Bundu karlana og nauðguðu konunum/mikil aðgát skal höfð þar sem eiginlega vilta vestrið er ráðandi!!!!

Bundu karlana og nauðguðu konunum Erlent | AFP | 6.2.2013 | 8:54 Hópur grímuklæddra og vopnaðra manna nauðgaði sex spænskum ferðamönnum á mexíkóska ferðamannastaðnum Acapulco.

Árásin er nýjasti kaflinn í ofbeldishrinu sem hefur gengið yfir svæðið sem áður var íburðamikill og vinsæll ferðamannastaður við KyrrahafiðÁrásin var hrottaleg og stóð yfir í margar klukkustundir.

Hún átti sér stað aðfaranótt mánudags í húsi sem sex spænskir karlar, sex spænskar konur og ein mexíkósk kona höfðu leigt á friðsælli strönd rétt fyrir utan Acapulco.

Árásarmennirnir komust inn í húsið er tveir Spánverjarnir voru úti í garði.

Borgarstjórinn í Acapulco segir að þeir hafi svo verið þvingaðir til að hleypa árásarmönnunum inn í húsið. Árásarmennirnir voru fimm og miðuðu byssum á ferðamennina sem í húsinu dvöldu.

Þeir bundu karlana með símasnúrum og beltum af baðsloppum. Síðan nauðguðu þeir spænsku konunum. Mexíkósku konunni var ekki nauðgað.

Saksóknarinn sem fer með málið segir að mexíkóska konan hafi beðist vægðar og að árásarmennirnir hafi hlíft henni þar sem hún væri Mexíkói.

„Sem betur fer erum við með traust sönnunargögn sem geta leitt okkur að hinum seku,“ sagði saksóknarinn.

Árásin hófst um tveimur klukkustundum eftir miðnætti, aðfaranótt mánudags. Fórnarlömbin gátu ekki tilkynnt um glæpinn fyrr en fimm klukkustundum síðar.

Acapulco var eitt sinn gríðarlega vinsæll ferðamannastaður og á sjötta og sjöunda áratugnum var hann m.a. mjög vinsæll viðkomustaður kvikmyndastjarna.

Undanfarin ár hafa þó fíkniefnasalar og ofbeldismenn skemmt ímynd staðarins. Hingað til hafa ferðamennirnir sjálfir þó að mestu sloppið undan árásum glæpamannanna.///////////////það er ekki fýsilegt að ferðast til svona staða ein og reyndar eru víðar en í Mexíkó,og það er alveg ófært að bjóða fólki uppá svona hættu!!!ég hefi komið þarna með skemtiferðaskipi á tvo staði fallegt en við undir eftirliti og það ein gott!!þetta er því miður ógeðslegt að vita til að svona aðfarir ske ennþá,við munum forðast þessa staði!!!!/Halli gamli

Bundu karlana og nauðguðu konunum