Persónuafsláttur hækkar um 24.157 kr./Þessi svikamylla er ekki í lagi!!

Persónuafsláttur hækkar um 24.157 kr. Innlent | mbl.is | 23.12.2013 | 16:21 Mynd 651281 Persónuafsláttur einstaklinga hækkar um 24.157 krónur milli áranna 2013 og 2014, eða liðlega 2 þúsund krónur á mánuði og nemur hækkunin 4,2%

Á grundvelli þess verður persónuafsláttur 605.977 kr. fyrir árið í heild og 50.498 krónur að meðaltali á mánuði.

Persónuafsláttur einstaklinga hækkar því um 24.157 kr. milli áranna 2013 og 2014, eða liðlega 2 þúsund kr. á mánuði og nemur hækkunin 4,2%. Þetta kemur fram í frétt frá fjármálaráðuneytinu.

Skattleysismörk tekjuskatts og útsvars verða samkvæmt því 141.025 kr. á mánuði að teknu tilliti til 4% lögbundinnar iðgjaldsgreiðslu launþega í lífeyrissjóð samanborið við 135.330 kr. á mánuði 2013. mbl.is/Golli Hækkunin milli ára nemur 4,2%.

Í tekjuskattslögunum er einnig kveðið á um að fjárhæðarmörk tekjuskattsstofns, þ.e. mörkin milli skattþrepa, skulu taka breytingum í upphafi hvers árs í réttu hlutfalli við hækkun launavísitölu á undangengnu tólf mánaða tímabili.

Launavísitala nóvembermánaðar liggur nú fyrir og er hækkun hennar á tólf mánaða tímabili 6,1%. Í tengslum við kjarasamninga hefur verið ákveðið að hækka mánaðarleg tekjuviðmiðunarmörk í fyrsta þrepi sérstaklega í 290.000 kr. á mánuði, eða 20% milli ára.

 Mánaðarleg tekjumiðunarmörk þrepa verða samkvæmt því 290.000 kr. í fyrsta þrepi, 494.619 kr. í öðru þrepi og 784.619 kr. í þriðja þrepi fyrir tekjur ársins 2014. Þá mun skatthlutfall tekjuskatts í fyrsta þrepi lækka úr 22,9% í 22,86%, eða um 0,04 prósentustig, frá og með 1. janúar 2014, en samhliða því hækkar hámarksútsvar úr 14,48% í 14,52% á grundvelli samkomulags ríkis og sveitarfélaga vegna málefna fatlaðra.

Tekjuskattur er lagður á í þremur þrepum eins og áður. Þrepin skiptast þannig að af fyrstu 3.480.000 kr. árstekjum einstaklings (290.000 kr. á mánuði) er reiknaður 22,86% skattur.

Af næstu 5.935.428 kr. (494.619 kr. á mánuði) er reiknaður 25,3% skattur og síðan í þriðja þrepi 31,76% skattur af árstekjum umfram 9.415.428 kr. (784.619 kr. á mánuði). Við þessi hlutföll bætist útsvar sem er mishátt eftir sveitarfélögum.

Meðalútsvar á árinu 2014 verður samkvæmt fyrirliggjandi ákvörðun sveitarfélaga 14,44% í stað 14,42% á árinu 2013. Þríþætt staðgreiðsluhlutfall Staðgreiðsluhlutfall ársins 2014 verður þríþætt eftir fjárhæð tekna, þ.e. 37,30% á tekjur í fyrsta þrepi sem er lækkun um 0,02 prósentustig frá fyrra ári, 39,70% á tekjur í öðru þrepi sem er lækkun um 0,52 prósentustig og 46,20% á tekjur í þriðja þrepi sem einnig lækka um 0,02 prósentustig.

Tryggingagjald er sérstakt gjald sem launagreiðendum ber að greiða af heildarlaunum launamanna sinna á tekjuári og eftir atvikum af eigin reiknuðu endurgjaldi. Tryggingagjald er innheimt í staðgreiðslu og skiptist í almennt tryggingagjald og atvinnutryggingagjald. Tryggingagjald telst til svokallaðra launatengdra gjalda, en það eru þau gjöld sem launagreiðendur, þ.m.t. sjálfstætt starfandi menn, greiða vegna launakostnaðar við atvinnurekstur.

Önnur launatengd gjöld í staðgreiðslu eru markaðsgjald og gjald í Ábyrgðarsjóð launa, en þau eru innheimt í staðgreiðslu samhliða innheimtu tryggingagjalds. Á staðgreiðsluárinu 2014 er tryggingagjaldshlutfallið að meðtöldu markaðsgjaldi og gjaldi í Ábyrgðasjóð launa 7,59% og lækkar því um 0,1 prósentustig milli ára.

Skipting þess er sem hér segir: Almennt tryggingagjald 6,04% Atvinnutryggingagjald 1,45% Gjald í Ábyrgðasjóð launa vegna gjaldþrota 0,05% Markaðsgjald 0,05% Samtals til staðgreiðslu 7,59% Sérstök trygging (0,65%) bætist við vegna launa sjómanna á fiskiskipum.

Tryggingagjaldi skal skila mánaðarlega til innheimtumanna ríkissjóðs, segir í frétt á vef ráðuneytisins./////////Þetta er engin afsökun fyrir því að hækka ekki Pesónuafsláttin um þær % sem þarf sem gyldir þá sem krónutöluhækkun uppúr og engin hækkun á vísitölu og það er það sem þarf!!Svo og verðtrygginguna af í Janúar,Svona samninga þarf að gera til að jafna launin ekki spurning!!!Halli gamli

Persónuafsláttur hækkar um 24.157 kr.