Spá stormi og snjókomu/skemmtileg spá á sumardagin fyrsta fyrir næstu daga!!

Spá stormi og snjókomu Innlent | mbl.is | 25.4.2013 | 21:56 Útlit er fyrir norðan hvassviðri eða storm og snjókomu um landið norðanvert á sunnudag.

Þeim sem hyggja á ferðalög um helgina, einkum á Norður og Austurlandi er bent á að fylgjast vel með veðurspám.

Næsta sólarhringinn er spáð norðan og norðvestan 5-10 og éljum norðantil, stöku éljum Suðaustanlands en annars þurru að kalla og bjartviðri suðvestantil.

Vindur snýst smám saman í suðvestanátt á morgun og þykknar upp vestantil og fer að snjóa á Vestfjörðum en léttir til fyrir norðan og austan.

Slydda og síðar rigning V-til um kvöldið. Frost víðast hvar, en hiti 0 til 5 stig að deginum við suðvesturströndina.

Hlýnar vestast annað kvöldVeðurhorfur Á landinu Norðan 5-10 og él N-til, stöku él SA-lands en annars þurrt að kalla og bjartviðri SV-til. Snýst í suðvestanátt á morgun, fyrst V-til og þykknar upp en fer að snjóa á Vestfjörðum síðdegis.

Léttir til fyrir norðan og austan. Slydda og síðar rigning V-til um kvöldið en þurrt að kalla austanlands. Víða frost, en hlýnar seint á morgun.

Spá V.Í. gerð 25. apríl kl. 21:54 Á höfuðborgarsvæðinu Norðan 3-8 og bjart með köflum. Suðvestan 5-10 og þykknar upp síðdegis, en rigning eða slydda annað kvöld.

Vægt næturfrost en hlýnar smám saman á morgun. Spá V.Í. gerð 25. apríl kl. 21:55 Veðurhorfur næstu daga Á laugardag Vestlæg átt, 8-15 m/s en hvassari við suðurströndina. Rigning víða vestantil en allvíða slydda til landsins. Skúrir eða él vestanlands síðdegis en gengur í norðan 5-13 norðantil um kvöldið með dálítilli snjókomu, fyrst á Vestfjörðum. Milt veður til kvölds, en frystir síðan.

Á sunnudag Norðan 15-23 m/s, fyrst á Norðvesturlandi síðan norðaustantil en norðan 13-20 um landið sunnanvert. Snjókoma og skafrenningur en yfirleitt þurrt sunnan og suðvestantil.

Dregur hægt úr vindi vestantil um kvöldið, með éljum NV-til. Frost 0 til 7 stig, en frostlaust með suðurströndinni.

Á mánudag Norðan 8-15 m/s en dregur smám saman úr vindi. Léttir til, fyrst vestanlands, en él austantil. Kalt í veðri. Á þriðjudag Norðvestan 5-10 við NA-ströndnina, en annars hæg breytileg átt. Víða bjartviðri og frost um mest allt land en hlánar við SV-ströndina yfir hádaginn.

Á miðvikudag Norðaustlæg eða breytileg átt og bjartviðri. Áfram kalt í veðri. Á fimmtudag Suðlæg átt og bjartviðri en norðaustan strekkingur og slydduél eða skúrir SA-lands. Hægt hlýnandi. Spá V.Í. gerð 25. apríl kl. 21:02////////////////þetta er ekki glæsileg spá fyrir sumarbyrjun eða ekki finnst okkur það sem fylgjumst með veðri almennt!!blessaðir bændurnir og fénaðurinn sem fer að bera og þetta ástand er ekki til að bæta það,en við erum reyndar öllu vön,en þetta er mjög slæmt,fyrir bændur þarna fyrir Vestan Norðan og Austan og þeir margir heylitlir,og þetta veðurlag bætir ekki úr,en við bara vonum að þetta verði síðasta hretið!!!/Halli gamli

Spá stormi og snjókomu