Fátt vitað um aðkomu Schütz//ég er ekkert hissa á þessu,þetta var allt klúður og skömm orðin,þó engin vilji kannast við troppið!!!!

Fátt vitað um aðkomu Schütz Innlent | mbl | 4.4.2013 | 20:31 Ekki liggja fyrir nein skrifleg gögn um það með hvaða hætti þýski lögreglumaðurinn Karl Schütz var fenginn að rannsókn Guðmundar- og Geirfinnsmála á sínum tíma, en hann starfaði að rannsókn málsins frá 1976 til 1977.

Eina skriflega skjalið sem fannst í fórum Stjórnarráðsins var frá því eftir að hann var kominn hingað til starfa.

Þetta kom fram á málþingi sem haldið var í Háskólanum í Reykjavík í dag um Guðmundar- og Geirfinnsmál og trúverðugleika játninga.

Líklega munnleg beiðni Því var haldið fram að líkast til hefði verið um munnlega beiðni eða samkomulag að ræða og sendiherra Íslands í Þýskalandi, Pétur Eggertz verið milligöngumaður um að fá hann hingað til lands.

Frá blaðamannafundi um niðurstöður starfshóps í Guðmundar- og Geirfinnsmáli. mbl.is/Rósa Braga Þá kom það fram í umræðum að svo hefði virst sem almenningur hefði haft blinda trú á Schütz við rannsókn málsins.

Fram kom að af þeim gögnum sem til væru hefði Schütz allan tímann trúað á sekt sakborninga og hans störf fyrst og fremst miðað að því að ná fram játningum.

Hann hefði meðal annars talið að verulegt ósamræmi í framburði sakborninga hefði verið þeirra leið til að trufla framgang málsins.

Það er athygli vert í því ljósi að sakborningar voru í einangrun og höfðu mjög takmörkuð samskipti eða tækifæri til að skipuleggja slíkt.

Ekki virðist hafa verið tekið með í reikninginn að svo misvísandi framburður sem raun beri vitni kunni að hafa stafað af því að sakborningar hafi hreinlega ekkert vitað um málin.

Þá tók Schütz ekkert mark á því þegar sakborningar reyndu að draga framburði sína til baka til að lýsa yfir sakleysi sínu. En allir sakborningar lýstu í upphafi yfir sakleysi.

Töldu ófært að dæma menn seka á grundvelli gagnanna Lögmenn sem sátu ráðstefnuna sem gestir lýstu því yfir að þeir teldu ófært að dómstólar gætu á grundvelli fyrirliggjandi gagna í málinu dæmt menn seka.

Einn þeirra var Jón Steinar Gunnlaugsson, fyrrverandi hæstaréttardómari, sem sagði að eitt grundarvallaratriði í þessu samhengi væri að ekki væri sannað að neitt brot hefði verið framið.

Aldrei vafi að engar sannanir um brot lágu fyrir Hann sagði að það væri sérkennilegt að af fjölda sakborninga í málinu hefði enginn getað vísað á lík, hvorki Guðmundar né Geirfinns.

Jón Steinar sagði að í sínum huga hefði aldrei verið vafi á því að það hefðu aldrei verið færðar sannanir fyrir því að brotin hefðu verið framin, út frá þessum atriðum.

Málþing um áreiðanleika játninga í Guðmundar- og Geirfinnsmálinu var haldið í HR í dag. mbl.is/Rósa Braga Hann sagði mikinn samfélagslegan þrýsting hafa verið um sakfellingu og velti upp þeirri spurningu hvort það gæti hafa verið að dómstólarnir hefðu viljað taka það hlutverk að sér að ljúka málinu á einhvern þann hátt að það félli þjóðinni í geð.

Aðrir gestir á málþinginu spurðu um ábyrgð dómara í þessu máli en engin svör komu þó fram við því önnur en þau að starfshópurinn hefði ekki skoðað ábyrgð rannsakenda, dómara eða annarra sem að málinu komu heldur fyrst og fremst þau gögn sem lágu fyrir.

Boðaði ritgerð í næstu viku um dómstóla Jón Steinar boðaði að í næstu viku kæmi fram ritgerð um hvað betur mætti fara varðandi dómstóla hérlendis.

Fram kom í erindi að eftir að tekin var upp sú regla að hljóðrita yfirheyrslur og skýrslutökur hérlendis hefðu vettvangsferðir aukist en þar var hægt að eiga óformlegri samskipti við hina grunuðu.

Þá kom einnig fram að það vekti sérstaka athygli hversu mikil óformleg samskipti voru viðhöfð við sakborninga í þessu máli og í því samhengi voru nefndar mjög tíðar ferðir inn í klefa þeirra.

Þá var vakin á því athygli að í geðskýrslum sem gerðar voru við rannsókn málsins hefði verið fjallað um sakborninga eins og þeir væru í raun sekir, en á þeim tíma voru málin enn á rannsóknarstigi og enginn dómur fallinn.

Sævar Ciesielski reyndi tvívegis að fá Guðmundar- og Geirfinnsmál endurupptekin fyrir Hæstarétti. Morgunblaðið/Ásdís////////////////Það er svo að þetta mál er ofurgott eins og öll svört mál að koma með svona rétt fyrir kosningar,það er allt grafið upp nauðganir hrottaskapur einelti og pervertar allskonar og barnauðgarar þetta er ekki hlussað  í fréttamiðla eða lesin blöð nema þetta sé aðal málið í þeim,allt dregið fram sem gæti verið hæft að nota sem bragð á einhvern!!!nei ég er ekki að gera lítið úr þessu að taka á málum þar og hér,en þetta sérstaka mál er komið nóg um og vel það ,bara láta þessa fræðinga sem eru þarna í Háskóla og víðar láta þetta vera kennsluverkefni og síðan bara okkar dómsmálaráherra of saksóknari sýkna menn alla þarna lifandi og látna,annað er ekkert til í dæminu,að fara að kosta of fjár í endurtöku er bara sóun og ekkert annað,ef málin eru fyrnd sem þau eru með nauðganirnar er það bara búið mál en hún getur að sjáfsögðu höfðað einkamál sem ríkið svo borgaði ef sá lögregluþjónn er lifandi,!!!en við skulum bara læra af þessu það eru mikið fleiri mál en þetta sem ekki hafa verið leyst/Halli gamli

Fátt vitað um aðkomu Schütz

Athugasemdir

[Anna Sigríður Guðmundsdóttir, 4.4.2013 kl. 23:55]

Sæll Halli minn.

Nú er mér ofboðið hvernig yfirmenn/konur í öllum valdaklíkum loka augunum!

Einhverjir innan valdstjórnarinnar allsráðandi vita allt um aðkomu þessa þýska Schütz. Það er óhugnanleg staðreynd.

Ég er sammála þér að það er fátæklegt af Ögmundi að koma með þetta uppgjör rétt fyrir kosningar, og ekkert réttlætir þöggun á staðreyndum fortíðarspillingar!

Það er líka óhugnanleg staðreynd að Erla Bolladóttir hefur kært mann innan löggæslunnar fyrir misnotkun á henni, sem varnarlausu vitni, (kúgaðri nýbakaðri unglings-móður), í morð-glæpamáli, þar sem engin sönnunargögn hafa nokkurn tíma fundist um morð!

Þetta er svo alvarlegt mál, að ekki getur nokkur réttlátt hugsandi einstaklingur sem fylgst hefur með þessu máli frá upphafi, treyst starfandi lögregluyfirvöldum, með þennan grunaða starfsmann enn, í því mikilvæga starfi, að gæta lagalegrar löggæslu allra einstaklinga jafnt, í siðmenntuðu ríki!

Grunaður nauðgari innan löggæslunnar, og grunaður heilbrigðis-starfandi læknir, sem hefur tekið þátt í glæpnum á sínum tíma, með getnaðarvarnar-pillu-lyfseðil fyrir Erlu, ættu ekki að fá að starfa innan þessara geira í kerfinu, og ættu með lögum og rétti að fá sömu meðferð og aðrir afbrotamenn samfélagsins.

Það skilja það allir að kona í einangrunar-fangavist þarf ekki getnaðarvarnar-pillu, eftir langa einangrun innan löggæslunnar!

Stefán Eiríksson, (undirheima-lögguláki), vildi ekki veita viðtal í fjölmiðlum í dag! Skiljanlega er hann bæði skák og mát í þessu máli, eins og löggu-lákinn Geir Jón: tilvonandi frambjóðandi Sjálfstæðisflokksins!!!

Hvers vegna ættum við að treysta Löggæslu-yfirvöldum á Íslandi, og víðar í þessari veröld?

Nú verður fólk í öllum stéttum að standa saman með löglegu réttlætinu og minni máttar, á löglegum ó-múgæsingar-nótum!

Og í framhaldi af þessu gamla dómsmorðsmáli bendi ég á, að löglegt réttarkerfi á líka að gilda um Annþór og Börk, eins og aðra einstaklinga í þessu samfélagi. Þar eru svikabrögð í lagataflinu, enn einu sinni!

Það sjá allir sem fylgst hafa með því máli!

Ætla íslendingar að endurtaka Guðmundar og Geirfinnsmálið, með Annþórs og Börks-málinu?

Hvað er Ögmundur eiginlega að hugsa í því máli?

Heldur ofdekraði og eldgamli samdauna-spillingar-pólitíski Ögmundur, að það komi einhver flokkaklíku-"engill" með svarta vængi, og sleppi honum við að vera sjálfum sér samkvæmur á þessari kosninga-kynningar-vakt?

Heldur Ögmundur að almenningur sé einungis ó-marktækir kosningaþrælar svikapólitíkusa? Svikapólitíkusa eins og VG-falsara, sem hafa svo sannarlega sýnt og sannað að þeir eru lýðræðis-svikaklíka númer eitt! 

Hvar er samfélagsábyrgð íslendinga? Hvar eru fjölmiðlarnir? Hvar er siðferðisleg og sjálfstæð hugsun einstaklinga? 

Er fólk virkilega tilbúið að horfa í hina áttina og loka augunum, þegar er augljóslega verið að brjóta hiklaust á saklausu fólki áfram, með fullu leyfi Ögmundar-svika-VG, og fleiri siðblindingja valdstjórnar-elítunnar áratugagömlu?

Nú er nóg komið!

M.b.kv.