Ýmsu ábótavant við rannsóknina/Þetta er svona að fyrsu fregnir eru oft í fumi sagðar!!!

Ýmsu ábótavant við rannsóknina Erlent | AFP | 21.2.2013 | 14:04 Vitnaleiðslur standa nú yfir í máli suður-afríska hlauparans Oscars Pistorius, þriðja daginn í röð. Enn liggur ekki fyrir hvort hann verði látinn laus gegn tryggingu.

Í ljós hefur komið að ýmsu er ábótavant við rannsókn málsins. Pistorius er ákærður fyrir að hafa myrt unnustu sína, fyrirsætuna Reevu Steenkamp þann 14. febrúar.

Hann segist saklaus og segist hafa talið að hún væri innbrotsþjófur á baðherbergi húss þeirra.

Segir sakborning ekki átta sig á alvarleika málsins Saksóknari segir helst á verjanda Pistorius að skilja að skjólstæðingur hans vilji helst „halda áfram með líf sitt eins og ekkert hafi í skorist“ og að hann sýni ekki minnstu merki um að hann átti sig á alvarleika þess sem hefur gerst.

Hann segir athafnir Pistorius gefa til kynna að þar fari maður sem er tilbúinn og viljugur til að myrða. Ekki sé óhætt að láta hann lausan gegn tryggingu, hann eigi hús á Ítalíu og gæti vel farið þangað.

Lögreglumaðurinn sætir ákærum fyrir morðtilraunir Við vitnaleiðslurnar í morgun beindist kastljósið að lögreglumanninum Hilton Botha, sem fer með rannsókn málsins, en hann sætir nú ákæru fyrir sjö morðtilraunir.

Þetta þykir veikja málflutning ákæruvaldsins verulega, en einnig hefur komið í ljós að Botha skeytti lítt um vettvang hins meinta glæps og klæddist ekki hlífðarbúningi er hann kom á heimili Pistorius og gæti því hafa spillt sönnunargögnum.

Frá réttarsalnum í morgun. Fjölskylda Pistorius er fyrir miðri mynd. AFP Að auki hefur komið í ljós að lögreglu yfirsást byssukúla sem hafði hafnað í salerni og fannst hún ekki fyrr en fjórum dögum eftir að lögregla kom fyrst á vettvang.

Stórfyrirtæki gera hlé á samstarfi Íþróttavöruframleiðandinn Nike tilkynnti í dag að það myndi gera hlé á öllu samstarfi við Pistorius á meðan á málarekstrinum stendur, en hann hefur auðgast gríðarlega vegna auglýsinga fyrir fyrirtækið.

Það sama tilkynnti sólgleraugnaframleiðandinn Oakley og í gær greindi franska snyrtivörufyrirtækið Clarins frá því að það myndi hætta að birta auglýsingar með hlauparanum./////////////Það er svo að engin er sekur fyrr en sannað er!!! og við skulum bar fara varlega í þetta og fá nánari upplýsingar áður en við förum að dæma manninn og það er svo margt Þarna ennþá óljóst og að koma nýtt fram sem ekki hefur okkur verið áður um fjallað og gæti þýtt ýmislegt sem kemur honum jafnvel til góða ef rétt er sagt frá,ég er ekki að dæma manninn nema það sannist,og finnst málið vara að komast i það,að það sé óljóst mjög,það er ekki hægt að dæma bara eftir líkum það er komið nóg af slíku!!!/Halli gamli

Ýmsu ábótavant við rannsóknina

Athugasemdir

[Guðjón Sigþór Jensson, 21.2.2013 kl. 17:38]

Sammála!

Eitthvað er ekki með felldu með rannsóknina. Þannig átti að heyrast ófriður frá húsinu en vitni bjuggu í nokkur hundruð fjarlægð! Er líklegt að frumrannsókn lögreglu byggist á ljúgvitnum?

Verjandi Pistoriusar virðist vera mjög starfi sínu hæfur og vill sannleikann fram. Hafi lögregla spillt vettvangi vegna handvammar, þá gæti það veikt mjög sönnunargögn og jafnvel leitt til lágmarksrefsingar, jafnvel sýknu.

Góðar stundir!

[Haraldur Haraldsson, 21.2.2013 kl. 18:08]

Hárr rétt hjá þér Mosi vinur minn/Kveðja