Jafnlaunavottun til að útrýma launamun//þetta gott mál en erfitt,það ber nátturleg að vera samvinna allra stétt um þetta!!!

Jafnlaunavottun til að útrýma launamun Innlent | mbl.is | 5.2.2013 | 16:01 Með Jafnlaunavottun VR, sem ætluð er fyrirtækjum og stofnunum, gefst launagreiðendum nú tækifæri til að sýna svart á hvítu að launastefna þeirra og mannauðsstjórnun mismuni ekki körlum og konum.

Á næstunni mun VR birta auglýsingar í fjölmiðlum um þetta nýja vopn í jafnréttisbarattunni. Þetta kemur fram í fréttatilkynningu. VR hefur unnið að þróun Jafnlaunavottunarinnar í tæp tvö ár, meðal annars í samstarfi við BSI á Íslandi (British Standards Institution) og byggir vottunin á nýjum jafnlaunastaðli sem Staðlaráð Íslands gaf út á síðasta ári.

Útgáfa þessa staðals markar tímamót í jafnréttisbaráttu, ekki bara á Íslandi heldur á heimsvísu. Forsendur þess að fyrirtæki eða stofnanir innleiði staðalinn eru meðal annars að fyrir liggi mótuð launastefna, að launaviðmið hafi verið ákveðin og að störf séu flokkuð samkvæmt kerfi Íslenskrar starfagreiningar, ÍSTARF 95.

Með Jafnlaunavottun VR eru viðmiðin sem atvinnurekendur þurfa að uppfylla til að fá vottun skýrð og samræmd samkvæmt viðurkenndri aðferðafræði.

Nokkur fyrirtæki þegar sýnt áhuga „Stéttarfélögin hafa barist fyrir jöfnum launum karla og kvenna áratugum saman og þrátt fyrir marktækan árangur er ennþá mikill munur á launum kynjanna,“ er haft eftir Stefáni Einari Stefánssyni, formanni VR í fréttatilkynningu.

„Samkvæmt niðurstöðum launakönnunar 2012 hafa konur í VR að meðaltali 14,9% lægri laun en karlar og þegar tekið hefur verið tillit til allra áhrifaþátta á launin er óútskýrður launamunur 9,4%. Þetta er óásættanlegt að okkar mati og hvorki félagsmenn VR né aðrir á vinnumarkaði geta beðið lengur eftir því að allir sitji við sama borð.

Þessa baráttu verður að heyja bæði á vettvangi stéttarfélaganna og innan veggja fyrirtækjanna. Þess vegna hleypir félagið nú af stokkunum Jafnlaunavottun VR.“ Kostnaði við úttektir er mjög í hóf stillt en hann fer eftir stærð fyrirtækja og þeim tíma sem vottunarferlið tekur

. Jafnlaunavottun VR er fyrsta vottaða ferlið sem vitað er um á Vesturlöndum sem gerir venjulegum fyrirtækjum og stofnunum, litlum sem stórum, kleift að fá vottaða staðfestingu á því að fullt launajafnrétti sé við lýði innan þeirra.

VR hefur ákveðið að ríða á vaðið og stendur nú yfir úttekt BSI á Íslandi á starfsemi félagsins fyrir Jafnlaunavottun VR. Nokkur fyrirtæki hafa þegar lýst yfir áhuga á að fá Jafnlaunavottun VR.

Ferlið sem fyrirtækin fara í gegnum er tiltölulega einfalt en það felur meðal annars í sér gagnrýna skoðun á starfsflokkum og verkaskiptingu.

Jafnlaunavottunin einskorðast ekki við fyrirtæki sem starfa á samningssviði VR heldur stendur hún öllum til boða, jafnt fyrirtækjum sem og stofnunum sem vilja leggja sín lóð á vogaskálar þess jafnréttis sem svo lengi hefur verið barist fyrir, segir í tilkynningunni.///////////////þegar talað er svona hluti dettur manni einmitt það í hug sem var og hét og átti að vera bæði hjá sossum og Alþýðuflokknum ="Friður frelsi jafnrétti og bræðralag" en þetta er og verður að vera kjörorð okkar allra hvar í flokki sem við stöndum!!!en ein og V.R. er að gera er gott,en það verða bara allir að vera þarna samtaka,annars verður þetta ekki gert,einnig hjá veðalýðsforingjum öllum og stjórnmálamönnum ekki síst,manni finnst að gamla skipareglan á sjónum sé gyld að engin skuli hafa meira en tvo hluti!!svo þar á milli eftir lærdómi reynslu og stöðum!!!getum við bara ekki haft þetta að leiðarljósi í þessari framtíð jafnréttis karla og kvenna og launa!!!ég hefi alltaf átt mér þennan draum og vona hið besta///Halli gamli

Jafnlaunavottun til að útrýma launamun

Athugasemdir

[Helgi (IP-tala skráð) 5.2.2013 kl. 18:00]

Sæll.

Af hverju halda menn að þessi munur verði til? Er þetta samsæri gegn konum? Eru atvinnurekendur svona vondir?

Þetta kemur til af ýmsum ástæðum og ég hugsa að svona kerfi geri konur ekki eins fýsilega starfsmenn eða þá að karlmenn sækja síður um á svona vinnustöðum. Þetta snýst allt bara um peninga en ekki jafnrétti, ef VR ætlar að taka þá í svona vitleysu kemur hún bara í bakið á félagsmönnum :-( en ekki forystunni sem ætti auðvitað að borga fyrir svona mistök.

[Anna Sigríður Guðmundsdóttir, 5.2.2013 kl. 21:06]

Halli. Það er ekki mögulegt að kyngreina jafnrétti og réttlæti.

Jafnrétti og réttlæti er einungis bundið við að ekki megi bjóða öðrum það sem maður sjálfur vill ekki þiggja.

M.b.kv.