Frítekjumark aldraðra hækkað/kannski þetta afangi á lengri leið,vonandi''

Frítekjumark aldraðra hækkað Innlent | mbl | 25.6.2013 | 15:55 Greiðslur um 7.000 lífeyrisþega munu hækka, frítekjumark vegna atvinnutekna ellilífeyrisþega hækkar verulega og lífeyristekjur munu ekki lengur skerða grunnlífeyri, verði frumvarp Eyglóar Harðardóttur, félags- og húsnæðismálaráðherra, um afnám ýmissa skerðinga samþykkt.

Hún kynnti frumvarpið á fundi í velferðarráðuneytinu í dag og verður það lagt fram á Alþingi síðar í dag. Frítekjumark vegna atvinnutekna ellilífeyrisþega við útreikning tekjutrygginga hækkar úr 480.000 kr á ári í 1.315.000 kr á ári.

Þá munu lífeyrissjóðstekjur ekki lengur skerða grunnlífeyri almannatrygginga. Frumvarpið kveður einnig á um að eftirlitsheimildir Tryggingastofnunar verði auknar og aðgangur stofnunarinnar að upplýsingum sem taldar eru nauðsynlegar við ákvörðun bóta er rýmkaður.

Verði frumvarpið að lögum aukast framlög ríkisins til almannatrygginga um 850 milljónir króna á þessu ári og um 1,6 milljarð árið 2014 þegar áhrif breytinganna eru komin fram á fullu.

Hækkanir á greiðslum til lífeyrisþega samkvæmt framantöldum breytingum taka gildi 1. júlí nk. og koma til framkvæmda 1. ágúst.///////(//////þetta er þó áfangi ,og vonandi kemur meira  næst,það verður að gera hlutina í áföngum,næst hlýtur að koma kauphækkun hrein til okkar sem ekki lifum á þessum launum og getum ekkert unnið með,eins náttúrlega með öryrkja þeir þurfa ekki síður ábót blessaðir,en við Eldri Borgarar bíðum eftir annarri leiðréttingu það er sjálf kauphækkunin,og það  gera Öryrkjar einnig,en við teljum skrefin!!!/Halli gamli

Frítekjumark aldraðra hækkað