgang gerandans fremur en þau brot á réttindum þolandans sem um ræðir,“ er haft eftir Helga Hrafni Gunnarssyni, meðlimi í Pírötum.

„Dómurinn sýnir fram á stöðnun eða jafnvel afturför í dómskerfinu gagnvart kynferðisbrotum og sýnir svo ekki verði um villst að kominn sé tími til lagasetningar um kynfrelsi sem sérstaka tegund borgararéttinda.

" Þá vilja Píratar að gerð sé ítarleg hlutlaus rannsókn á þeim dómum sem kveðnir hafa verið upp í kynferðisbrotamálum undanfarinn áratug, með það fyrir augum að kanna hvort dómtúlkanir séu í ósamræmi við gildandi lög, eða hvort lögin sjálf séu almennt það óljós að jafnvel dómarar eigi erfitt með að skilja tilgang þeirra.////////////////Þetta er ekki gott að ætla að taka löginn í sínar hendur!!en mótmæli heiðarleg eru leifð en svona er þetta að Hæstiréttur er óhaganlegur og það er ekki hægt að breyta honum ,en þessi mótmæli eru bara ekki við hæfi að manni finnst,svo maður fari nú lengra ,í svona nokkuð er það orðið, því miður að menn eru farnir að taka lögin í sínar hendur 2* hefur þetta gerst núna að meint afbrot kynferðislega hafa verið tekin í svona einkastríð og árásir er þetta það sem koma skal að jafnvel menn saklausir getir orðið fyrir þessu,við viljum ekki svona framgang mála þau verða aðfara dómstólaleiðina/Halli gamli

„Skúrað út úr“ Hæstarétti

Athugasemdir

[Valdimar Samúelsson, 4.2.2013 kl. 19:51]

Ég vann í Kenia, Afríku. Þar var maður dæmdur fyrir að koma við konu á hennar prívat stað. Þeir orðuðu það á þann hátt að maðurinn hafi komið við ''The most privat place.'' Ef það er ekki nauðgun sem þessir vítisenglar gerðu þá er lítið framtíð í réttarkerfinu fyrir þá sem verða fyrir kynferðisofbeldi.  

[Haraldur Haraldsson, 4.2.2013 kl. 20:19]

Ég er ekki að verja þessar gjörðir þarna í Hafnarfyrði,en æðsti dómur hefur sagt sitt og það ber okkur að virða,þeir höfðu meiri vitneskju en við fáum!!en þemað mitt er að taka ekki dóma í sínar hendur án dóms og laga,ein og við verðum vittni af í hita leiksins!!!/Kveðja

[Valdimar Samúelsson, 4.2.2013 kl. 20:34]

´Já ég er meir að segja ef dómskerfið okkar er ekki eftir væntingum fólksins þá mun það taka lögin í sýnar hendur. Það mun fórna sjálfum sér til að fá dóma réttláta. Lögin eru til.