Vörukarfan í Hagkaup hækkað um 4,2%//

Vörukarfan í Hagkaup hækkað um 4,2% Innlent | mbl.is | 18.3.2013 | 13:36 Á einum mánuði hefur vörukarfa ASÍ hækkað í 10 verslunum af þeim 15 sem verðlagseftirlitið heimsækir.

Mest hækkaði karfan í Hagkaup um 4,2% og Nettó um 3% en hún lækkaði mest í Kaupfélagi Steingrímsfjarðar um 1,8%, Nóatúni um 1,7% og í Iceland um 1,6Vöruflokkurinn hreinlætis- og snyrtivörur er eini flokkurinn sem hækkar hjá öllum verslunum, mesta hækkunin er 6,7% hjá Bónus og 6,1% hjá Nóatúni meðan aðrar verslanir hækka minna.

Flokkurinn brauð og kornvörur hefur hækkað um 0,6% - 5,5% hjá öllum verslunum nema Kaupfélagi Steingrímsfjarðar, Iceland og Kjarval

. Sætindi hafa hækkað töluvert í verði hjá 10 verslunum af 15 sem og vöruflokkurinn mjólkurvörur, ostar og egg sem hafa hækkað í verði í 11 verslunum af 15.

Líkt og áður sveiflast verð á kjöti töluvert og hafa þær sveiflur umtalsverð áhrif á heildarverð körfunnar, enda vegur sá vöruflokkur þungt.

Verð á grænmeti og ávöxtum hefur lækkað hjá 13 verslunum af 15, mesta lækkunin er hjá Kaupfélagi Steingrímsfjarðar eða 10,6% og hjá Samkaupum-Úrvali um 9,2%.

Verðlagseftirlitið mælir breytingar á verði vörukörfu sem endurspeglar almenn innkaup meðalheimilis. Vörukarfa ASÍ inniheldur allar almennar mat- og drykkjarvörur, t.d. brauðmeti, morgunkorn, pasta, kjöt, fisk, grænmeti, ávexti, pakkavörur, kaffi, gos, safa, auk hreinlætis- og snyrtivara.

Við samsetningu vörukörfunnar voru hafðar til hliðsjónar vogir Hagstofunnar sem notaðar eru til útreiknings á vísitölu neysluverðs.

Vogirnar segja til um hversu stór hluti tilteknir vöruflokkar eru af neyslukörfu meðalheimilis.

Verðbreytingar eru skoðaðar í eftirfarandi verslunum: Í lágvöruverðsverslunum Bónus, Krónunni, Nettó og Iceland; í almennu matvöruverslununum Hagkaupum, Nóatúni og Samkaupum-Úrvali, Tíu-ellefu, Samkaupum-Strax og Víði; í verslunum staðsettum á landsbyggðinni Kjarval, Kaskó, Kaupfélagi Skagfirðinga, Kaupfélagi Steingrímsfjarðar og Kaupfélagi Vestur-Húnvetninga.

Þess ber að geta að hér eru einungis birtar upplýsingar um verðbreytingar í verslanakeðjunum milli verðmælinga.

Ekki er því um beinan verðsamanburð að ræða þ.e.a.s. hvar ódýrustu vörukörfuna var að finna.

Einnig er rétt að athuga að skoðuð eru þau verð sem eru í gildi í verslununum á hverjum tíma og geta tilboð á einstaka vöruliðum því haft áhrif á niðurstöðurnar, segir í frétt frá ASÍ.////////////////þetta er ekki góð könnun segir okkur ekkert hvað er hvað og kver er lægstur oftast,talandi um Kaupfélög út á landi hafi lækkað svo og svo mikið frá hverju er ekkert sagt!!þetta er meira rugl en ég hefi áður séð frá ASÍ og vel það??engin veit eftir þetta hvar er ódýrast als ekki síðasta verðkönnun frá Iceland sýndu að þeir voru lægstir í 60% tilfella á 600 vöruflokkum,eftir að þeir skoðuðu þetta sjálfir,é gerði þetta reyndar með nokkra vöruflokka milli Bónus og Iceland og vann Iceland þar flesta flokka munaði þó bara oft einni krónu til tvær,en svona kannarnir eru ekki til framdráttar neinum bara rugla fólk/Halli gamli

Vörukarfa í Hagkaup hækkaði um 4,2%