Flestir vilja búa miðsvæðis /þetta er ekki samfærandi,als ekki,als ekki,þessar spunrningar eru bara fyrir 101 fólk.leifi mér að segja stefnumarkandi!!!

Flestir vilja búa miðsvæðis Innlent | mbl.is | 11.7.2013 | 13:16 Miðborg Reykjavíkur og Vatnsmýrin reyndust vinsælust af mögulegum nýbyggingarsvæðum í Reykjavík í nýrri búsetukönnun.

Flestir telja helstu ókosti síns hverfis vera mikla bílaumferð, skort á verslun og þjónustu og slakt strætisvagnakerfi.

Almennt virðist fólk vilja búa í blönduðum hverfum. Könnunin var unnin fyrir Reykjavíkurborg og rannsóknarverkefnið Betri borgarbragur.

Niðurstöðurnar sýna m.a. að um helmingur svarenda býst við því að flytja og skipta um húsnæði innan 5 ára, flestir innan borgarinnar.

Margir leita eftir minna húsnæði 76% Reykvíkinga búa í eigið húsnæði árið 2013, sem er færra en í síðustu könnun 2007 þegar þessi tala var 80%.

Margir svarendur segjast jafnframt leita eftir minna húsnæði en þeir búa núna í. Um 14% eru leigjendur, aðallega yngra fólk og eru flestar leiguíbúðir annars vegar í miðbæ og hins vegar í Grafarholti - Úlfarsárdal.

Flestir Reykvíkingar vilja búa í vesturhluta borgarinnar, miðbæ og nærliggjandi hverfum. mbl.is/Ómar Óskarsson Mjög hátt hlutfall fólks sem er 29 ára eða eldra býr enn í foreldrahúsum, eða 38%.

Flesta dreymir um að eignast eigið einbýlishús, en ef tekið er tillit til efnahags telur rúmlega helmingur svarenda að þeir muni flytja í íbúð í fjölbýlishúsi.

Vinsældir miðborgarinnar aukast Þegar spurt var hvar fólk vill helst búa í borginni kom í ljós að elstu hverfin í Reykjavík halda stöðu sinni og eru vinsælust.

Hlutfallslega flestir vilja búa áfram í sama hverfi og eru Vesturbæingar ánægðastir því 84% þeirra vilja vera áfram í sínu hverfi. Breiðhyltingar virðast óánægðastir, en 53% þeirra vilja heldur búa í öðru hverfi.

Flestir, eða 33%, virðast vilja búa í hverfi þar sem eru í bland fjölbýlishús, raðhús og einbýlishús. Einnig var spurt hvert af fyrirhuguðum nýbyggingasvæðum borgarinnar höfðar mest til fólks.

Miðborgin reyndist vinsælust, á bilinu 20-32% völdu hana og hafa vinsældir hennar aukist frá því í síðustu könnun 2007.

Næstflestir völdu Vatnsmýri, á bilinu 12-18% en Úlfarsárdal völdu 9-14%. Talsverður munur er milli félagshópa þegar kemur að vali á ákjósanlegum nýbyggingasvæðum.

Miðborgin virðist höfða mest til bæði yngsta og aldurshópsins en Úlfarsárdalurinn einna mest til fólks á miðjum aldri.

Nýbyggingasvæðin í Vatnsmýri og Úlfarsárdal höfða helst til tekjuhæstu hópanna með stór heimili en miðborgin til einstaklinga og para með lágar tekjur.

Fellur vel að nýju aðalskipulagi Í blaðinu Borgarsýn, sem umhverfis og skipulagssvið Reykjavíkurborgar gefur út, um segir að niðurstöður könnunarinnar falli vel að áætlun borgaryfirvalda um að auka íbúabyggð í vesturhluta borgarinnar.

26% svarenda eru hlynntir þéttingu í íbúabyggð og 50% eru hlynntir íbúabyggð á eldri atvinnusvæðum.

Nýtt aðalskipulag gerir ráð fyrir lágreistri byggð og leggur m.a. áherslu á styttri ferðatíma en áður, betri nýtingu veitukerfa og líflegt mannlíf.

 

Hús verða t.a.m. ekki hærri en 5 hæðir innan Hringbrautar í Reykjavík og mun svæðið njóta sérstakrar hverfisverndar.///////////////////////////Þetta er áróðurstala nokkra gæðinga sem hafa verði með þennan áróður um "betri borg" í mörg ár og sérstaklega vatnmýrina og fyllingar vesturúr í flóðahættu ,þrengingar miðborgar og austurbæjar sem sagt hvergi grænn blettur eða var og garðar,svo bent þessir menn í Evropuborgi sem margar eiga við landleysi að búa!!!þetta er eiginhagsmunapot hjá þessum nöglum Arkitektar og sölumenn ,hjólreyðarmenn og bílfjandsamlegir menn,ekkert verið gert fyrir bílinn og okkur sem keyrum árum saman nema að þrengja að honum og búa til slysagildrur,kenna svo okkur allt sem miður fer!!en við bíleigendur látum bjóða okkur þetta ómælt!!,Borgum meira til ríkisins en allir aðrir,en hirt í annað,það er komið mál,að við mótmælum þessum árásum á okkar bíleigendur.það hefur ekkert verið gert hér fyrir umferðina í 10 ár nema neikvætt bílarnir skána árlega og öryggi þeirra,en en aftur að máli vinstri manna að þjappa öllu í sem mynnst pláss hvað sem það kostar,og taka af okkur eigin vilja við viljum búa dreift og hafa pláss og nota bílana okkar og efla almennar samgöngur einnig ,að byggja nýjan flugvöll,kostar meir en lóðirnar þarna um umferðina milljarða!!!!!/Halli gamli 

 

Flestir vilja búa miðsvæðis