Sólskinsstundir aldrei færri//þetta slæmt fyrir okkur öll,en þetta vonandi kemur!!!

Sólskinsstundir aldrei færri Innlent | mbl.is | 12.6.2013 | 14:06 Meðalhitinn í Reykjavík fyrstu 11 daga júnímánaðar var 10,3 stig sem er í meðallagi fyrir sama tímabil síðustu árin. Aftur á móti voru sólskinsstundirnar aðeins 15,4 og hafa aldrei verið jafnfáar síðan mælingar hófust árið 1923.

Frá þessu greinir veðuráhugamaðurinn Sigurður Þór Guðjónsson á bloggsíðu sinni. Hann segir að svo sannarlega hafi verið sumarveður á landinu það sem af er mánuðinum, að fyrstu tveimur dögunum undanskildum, en furðu margir setji samasemmerki á milli sumarveðurs og sólskins.

„Ef sólin glennir sig hér í Reykjavík í 8 stiga hámarkshita, sem æði oft hefur gerst fyrstu dagana í júní og sólskinið er þá oft einkennilega brilljant þrátt fyrir næturfrostið, er sumar að þeirra áliti, en ef skýjað er og 18 stiga hiti, eins og í fyrradag, er ekkert sumar í þeirra huga.

“ Sumarveður felist ekki aðeins í sólskini heldur ýmsu öðru, ekki síst hita. „Nú hefur til dæmis verið hlýtt og notalegt kvölds og morgna ekki síður en um hádaginn en í miklu sólskinsveðri svo snemma sumars er oftast ekki út komandi fyrir kulda strax og sólar nýtur ekki og reyndar jafnvel þó hennar njóti.

“ Fólk fullsnemmt að kvarta Meðalhitinn í Reykjavík það sem af er júnímánuði er hærri en hann hefur oft verið, skrifar Sigurður Þór á bloggið sitt.

Á sama tímabili síðustu tíu ár 20. aldarinnar hafi meðalhitinn verið 9,0 stig og meðalhiti fyrstu 11 júnídagana frá 1949-2912 var einnig 9,0 stig. Hitinn í höfuðborginni sé þó eiginlega smámunir miðað við hitann víða á landsbyggðinni.

„Á Akureyri er meðalhitinn 12,3 stig og 12,0 á Egilsstöðum. Jafnvel á Raufarhöfn er meðalhitinn 11,2 stig sem er svo mikið yfir öllum hugsanlegum meðallögum að ég næ ekki einu sinni upp í það! ... Frá þeim þriðja hefur hiti sjö daga farið í tuttugu stig eða meira einhvers staðar á landinu og oftast á mörgum stöðvum.

“ Sigurður Þór segir fólk fullsnemmt í því að kvarta yfir að sumarið ætlaði ekki að koma. Sumarið sé enda varla byrjað og sé þetta eitthvað sem fólk ætti að hafa vanist.

„Þó sólarstundir séu svona fáar í Reykjavík þessa fyrstu daga júnímánaðar eru slíkar dagasyrpur með litlu sólskini út af fyrir sig svo algengar í öllum sumarmánuðum að það tekur varla að nefna það.

Þær eru eitt af einkennum íslensks sumars. Hér koma yfirleitt nokkrir sólskinsdagar á stangli, stundum reyndar fáeinir í röð, innan um marga sólarlitla daga.“///////////////Það er ekki mikið þó svo við Íslendingar tölum um veður,því við erum svo háð því meira en jafnvel aðrir!!!en við skulum bara vona að þetta breytist fyrr en varir,eða það er mikil spurning samt,ekki sjáanlegt í nánd!!en Vestur Norður og Austurland hafa fengið smá skerf um tíma það er gott ekki veitti þeim af blessuðum!!en svo maður tali um veður er það svo,ég hefi trú á blautu sumri,en kannski og vonandi hefi ég vitlaust lesið í spána mína!!en ég hefi verið mikill veðurmaður alla mína tíð,svona algjör hómópati,sem eg er en samt spáð allatíð mikið í veður og afleiðingar þessa//Halli gamli 

Sólskinsstundir aldrei færri