Frétt af mbl.is Mikið viðbragð af hálfu stúdenta/þetta fólk verður að stýra sýnu eftir vexti eins og við hin!!!

Mikið ðb
Mikið viðbragð af hálfu stúdenta Innlent | mbl.is | 16.7.2013 | 18:11 Illugi Gunnarsson, mennta- og menningamálaráðherra.

„Að fara með þetta til dómstóla finnst mér nú býsna mikið viðbragð af hálfu stúdenta, staðreyndir málsins eru þær að á sama tíma og við erum að hækka námslánin og færa námsframvindukröfur til þess sem þær voru fyrir örfáum árum og er hin almenna regla á Norðurlöndum ákveða stúdentar að kæra það,“ segir Illugi Gunnarsson, mennta- og menningarmálaráðherra.m stefnu Stúdentaráðs Háskóla Íslands. En stúdentaráð tilkynnti á blaðamannafundi að þau hefðu stefnt stjórn Lánasjóðs íslenskra námsmanna (LÍN) og íslenska ríkinu vegna breytinga á lánareglum sjóðsins.

SHÍ telur að stjórn LÍN hafi brotið gegn lögum við töku ákvörðunarinnar um að auka lágmarkskröfur um námsframvindu úr 18 einingum í 22 á önn. Breytingarnar hafi verið boðaðar með örskömmum fyrirvara.

„Að sjálfsögðu hafa stúdentar rétt til að fara þessa leið, en ég tel þó einsýnt að ríkið hljóti að geta tekið ákvarðanir sem þessar.

Við erum með þessum breytingum að bregðast við því að það er gríðarlegur halli á ríkissjóði, miklu meiri en áður var talið.

Ríkisstjórnin þarf að bregðast við þessu í þessum málaflokki sem og öllum öðrum málaflokkum. Ríkið hlýtur að hafa allt svigrúm til þess að haga málum með þeim hætti sem var gert hjá stjórn LÍN og ég hef staðfest,“ segir Illugi.

„Við höfum komið til móts við athugasemdir Stúdentaráðs um að horfa ekki aðeins á eina önn heldur til skólaársins í heild, þá höfum við tryggt að ekki séu gerðar auknar kröfur til öryrkja og lesblindra ásamt því að tekið hefur verið tillit til þeirra sem eru að ljúka námi,“ segir ráðherrann.

„Þá hefur námsmönnum verið boðið að breytingarnar tækju gildi í janúar á næsta ári í staðinn fyrir strax í haust.

Það hefði einnig þýtt að hækkun námslánanna hefði ekki heldur komið til framkvæmda fyrr en í janúar.

Þau höfnuðu þessu tilboði og velja sér nú frekar dómstólaleiðina,“ segir Illugi Gunnarsson, mennta- og menningarmálaráðherra.////////////////////Allir skilja að námslán þurfa að vera og ekki spurning að það verður gert sem hægt er þarna,en að fara með málið fyrir dómstóla það er síðasta sort,að mér finnst,þetta er frekja og ekkert annað og vinstri menn kunna hana,og brúka,manni sýnist að það sé ofarlega í hugum þeirra, að láta ekki að stjórn ráðandi manna!!!þessu verður ekki lokið svona bara setur málið í óefni,allir verða að sníða stakk eftir vexti,og alstaðar vantar peninga,sem skipta miklu máli,en þetta blessað fólk verður að sætta sigvið þetta,þegar að við Gamlingjar verðum að lifa á 200 þus á mánuði//Halli gamli

Mikið viðbragð af hálfu stúdenta

Athugasemdir

[Páll S. (IP-tala skráð) 16.7.2013 kl. 20:17]

Námslán eru lán en ekki styrkur, bætur eða laun, Halli.

[Anna Sigríður Guðmundsdóttir, 16.7.2013 kl. 21:05]

Páll S. Og hver á að lána peningana? Skattpíndir láglauna-verkamenn, sem varla eiga þak yfir höfuðið, sumir þeirra. Og sumt fólk á ekki fyrir nauðsynlegum lyfjum og læknisþjónustu?

Sjaldan launar kálfurinn ofeldið.

Það á að stytta námstíma og breyta skólakerfinu. Til hvers þarf t.d. sálfræðingur að kunna stærðfræði? Þetta er bara eitt dæmi af mörgum.

M.b.kv.

[Páll S. (IP-tala skráð) 16.7.2013 kl. 21:18]

Hvernig væri að skera niður atvinnuleysisbæturnar Anna? Ekki nokkur maður greiðir þær til baka!

Breyta atvinnuleysisbótum í atvinnuleysislán? Ætli við fengjum ekki að heyra nokkrar andmælaraddir þá.

[Margrét (IP-tala skráð) 16.7.2013 kl. 22:12]

Eruði í alvörunni að meina það sem þið skrifið?

Þetta eru lán....LÁN! Sem eru greidd til baka með vöxtum. Námslán eru ekki hærri en atvinnuleysisbætur og fæstir eru að fá nálægt 200 þúsund krónum til að lifa á....að láni!

Þessar breytingar eru boðaðar með mjög stuttum fyrirvara og setja allt úr skorðum hjá ótal mörgum. Stór hluti námsmanna er með ung börn á sínu framfæri og þarf að skera allt niður í örsmáa mola til að láta dæmið ganga upp eins og er. Það má ekki við því að eiga von á því að lenda mögulega í því að sitja uppi með mjög háa yfirdráttaskuld ef það lendir í því að falla í einum áfanga (sem getur komið fyrir hjá ÖLLUM, líka þeim sem gengur vanalega best).

Þar að auki voru sumir búnir að þræla sér út síðasta vetur, taka mun fleiri einingar en vaninn er, til að geta tekið færri einingar næstu önn vegna barneigna, til að geta unnið, eða vegna yfirvofandi veikinda (t.d. fyrirfram ákveðnar aðgerðir og slíkt) og nú er það bara ekki lengur í boði og þetta fólk þarf að taka auka einingar til að eiga möguleika á því að fá lánin!

Margir vilja vinna með náminu til að reyna að hafa það aðeins betra en það segir sig sjálft að það er mjög erfitt að vinna fulla vinnu með fullu námi, auk þess að reka heimili og sjá um börnin og ef að fólk er duglegt að vinna, þá er því "refsað" með því að lækka lánin sem það hefur möguleikann á að fá og endar það þá oft í verri málum en ef það hefði bara sleppt því að vinna.

Anna... sálfræðingar þurfa að kunna stærðfræði eins og flestir aðrir vísindamenn. Það þarf stærðfræðikunnáttu til að vinna úr rannsóknargögnum o.s.frv.

Hvernig væri bara að kynna sér málin áður en farið er að röfla?

[Haraldur Haraldsson, 16.7.2013 kl. 22:46]

Þið kannski vitið að ég veit að þetta er lán sem borgast með lágum vöxstum,sko þar er peningaskotur hjá og hver króna þarf skoðunar,það hefur ekkki verið gert,en verður gert vonandi!! Ég er ekki á móti námsmönnum als ekkiþegar ég var ungur var það ekki hægt vegna aðstæðna og fátæktar,en þeir sem gátu og höfðu sæmilegar heimilsásæður unnu bara baki brottnu á sumrin,og þetta tókst!!en svo kom þessi blessaður Lánasjóður og lánar,það miðast en við nám hérlendis en gjaldmiðlar hækkuðu um 40% og hækkanir á lánum hafa ekki dekkað það,en það eru til Bankar sem lána einnig,en þeir vilja veð eða ábyrgarmenn!!!en við í alvöru erum ekki að læra það sem vantar í Iðnaðasrmenn og konur þar er tómt,þessu verður að stýra!!!!!!en kær kveðja

[H.T. Bjarnason (IP-tala skráð) 16.7.2013 kl. 23:20]

Svei þessir hægri menn og konur sem ráða ríkjum í Stúdentaráði.

[Margrét (IP-tala skráð) 16.7.2013 kl. 23:23]

Það er reyndar mikið af iðnaðarmönnum sem ég þekki sem að eru að vinna í útlöndum núna því það er ekki nóg að hafa hér, svo það virðist ekki vera skortur á fólki þar, frekar skortur á verkefnum.

Það er ekki heldur svo auðvelt að vinna baki brotnu á sumrin hér núna þegar atvinnuleysi er svona mikið og margir stúdentar í vandræðum með að fá vinnu, og það sem er í boði er það illa borgað að það rétt dugir til að skrimta yfir sumarmánuðina, ekki séns að það dugi til að halda þeim uppi yfir veturinn líka.

[Fribbi (IP-tala skráð) 17.7.2013 kl. 03:05]

Hvað með tekjurnar sem sjávar útgerðin skilaði samfélaginu með veiðigjaldinu, ef það er svo mikill halli á ríkissjóði.  Fáranleg skilaboð

[margret (IP-tala skráð) 17.7.2013 kl. 11:01]

Námslán eru lán, enn ekki styrkur. Sammála þér Fribbi. Ríkisstjórnin á að taka tekjur þar sem það er svo sannarlega hægt af gróða útgerðarinnar ef þeim vantar svona sárlega í ríkiskassan. En í staðin þjösnast þeir á námsmönnum, sjúklingum og öðrum sem minna meiga sín. Nei það má ekki hrófla við gróðramaskínunni LÍÚ.

[Eyky (IP-tala skráð) 17.7.2013 kl. 16:43]

Þetta er svo frábært! Þessi flokkunarárátta fólks sem rausar um að nú þurfi allir að draga saman, námsmenn jafnt og heimili, fyrirtæki og ríkið. Eins og námsmenn reki ekki heimili, eigi ekki ónýt íbúðarlán og lifi við atvinnuleysi á sumrin.

Fréttirnar hljóma alltaf eins og þeir sem taki skólann á 60% hraða fái 100% lán, sem er auðvitað rangt því lánin reiknast miðað við fjölda eininga sem nemandi lýkur við.

Það gefur auga leið að það er dýrara fyrir ríkið að borga undir nemanda sem klárar 180 einingar á fjórum árum í stað þriggja, það er hinsvegar jafn augljóst að það er mikið dýrara fyrir ríkið að nemandi klári ekki háskólanámið sitt eftir 14-17 ára skólagöngu heldur en að leyfa þeim að klára 180 einingar á jafnvel 5 árum og lána samkvæmt því.

Síðasta ríkisstjórn kvatti atvinnulaust fólk til þess að fara aftur í skóla. Þessi ríkisstjórn ætlar að losa sig við þetta fólk aftur á atvinnuleysisbætur. Hvort er nú ódýrara fyrir ríkið að borga þeim atvinnuleysisbætur eða lána þeim fyrir framfærslu?

Svo röfla þeir um að 75% árangursmörkin séu eitthvað sem þekkist úr nágrannalöndum. Í danmörku færðu styrk um leið og þú skráir þig í skóla. Þú þarft ekki að fá yfirdrátt frá bankanum eins og hérna heima og þú borgar þetta aldrei til baka. Í noregi er olíusjóður þar sem námsmenn fá lán sem eru svo niðurfelld ef þeir klára skólann. Ég þekki ekki hvernig kerfið er í svíþjóð, en hvaða nágrannalönd eru þessir menntamálaráðherrar alltaf að tala um?

[Anna Sigríður Guðmundsdóttir, 17.7.2013 kl. 21:42]

Páll S. Það þarf að útskýra það vel fyrir skattborgurum, að sálfræðingar þurfi allir að vera hámenntaðir í stærðfræði. Vísinda-sálfræði?

Það þarf líka að útskýra fyrir skattborgurum, hverjir fá borgað fyrir útgefnar námsbækur. Skattborgarar eiga rétt á að vita, í hvað skattpeningur og tapaður lífeyris-sparnaður fer.

Ég hef aldrei verið á atvinnuleysisbótum, því það var alltaf hægt að fá vinnu á lágu verkafólks-laununum, meðan ég hafði heilsu til að vinna erfiðisvinnu. Það er líka hægt í dag.

Fólk sættir sig líklega ekki við að vinna sem láglauna-þrælar, fyrir lífeyrissjóði/banka/skattinnheimtuna. Það verður svo lítið nettó í launa-umslagið.

Maður er ekki endilega á móti, ef maður hefur skoðanir, sem stangast á við ó-útskýrðar/ó-rökstuddar skoðanir annara.

M.b.kv.

[Eyky (IP-tala skráð) 18.7.2013 kl. 17:44]

1) Sálfræðingar læra ekki mikla stærðfræði frekar en þeir vilja.

2) Háskólanemar kaupa sínar eigin skólabækur

3) Það er sjálfsagt hægt að fá verkamanna vinnu á lágmarkslaunum í dag. Það var hinsvegar ekki hægt fyrir 2-3 árum. Þetta breyttist kannski þegar atvinnulausu fólki var smalað í skóla

4) Það ætti _enginn_ að sætta sig við að vera láglaunaþræll.

Ekki einn af þessum punktum kemur deilum LÍN og SHÍ við, þessvegna finnst mér skrítið að þú talir um órökstuddar eða óútskírðar skoðanir fólks.

Nú er um að gera að kynna sér málin og mynda sér skoðun á þeim á rökréttan og skynsaman hátt.