Mæla með brú yfir Fossvog//er ekki eitthvað annað sem þerf að laga en þessi miljarða aðgerð,geðveila þessarar Borgarstjórnar er komin úr böndum!!!

Mæla með brú yfir Fossvog Innlent | mbl.is | 7.3.2013 | 16:10 Ný brú yfir Fossvog yrði samgöngubót fyrir gangandi og hjólandi vegfarendur.

Aðeins tæki fimm mínútur að ganga yfir brúna en núna leggja vegfarendur lykkju á leið sína fyrir Fossvoginn en umferð gangandi og hjólandi vegfarenda um botn Fossvogs er um 500 til 1000 á dag og fer vaxandi.

Þetta kemur fram í frétt frá Reykjavíkurborg. Í greinargerð starfshóps Kópavogsbæjar og Reykjavíkurborgar um brú yfir Fossvog er mælt með því að brúin verði byggð frá vesturhluta Kársness til móts við flugbrautarenda Reykjavíkurflugvallar.

Þar eru 340 metrar á milli bakka. Sú leið er líklegust þeirra kosta sem skoðaðir voru til að hafa minnst áhrif á lífríki í Fossvogi og raskar ekki friðlýstu svæði við Fossvogsbakka í Reykjavík. Þá tengist hún betur stofnstígakerfi sveitarfélaganna.

Greinargerðin var til umfjöllunar í bæjarráði og borgarráði fyrir hádegi í dag en bæjarstjóri Kópavogs, Ármann Kr. Ólafsson, og borgarstjóri Reykjavíkur, Jón Gnarr, hafa báðir verið talsmenn þess að kostir við byggingu brúarinnar verði kannaðir til hlítar.

Í greinargerðinni er farið yfir mögulega staðsetningu brúarinnar, kostnað, byggingartíma og áhrif hennar á siglingafélög í Fossvogi, umhverfið og fleira.

Fjallað er um kosti þess að hafa brúna eingöngu fyrir gangandi og hjólandi umferð eða að leyfa jafnframt akstur strætisvagna yfir brúna. Þá eru skoðaðir möguleikar á því að hafa brúna opnanlega snúningsbrú með 20 metra breiðu siglingaopi.

Áætlaður kostnaður við gerð 270 metra göngu- og hjólabrúar er 950 milljónir króna. Ef strætisvagnar eiga að geta ekið yfir brúna er kostnaður við brúna áætlaður1,250 milljónir króna.

Ódýrasti möguleikinn, 100 metra göngu- og hjólabrú, er metinn á 640 milljónir króna. Sá möguleiki að geta opnað brúna fyrir bátaumferð kostar 150 milljónir króna til viðbótar.

Gert er ráð fyrir að bygging brúarinnar taki um það bil eitt ár. Annar undirbúningur, svo sem umhverfismat og skipulagsvinna, gæti tekið um eitt til tvö ár til viðbótar.

Nú stendur yfir vinna við gerð aðalskipulags í Kópavogi og í Reykjavík og verður þessi hugmynd lögð inn í þá vinnu, en ekki er gert ráð fyrir brú á þessum stað í eldra aðalskipulagi.

Í greinargerð starfshópsins segir að brúin yrði mikil samgöngubót á höfuðborgarsvæðinu. Sérstaklega mun hún þó bæta samgöngur fyrir íbúa Kársness.

Hún félli vel að þeim markmiðum Kópavogs og Reykjavíkur að stuðla að vistvænum samgöngum og breyttum ferðavenjum.

Talning sem Reykjavíkurborg og Kópavogsbær létu gera á umferð hjólandi og gangandi vegfarenda við botn Fossvogs árið 2011 gefur til kynna að um 500 til 1000 manns séu á ferðinni þar á degi hverjum.

Um fimm til sjö mínútur tæki að ganga yfir brúna./////////////////þetta eru hugmyndir sem vert er að skoða,en að segja að bara hjólandi gangandi og jafnvel Strætó ,því ekki allir sem aka við bifreiðaeigendur borgum skatta til vega í öllum tilvikum og mikið meira en það!!!að þetta vinstra fólk sem er bílfjandsamlegt að mínu mati er að rembast við að útiloka bílinn en notar hann samt flest,svona kannski þegar engin sér!!en við látum ekki fara svona með okkur,þó svo veður hamli okkar för annað slagið,það gerir einnig hjá hjólandi og gangandi,en þessi hugmynd er góð ef alvöru brú væri byggð og þá ekki bara í kópavog einnig til Álftanes áfram,en þetta að byggja þarna alvöru brú er skinsamlegt þegar efni ráða,og ekki síður Sundabraut sem búið er tala um í 25 ár og er í biðstöðu,vegna hvers,þetta gæti sparað okkur ómælt fé til lengdar í eldneyti og um leið bætt aðstöðu okkar til að flýja Borgina ef einhver Vá kemur upp ein og eldgos á Reykjanesi eða við bláfjöllin!!!þetta er allt skoðandi en ekki bara núna eins og er vegna peningaleysis,en þessi leið er fær þegar við erum komin í betra form í fjármálum!!!!/Halli gamli

Mæla með brú yfir Fossvog

Athugasemdir

[Bjarki (IP-tala skráð) 14.3.2013 kl. 19:18]

Á ekki að fara í framhvæmdir í kreppu?