Langflottasta staðnum lokað;allt gert til að bjarga Hörpu sem ekki ber sig reksralega!!!

Frétt af mbl.is „Langflottasta staðnum“ lokað Innlent | Morgunblaðið | 7.12.2013 | 18:00 Friðrik Ómar á sviðinu í Broadway. „Þetta var ótrúlegur tími,“ segir Ólafur Laufdal, veitingamaður með meiru, um árin sem hann rak Hótel Ísland í Ármúla sem síðar varð að Broadway.

Framkvæmdir við Hótel Ísland hófust árið 1985 og skemmtistaðurinn með sama nafni var formlega opnaður 17. desember 1987.ar það stærsti skemmti- og veitingastaður landsins og kannski er það ákveðin sárabót – úr því að búið er að ákveða að loka Broadway – að lækna- og heilsumiðstöðin sem þar á að koma eigi þó að minnsta kosti að verða ein sú stærsta á landinu.

Broadway verður rekinn í nokkra mánuði til viðbótar en það á að opna læknamiðstöðina 2015. Framkvæmdir við Hótel Ísland hófust árið 1985 og skemmtistaðurinn með sama nafni var formlega opnaður 17. desember 1987.

Þ„Þetta er langflottasti staður sem hefur verið gerður á Íslandi,“ sagði Ólafur Laufdal í samtali við Morgunblaðið í gær. Þetta er ekki ofsagt því staðurinn rúmaði 2.300 manns á skemmtanir og hægt var að taka á móti allt að 1.300 matargestum. Búnaður, innréttingar og annað var í hæsta gæðaflokki. „Það var smekkfullt þarna árum saman,“ segir Ólafur.

Þegar Hótel Ísland var opnað hafði Ólafur rekið skemmtistaðinn Broadway við Álfabakka, þar sem nú er kvikmyndahús, í um sex ár. Þangað hafði hann fengið marga heimsþekkta listamenn, m.a. Ray Charles, og enn fleiri slíkir komu fram á Hótel Íslandi.

Alls telst Ólafi til að hann hafi fengið 90 erlenda listamenn til landsins. Meðal skærustu stjarnanna voru Tom Jones og Rod Stewart, en of langt mál er að telja alla þá fjölmörgu aðra, erlendu og innlendu listamennina sem tróðu þar upp.

„Fjöldinn allur af söngvurum og tónlistarmönnum, sem nú eru landsþekktir, steig sín fyrstu spor á Hótel Íslandi,“ segir Ólafur, oft undir styrkri hljómsveitastjórn Gunnars Þórðarsonar. Hljómsveitin Stjórnin hafi átt þar sitt blómaskeið, um margra ára skeið hafi sjónvarpsþættir verið sendir út beint á Stöð 2 frá Hótel Íslandi, ótal margar árshátíðir hafi farið þar fram sem og fegurðarsamkeppnir (kvenna og karla) að ógleymdum menntaskóla- og háskólaböllum.

Sýningar gengu lengi Sýningar á Hótel Íslandi hafi margar gengið gríðarlega vel og voru sýndar í yfir 100 skipti, s.s. sýningar með Björgvini Halldórssyni, Geirmundi Valtýssyni og fleirum. ABBA-, Begees- og Queen-sýningar hafi sömuleiðis verið vinsælar enda mjög vandað til þeirra.

Þegar ABBA-sýningin, sem Gunnar Þórðarson setti upp, gekk á Hótel Íslandi var sambærileg sýning á fjölunum í London og fór Ólafur að sjá þá sýningu til að bera þær saman. „Við gerðum þetta miklu betur og flestum sem sáu þetta bar saman um það.

Við vorum langt á undan öðrum með svona sýningar. Það sem er verið að rifja upp núna, í Hörpunni og svona, við gerðum þetta fyrir 20 árum.“

Eitt af því sem vakti mikla athygli þegar staðurinn var opnaður var að undir sviðsgólfinu var lyfta og því var hægt að láta listamenn „birtast“ á sviðinu.

Ljósabúnaður og hljóðkerfið var fyrsta flokks. „Það var ekki til neitt flottara í heiminum á þessum tíma.“ Ólafur neyddist til að selja Búnaðarbankanum Hótel Ísland árið 1991 en hann og börn hans leigðu reksturinn af bankanum.

Árið 1998 var nafni staðarins breytt í Broadway en Ólafur Laufdal hefur ekki komið að rekstri staðarins frá 2001./////////////Það verður söknur af þessu húsi sem var mjög gott og það segir segir sjálft eins og sagan segir okkur,að kunna ti verka þarf dugmikla og reynda menn,það var þarna gert af mikilli raustn,af Ólafi Laufdal og hafi hann þökk fyrir,en það er kappsfyllra að reka þarna heiluverndarstofnun,sem er mikill kostnaður að breyta þessum stóra sal,en svona er þessi vitleysa öll byggja og byggja og af nógu er til sem slíku fyrir///Halli gamli

„Langflottasta staðnum“ lokað