Nauðungarsölum frestað í hálft ár/Þetta er nauðsinlegt að gera en stutt er það!!!!

Nauðungarsölum frestað í hálft ár Innlent | mbl.is | 6.12.2013 | 15:41 Hanna Birna Kristjánsdóttir, innanríkisráðherra.: Ríkisstjórnin samþykkti á fundi sínum í morgun að vísa til Alþingis frumvarpi Hönnu Birnu Kristjánsdóttur innanríkisráðherra um breytingu á lögum um nauðungarsölu.

Frumvarpið er liður í þeim aðgerðum sem ríkisstjórnin kynnti um nýliðna helgi vegna skuldavanda heimilanna.

Gert er ráð fyrir að tillögurnar verði komnar til framkvæmda um mitt árið 2014

Því hefur innanríkisráðherra lagt fram frumvarp sem felur í sér að nauðungarsölum verði frestað fram yfir mitt næsta ár.

Þannig gefst almenningi kostur á að meta þau áhrif sem aðgerðirnar hafa á skuldastöðu viðkomandi og eftir þörfum óskað eftir því að nauðungarsöluaðgerðum verði frestað fram yfir 1. júlí 2014

. Í tilkynningu frá innanríkisráðuneytinu er tekið fram að frumvarpið feli ekki í sér sjálfvirka frestun á nauðungarsölu heldur þarf gerðarþoli að óska eftir slíkri frestun.

Stefnt er að því að leggja frumvarpið fram á Alþingi á næstu dögum.//////////////Það eina er að þetta er kannski og stutt en það kemur í ljós!!þetta er .að sem verður að gera og á hún heiður skilið að gera þetta,það er nauðsyn að stoppa það er nauðsin að stoppa þetta í þann tíma sem .arf vegna aðgerða um heimilin,og við bara bíðum þar til þetta verður samþykkt sem er næsta víst//Halli gamli

Nauðungarsölum frestað í hálft ár

Athugasemdir

[Ufsi (IP-tala skráð) 7.12.2013 kl. 12:17]

Verði þetta samþykkt þá þarf gerðarþoli að óska eftir frestun. Og þar sem þeir sem í mesta vandanum eru fá ekkert eru þeir fáir sem koma til með að fá samþykkta frestun. Sem er eins gott því ríkið verður ábyrgt fyrir áföllnum verðbótum, vöxtum og dráttarvöxtum þann tíma sem frestunin gildir.

Í sjálfu sér er þetta ekki mjög frábrugðið því sem núna er. Þeir sem geta sýnt að hagur þeirra sé að batna og að þeir komi til með að geta staðið í skilum geta samið um frestun. Eini munurinn er að núna ætlar ríkið að axla ábyrgðina og taka á sig kostnaðinn.