Páfinn segir af sér/rétt ákvörðun að manni finnst,kannski kemur einkver sem vill fylgja samtíðinni!!!

Páfinn segir af sér Erlent | AFP | 11.2.2013 | 11:08 Benedikt XVI páfi ætlar að láta af embættinu í lok mánaðar samkvæmt frétt breska ríkisútvarpsins. Talsmaður páfa, Federico Lombardi, staðfestir þetta í samtali við AFP fréttastofuna.

Mun hann láta af embætti klukkan 20 (klukkan 19 að íslenskum tíma) þann 28. febrúar nk. Verður Benedikt páfi fyrstur til þess að láta af embætti páfa í margar aldir en nánast alltaf gegnir páfi starfinu til dauðadags.

Benedikt XVI (sem er 85 ára að aldri) tók við embætti páfa í apríl 2005 við andlát Jóhannesar Páls II páfa, og er einn sá elsti til þess að taka við embættinu eða 78 ára að aldri. Hann segist láta af störfum sökum aldurs.

Hann hafi ekki lengur heilsu til að gegna starfinu. Benedikt XVI er þýskur og heitir réttu nafni Joseph Ratzinger.

Hann er númer 265 í röð páfa hinnar kaþólsku kirkju en alls eru rúmlega milljarður jarðarbúa í kaþólsku kirkjunni. Bæði Angela Merkel, kanslari Þýskalands, og François Hollande, forseti Frakklands, segja ákvörðun páfans virðingarverða en fjölmiðlar um allan heim greina frá ákvörðun páfans sem markar tímamót í sögu kaþólsku kirkjunnar.

Ratzinger er níundi Þjóðverjinn sem gegnir embætti páfa. Hann er sagður orðheppinn og heillandi í viðkynningu og talar nokkur tungumál reiprennandi.

Hann var einn nánasti samverkamaður og vinur Jóhannesar Páls II og þótt fræðimaðurinn þýski væri ólíkur hinum alþýðlega Pólverja voru þeir sagðir vera skoðanabræður í öllu sem máli skipti.

Ratzinger var oft kallaður hægri hönd páfa sem gerði hann árið 1981 að yfirmanni Safnaðar kenningarinnar, valdamikillar stofnunar í Páfagarði.//////////////Þetta þykja fréttir og ekki skeð oft,kannski tvisvar í aldarsögum!!en eins og með þessa trú sem er mjög lík okkar evangelísku,bara kreddumeiri,er þetta stór hópur um allan heim,sem þarna hefur þessa trú,en svona í framhjáhaldi spyr maður sig hvert hann hafi frétt af Jóhönnu þau eru svolítið lík mjög einstrengileg,en þetta var bara svona jók!!!en semsagt ,við fáum vonandi kristið fólk nýjan Páfa sem er ögn framfarasinnaðri en forverar hans!!!!/Halli gamli

 

Páfinn segir af sér

Athugasemdir

[Jón Valur Jensson, 11.2.2013 kl. 20:11]

"Framfarasinnaður" í hverju, Halli minn? Að leyfa fóstudeyðingar? Nei takk, það er ekki kristindómur og hefur aldrei verið. Að leyfa hjúskap einstaklinga af sama kyni? Nei, það stríðir eindregið gegn bókstaf Biblíunnar. Að vígja kvenpresta? Nei, eins og Josef Ratzinger kardínáli færði góð rök fyrir, sem yfirmaður stjórnardeildar trúarkenningarinnar, alllöngu áður en hann tók við páfastarfinu.