Sjórnarmyndunar viðræður að komast á lokastig,og við bíðum spennt!!!

Skipting ráðuneyta er farin að taka á sig mynd í stjórnarmyndunarviðræðum Framsóknar- og Sjálfstæðisflokks.

Sjálfstæðisflokkurinn fær fjármála- og efnahagsráðuneyti og atvinnuvegaráðuneyti í nýrri ríkissstjórn auk embættis forseta Alþingis.

Stefnt er að því að ljúka stjórnarmyndunarviðræðum um helgina en áður en hægt er að innsigla samstarf flokkanna og kynna það þurfa stofnanir flokkanna, miðstjórn Framsóknarflokksins annars vegar og flokksráð Sjálfstæðisflokksins hins vegar, að samþykkja ríkisstjórnarsamstarf flokkanna tveggja.

Jónmundur Guðmarsson, framkvæmdastjóri Sjálfstæðisflokksins, sagði í skriflegu svari að flokksráð hefði ekki verið boðað til fundar enn.

Vegna Hvítasunnuhelgarinnar má því telja líklegt að þetta verði ekki fyrr en á þriðjudag. Ráðherralisti nýrrar ríkisstjórnar er farinn að taka á sig mynd.

Eins og fréttastofan greindi frá í gær verður Sigmundur Davíð Gunnlaugsson forsætisráðherra og stendur til að hann sitji allt kjörtímabilið.

Morgunblaðið í dag greinir frá því að Bjarni Benediktsson verði fjármála- og efnahagsráðherra.

Blaðið greinir frá því að auk forsætisráðuneytisins fari Framsóknarflokkurinn með utanríkismál, félags- og tryggingamál, samgöngumál og umhverfismál.

Sjálfstæðisflokkurinn muni hins vegar fara með heilbrigðismál, menntamál, dómsmál, atvinnuvegaráðuneytið og fjármálaráðuneytið, auk þess að fá embætti þingforseta.

Þetta er þó ekki frágengið og hefur þessi skipting ekki fengist staðfest hjá formönnum flokkanna og aðstoðarmönnum þeirra.

Raunar hafa þeir Bjarni og Sigmundur Davíð haldið spilunum mjög þétt að sér og flestir þingmenn flokkanna tveggja hafa því fyrst og fremst fengið fregnir af viðræðunum í gegnum fjölmiðla.

Ef það tekst að ljúka stjórnarmyndunarviðræðum um helgina og stofnanir flokkanna samþykkja ríkisstjórnarsamstarf á þriðjudag má búast við að ný ríkisstjórn geti litið dagsins ljós um miðja næstu viku.

lli gamliTengdar greinar: Ríkisstjórnarsamstarf kynnt á morgun eða þriðjudag, Skipting ráðuneyta eftir en málefnin frá, Sigmundur Davíð segist ekki svíkja loforð um skuldalækkanir///////////////Þrátt fyrir þessa blessaða hátíð okkar kristnina manna er við jafn spennt flest fyrir að fá nýja Ríkisstjórn og það er okkar von að takist þar vel til,og við fáum betri tíð í framtíð og nútíð,þar er að segja að við fáum að sjá hina stóru erfiðleika að baki,sem skeður ekki nema við notum til þessa auðlindir okkar skinsamlega,af hverju seigi ég þetta,vegna þess að eftir þessu er beðið að við nýtum þetta okkur til framleiðni og aukningu gjaldeyris og verklegar framkvæmdir koma í framhaldi og atvinna næg,Þetta með snjóhengjuna er stórt verkefni og er leysanlegt, að sögn fróðra manna!!svo er að taka í loforðunum,þau verða rædd og afgreidd á sumarþinginu,leiðrétt laun aldraðra og öryrkja,svo og skuldir heimilanna það verður gert eins og samkomulag næst um margar leiðir þar,en svo Skattalækkun á vörur og tekjur og hækkun skattleysismarka þar kemur launahækkun sem ekki fer í vísitöluna,en númer eitt er að afla meira af öllu til að koma undir okkur fótunum!!!/Halli gamli