Brjóstverkir á jólanótt:þessa bara ber að skoða þegar fækka á sjúkrabílum eða taka þetta af slökkvuliði okkar!!!

Brjóstverkir á jólanótt Innlent | mbl | 19.12.2013 | 23:36 Slökkviliðs- og sjúkraflutningamenn standa alltaf vaktina,...

Flestir landsmenn njóta þess að eiga frí frá störfum á aðfangadagskvöld og verja kvöldinu í faðmi fjölskyldunnar.

Nokkrar starfsstéttir standa þó alltaf vaktina, allan sólarhringinn, allan ársins hring. Þetta eru meðal annars lögregluþjónar, slökkviliðsmenn og sjúkraflutningamenn.

Að sögn Sveinbjörns Berentssonar, slökkviliðsmanns og bráðatæknis, er skemmtilegt að vinna um jólin þótt vissulega sé leiðinlegt að geta ekki verið heima og notið hátíðarinnar í faðmi fjölskyldunnar.

Hátíðlegri bragur yfir vaktinni Vaktir Slökkviliðs höfuðborgarsvæðisins eru fullmannaðar líkt og aðra daga ársins og eru því tuttugu starfsmenn á vakt á aðfangadagskvöld.

Unnið er á öllum þremur starfsstöðvunum, í Hafnarfirði, í Skógarhlíð og í Árbæ. Vaktaskipti eru rétt fyrir hálfátta um kvöldið og því hafa þeir starfsmenn sem taka við kvöldvaktinni flestir náð að borða kvöldmat og ef til vill taka upp einn eða tvo pakka áður en vaktin hefst

. „Það er annar og hátíðlegri bragur yfir vaktinni þetta kvöld,“ segir Sveinbjörn. Starfsfólkið klæðist hátíðareinkennisfötum á vaktinni og þá er einnig boðið upp á hátíðarkvöldverð.

„Þetta kvöld er yfirleitt meira að gera í sjúkraflutningunum,“ segir Sveinbjörn en hluti af verkefnum vaktanna á aðfangadag er að koma sjúklingum til og fá sjúkrahúsum.

Sumir fá heimfararleyfi til að njóta kvöldsins með fjölskyldunni og segir Sveinbjörn að sjúklingarnir séu yfirleitt mjög þakklátir fyrir þjónustuna sem geri þeim kleift að eyða kvöldstund heimavið.

Sveinbjörn segir að nokkuð sé um að reykti og saltaði maturinn sem landsmenn innbyrða fari illa í þá sem eru með undirliggjandi vandamál.

Þá skapist ójafnvægi á vatnsbúskap líkamans, fólk fær verk fyrir brjóstið og óskar þá eftir læknisaðstoð. Einnig er alltaf eitthvað um útköll vegna bruna eða vatnstjóns.

Fólk gleymi logandi kertum í skreytingum, af því geti hlotist bruni og mikilvægt sé að skipta reglulega um rafhlöðu í reykskynjurum./////////////Þetta er lesefni fyrir okkur öll.vitum aldrei hvenær kemur að okkur að nóta þessa menn og aðstæður,við Bruna og sjúkraflutninga,mér finnst vera vegið að þessum mönnum að ósekju mjög og ég skil ekkert í vini mínum og flokksbróðir Kristjáni Þór ráðherra Heilbrigðismála að gera þetta uppsteyt við að koma þeim út úr þessum stöðum,það er að segja sjúkraflutningsmönnum!!!þetta getur ekki verið betra að hafa þetta þarna hjá þjálfuðum mönnum sem ganga í hvorutveggja,það er ekki gott að hafa þetta fólk allt í heilbrigðiskerfinu allt í upplausn eins og er gert siðastu 4-5 ár og ættlast til að allt gangi slysalaust hjá því,þetta er frábært fólk allt/Halli gamli

Brjóstverkir á jólanótt