Stefnir í frekari samdrátt ríkisútgjalda/það er ekki furða við gerum ekkert í því að snúa við!!!

Stefnir í frekari samdrátt ríkisútgjalda Viðskipti | mbl.is | 18.4.2013 | 13:15 Ótrúlega lítil umræða hefur verið um stöðu ríkisfjármála í kosningabaráttunni.

Hagfræðideild Landsbankans segir að það líti út fyrir að þegjandi samkomulag ríki meðal stjórnmálamanna um að minnast sem minnst á ríkisfjármálin.

Segir deildin að við blasi að til komi meiri niðurskurðar en ekki útgjaldaaukningar. Það ríkir því eins konar þegjandi samkomulag meðal stjórnmálamanna að minnast sem minnst á ríkisfjármál, enda mörg loforð uppi sem ríkissjóði er ætlað að standa undir.

Þetta kemur fram í hagsjá hagfræðideildar Landsbankans, en þar segir að allt bendi til þess að nauðsyn sé á áframhaldandi aðhaldi í fjármálum.

Þar sem enginn flokkur tali fyrir hækkun skatta þurfi því að horfa á frekari samdrátt í útgjöldum. Tekjuáætlun ríkissjóðs fyrir árin 2013–2016 byggði á þremur meginstoðum.

Í fyrsta lagi fyrirliggjandi upplýsingum um þróun skattstofna og breytingar á skattkerfinu miðað við stöðuna sumarið 2012, í öðru lagi á þjóðhagsspá Hagstofunnar frá júlí 2012 og í þriðja lagi á áformum stjórnvalda um sérstakar tekjuöflunaraðgerðir á næstu árum segir í hagspánni.

Þetta hafi verið byggt á bjartsýni, enda sé niðurstaðan nú að hagvöxturinn sé mun minni en áætlað var. Skuldir ríkisins gætu farið vaxandi á næstu árum Hagvöxturinn var 2,9% á árinu 2011 og gert var ráð fyrir að hann yrði 2,8% árið 2012 og héldist stöðugur út spátímann sem nær til ársins 2017.

Nú eru komnar tölur fyrir árið 2012 sem sýna að landsframleiðslan nam um 1.708 milljarða og jókst um 1,6% í stað þeirra 2,8% sem reiknað var með í forsendum fjárlaga

. Tekjuaukinn á árinu 2012 var því töluvert minni en reiknað var með, þannig má ætla að einkaneyslan hafi verið rúmum 4 milljörðum minni en ætlað var og landsframleiðslan um 16 milljörðum minni.

Segir hagfræðideildin að sú staða sem blasi við fjárahagsstöðu ríkisins segir okkur tímabili aðhalds sé langt frá því lokið.

Ríkissjóður sé enn í þeirri stöðu að um 15% tekna sé varið í vaxtagreiðslur.

Gerir deildin ráð fyrir að með áframhaldandi hagvaxtartölum og komið hafa í ljós upp á síðkastið sé nær að horfa til þess að skuldir ríkisins fari vaxandi á næstu árum í stað þess að dragi úr þeim./////////////////////þetta er málið við erum með allt niður um okkur þarna,og því verður að breyta sem fyrst,það er engin að segja það auðvelt,en það er hægt ef vilji allra er fyrir hendi,það sjá það alir sem vilja að þessi forgandsröðun núferandi ríkisstjórnar okkar þessu 4 ár er orðin okkur dýr,það þíðir ekki að segja bara það varð keppa!!þess vegna er meira áríðandi að forgangsraða betur eða algjörlega!!þetta mistókst að miklu leyti og samt skilningur á að þetta var högg sem þurfti að leysa og var reynt en tókst ekki sem skildi,en það bjargaðist með genginu og útflutningi,og makríl og loðnu en ekki aukið nóg við kvótann á Fiski!!en svo maður verður sanngjarn var þetta vinstra fólk duglegt og ekki kannski viljað illt,en að ætla að sósíalvæða alla á nokkrum árum var náttúrlega feig frá  byrjun, og er dýr!!!En nóg um það við viljum ekki svona íslendingar!! jú auðvitað viljum við jöfnuð og hann sem mestan og atvinnu allra og allir geti lifað með sæmt,en ekki að sjá ofsjónum yfir því að sumir hafi meira en aðrir sem eru duglegri að spara og eignast,það er bara ekki öllum gefið,okkur vantar duglega framkvæmdamenn alltaf!!!ég er ekki svona svartsýnn sem Landsbánkin,þessu verður að taka á og forgangsraða rétt!!!/Halli gamli

Stefnir í frekari samdrátt ríkisútgjalda

Athugasemdir

[Helgi Jónsson (IP-tala skráð) 18.4.2013 kl. 14:47]

Á síðustu fjórum árum hafa ýmis mistök verið gerð. En að mínu viti blikna þau í samanburði við þann árangur sem náðst hefur. Ég ætla að rifja upp nokkrar staðreyndir:

 

 

1. Ríkisstjórnin hefur náð fjárlagahallanum úr 216 milljörðum niður í 3,6 milljarða.

 

 

2. Þegar stjórnin tók við nam atvinnuleysið 9,3 prósentum. Í dag er það 4,7 prósent.

 

 

3. Þegar ríkisstjórnin tók við var verðbólgan 18,6 prósent en í dag er hún um 4 prósent.

 

 

4. Seinni hluta kjörtímabilsins hefur hagvöxtur á Íslandi verið með því besta sem gerist í Evrópu.

 

 

5. Á útrásarárunum var Ísland í hópi þeirra þjóðfélaga sem bjuggu við mesta misskiptingu auðs og tekna. Í dag skipar Ísland sér í hóp þeirra ríkja þar sem jöfnuður er mestur.

 

 

6. Líklega hefur engin ríkisstjórn barist jafn ötullega gegn kynbundnu ofbeldi og ríkisstjórn Jóhönnu Sigurðardóttur. Austurríska leiðin, sem veitir lögreglu heimild til að fjarlægja ofbeldismenn af heimilum, hefur loksins verið lögfest. Kaup á vændi hafa verið bönnuð. Samningur Sameinuðu þjóðanna um aðgerðir gegn skipulagðri glæpastarfsemi hefur verið fullgiltur – og að sama skapi samningur Evrópuráðsins um baráttu gegn mansali. Þar að auki hefur verið gripið til margvíslegra úrræða til að stemma stigu við kynferðisofbeldi.

 

 

7. Fyrst nú hefur ríkið tekið að sér að niðurgreiða almennar tannlækningar barna.

 

 

8. Ríkisstjórnin hefur hækkað veiðigjald til að tryggja almenningi aukna hlutdeild í gróðanum í sjávarútvegi. Áætlað er að veiðigjaldið skili ríkissjóði 15 milljörðum á þessu ári sem nýtast munu til fjárfestinga af ýmsu tagi.

 

 

9. Bókhald ríkisins hefur verið gert opnara og gegnsærra en það var, meðal annars með nýjum upplýsingalögum.

 

 

10. Eftirlaunaforréttindi þingmanna ráðherra og æðstu embættismanna hafa verið afnumin.

 

 

11. Ríkisstjórnin „skipaði nýjan forstjóra Landsvirkjunar sem hefur gjörbreytt stefnu fyrirtækisins í þá átt að hámarka verðið (og þar með arðinn) sem við fáum fyrir auðlindina. Fyrir tíð þessarar ríkisstjórnar neitaði Landsvirkjun af einhverjum ástæðum að upplýsa almenning um orkuverð til stóriðju. Öll umræða um skynsemi stóriðjuframkvæmda var af þeim sökum út og suður. Þessu var strax breytt eftir að ný forysta tók við.“ (Jón Steinsson, dósent í hagfræði við Columbia-háskóla: http://www.visir.is/nytur-rikisstjornin-sannmaelis-/article/2012709069963)

 

 

12. Davíð Oddsson var rekinn úr Seðlabankanum.

 

 

13. Ráðuneytum hefur verið fækkað úr 12 niður í 8.

 

 

14. Ísland hefur viðurkennt sjálfstæði Palestínu og Össur Skarphéðinsson utanríkisráðherra sent Ísraelsríki fingurinn.

 

 

15. Fyrir hrun bjuggu Íslendingar við flatan tekjuskatt og eitt hægrisinnaðasta skattkerfi í Evrópu. „Á síðustu árum fyrir hrun var skattkerfið orðið þannig að þeir sem mestar tekjur höfðu greiddu lægra hlutfall tekna sinna í skatt en meðaljóninn. Þessu hefur núverandi ríkisstjórn breytt. Fyrir vikið hafa skatthlutföll lækkað hjá stærstum hluta þjóðarinnar,“ skrifar Jón. Ásakanir stjórnarandstöðunnar og hægrimanna um „skattpíningu vanhæfu vinstristjórnarinnar“ eiga sér ekki stoð í raunveruleikanum. Tekjuskattar eru ennþá lægri hér en víðast hvar á Norðurlöndunum og fyrirtækjaskattur einn sá lægsti í heiminum.

 

 

16. Útgjöld til þróunarmála hafa verið aukin til muna en á árum áður stóðum við samanburðarlöndum okkar langt að baki í þessum málaflokki.

 

 

17. Fyrst nú hafa ein hjúskaparlög verið lögfest.

 

 

18. Tekist hefur að hlífa heilbrigðis- og menntakerfinu í mun meira mæli en annars staðar í Evrópu. Samkvæmt einu virtasta tímariti heims um heilbrigðismál er Ísland gott dæmi um ríki sem tókst að skera rækilega niður í ríkisrekstri án þess að það kæmi verulega niður á heilbrigðiskerfinu. Í tíð sitjandi ríkisstjórnar hafa framlög til tækjakaupa á Landspítalanum og fjórðungssjúkrahúsunum verið aukin.

 

 

19. Sótt hefur verið um aðild að Evrópusambandinu, enda bendir margt til þess að innganga í sambandið geti bætt lífskjör hér á landi. Aðildarsamningurinn verður borinn undir þjóðina þegar hann liggur fyrir.

 

 

20. Ríkisstjórnin hefur „staðið sem klettur gegn ævintýralegum þrýstingi um almenna skuldaniðurfellingu. Slík skuldaniðurfelling hefði haft afleitar afleiðingar,“ skrifar Jón. „Hún hefði kostað ríkið hundruð milljarða og því í raun þýtt miklu hærri skatta í áratugi.“ Þá hefði hún gagnast stóreignafólki mest og lágtekjufólki minnst. „Í stað almennrar niðurfellingar hefur ríkisstjórnin staðið fyrir aðgerðum sem beinast sérstaklega að þeim sem virkilega þurfa á hjálp að halda.“

 

 

21. Fyrst nú hefur barnasáttmáli Sameinuðu þjóðanna verið lögfestur.

 

 

22. Í stað þess að halda bönkunum í greipum ríkisins og stunda fyrirgreiðslupólitík á borð við þá sem tíðkaðist á Íslandi á árum áður, „einkavæddi þessi fyrsta vinstristjórn Íslandssögunnar tvo af bönkunum þremur á skömmum tíma án spillingar. Það verður að teljast talsvert afrek.“

 

 

23. Árið 2012 skipaði Ísland fyrsta sæti á lista Alþjóðaefnahagsráðsins yfir stöðu jafnréttismála í heiminum. Lög um kynjakvóta í stjórnum fyrirtækja og lífeyrissjóða taka gildi á þessu ári og „hlutur kynjanna í ríkisstjórn og í æðstu embættum ríkisins hefur að fullu verið jafnaður.“ (Stjórnarráðið:  http://www.stjornarrad.is/rikisstjorn/frettir/nr/502)

 

 

24. Gerð hefur verið skýrsla um eflingu græna hagkerfisins og grænna starfa.

[Haraldur Haraldsson, 18.4.2013 kl. 14:54]

Eins og ég segi er þessu als ekki allvarnað og tek undir margt þarna,en betur má ef duga skal Helgi ,Þakka innlitið,Kveðja