Banna körlum að pissa standandi,Þó fyrr hefði verið sóðaskapurin algjör víða!!!

Banna körlum að pissa standandi Veröld/Fólk | mbl.is | 19.11.2013 | 17:09 Fulltrúi vinstriflokksins í sveitarstjórn Sormlands í Svíþjóð hefur lagt fram tillögu um að karlmönnum verði bannað að pissa standandi.

Hann vill að salerni á vegum sveitarfélagsins verði eingöngu miðað við að þeir sem þau noti pissi sitjandi.

Sænski vinstriflokkurinn er flokkur vinstrimanna og feminista. Stuðningsmenn tillögunnar segja að það sé þrifalegra fyrir karla að pissa sitjandi og salernin verði því hreinlegri fyrir þá sem nota þau.

Með því að setjast á salernið sé búið að leysa vandamálið við að þvag sullist á gólfið eða á klósetið. Þá halda þeir því fram að með því að sitja tæmist þvagblaðran betur. Þeir sem sitji meðan þeir pissa fái því síður blöðruhálskrabbamein en þeir sem pissa standandi.

Viggo Hansen, sem lagði fram tillöguna, hafnar því að með tillögunni séu stjórnvöld að skipta sér að hlutum sem fólk gerir á klósetinu.

Með tillögunni sé verið að gefa karlmönnum tækifæri til að ganga að hreinum salernum. Það eru ekki bara Svíar sem eru að velta fyrir sér hvort karlmenn sitja eða standa þegar þeir pissa.

Feministar í Þýskalandi, Hollandi og Frakklandi hafa einnig tekið upp baráttu fyrir því að karlmenn pissi sitjandi./////////////Þetta hefur ekkert að gera með vinstri hægri ,þetta er hreinlætismál og hefði alstaðar átt að vera,að koma af útmígnum klósetti er ekkert til að bjóða manni uppá bara banna þetta sem víðast//Halli gamli

Banna körlum að pissa standandi

Athugasemdir

[Ólafur Björn Ólafsson, 19.11.2013 kl. 22:02]

Það gleymist að sóðaskapurinn minkar ekki, sýkingarhættan eykst þegar fjöldi nakinna bossa koma á sömu setuna á hverjum klukkutíma. Svo er ekkert búið að sanna þetta með að blaðran tæmist betur við það að setjast þegar tappað er af.

Sjálfur man ég eftir því að verið var að tala um þetta fyrir nokkru síðan en svo kom frétt vísindamanna sem vildu koma því á framfæri að engin tengsl milli krabbameins og þess að pissa standandi, þarf að finna hana aftur.

Get bent á að konur stunda þetta sitjandi en mesti sóðaskapurinn hefur oftar en ekki verið á kvennasalernum, það hef ég séð og get borið vitni um.

Svo get ég sagt við sóðana að fermingarbróðirinn er í flestum tilfellum minni en þeir halda svo best er að koma aðeins nær skálinni

Kveðja

Kaldi

[Hrólfur Þ Hraundal, 19.11.2013 kl. 23:34]

Einhverstaðar heyrði ég að ungar konur setjist aldrei á setur almenningsklóseta, þær spræni sandandi og horfi á hurðina á meðan. 

Hlandskálar fyrir kallmenn eru ágætis uppfindning og mögulega þarf að þróa klósetskálar fyrir kvennasalerni betur, þar sem við karlmenn erum með einbunu stút en þær amk. Sumar með einskonar garð úðara.