Vitum hvað Evrópusambandið er:Búið að ræða það í bak og fyrir!!!!!!

Frétt af mbl.is „Vitum hvað Evrópusambandið er“ Innlent | mbl.is | 8.4.2014 | 16:58 Bjarni Benediktsson og Árni Páll Árnason. „Menn segja að við vitum ekki hvað Evrópusambandið er án viðræðna.

 

Auðvitað vitum við hvað Evrópusambandið er. Það er birt í lögum, það er birt í sáttmálum. Við vitum nákvæmlega hvað Evrópusambandið er,“ sagði Bjarni Benediktsson, fjármála- og efnahagsráðherra, á Alþingi í dag.

 

í sérstakri umræðu um skýrslu Alþjóðamálastofnunar um umsókn Íslands um inngöngu í sambandið. „Getum við fengið minniháttar aðlaganir, tímafresti og svo framvegis? Eflaust. En það er ekkert í þessari skýrslu sem við erum að ræða hér í dag sem segir að við munum fá varanlegar undanþágur frá sambandslöggjöfinni,“ sagði Bjarni ennfremur og vísaði í því sambandi í skrif Stefáns Más Stefánssonar, lagaprófessors við Háskóla Íslands, þess efnis að engin þjóð hafi fengið varanlegar undanþágur frá löggjöf Evrópusambandsins á sviði sjávarútvegs og landbúnaðar.

 

Hins vegar hefði Evrópusambandið breytt löggjöf sinni til þess að koma til móts við þarfir einstakra ríkja eins og til að mynda Möltu. En þeirri löggjöf gæti Evrópusambandið breytt. Noregur væri annað dæmi um ríki sem farið hefði fram á fjölmargar varanlegar undanþágur en enga fengið. Málshefjandi umræðunnar var Árni Páll Árnason, formaður Samfylkingarinnar.

 

Spurði hann meðal annars að því hver hættan væri í því að leggja málið í dóm þjóðarinnar á grundvelli þeirra upplýsinga sem lægju fyrir. Gagnrýndi hann Bjarna fyrir að tala fyrir aga í fjármálum þjóðarinnar á sama tíma og ríkisstjórnin hefði lagt fram frumvörp sín í málum skuldugra heimila sem væru að hans mati ábyrgðarlaus.

 

Bjarni gengi ekki fram með góðu fordæmi í þeim efnum. Smám saman að sambandsríki Bjarni Benediktsson fjármálaráðherra. stækka Bjarni Benediktsson fjármálaráðherra. mbl.is/Golli Ekki er hægt að færa fyrir því nokkur einustu gild rök að einhver ávinningur væri af því fyrir Íslendinga að gangast undir sjávarútvegsstefnu Evrópusambandsins og deila þar með ákvarðanatöku um íslensk sjávarútvegsmál sem þjóðin ræður að öllu leyti í dag.

 

Þetta sagði Bjarni Benediktsson, fjármála- og efnahagsráðherra, í sérstakri umræðu á Alþingi í dag um skýrslu Alþjóðamálastofnunar um umsókn Íslands um inngöngu í sambandið. Málshefjandi var Árni Páll Árnason, formaður Samfylkingarinnar, sem sagði skýrsluna sýna að mögulegt væri að finna lausn varðandi sjávarútvegsmál og landbúnaðarmál sem hentaði Íslendingum ef gengið yrði í Evrópusambandið.

 

Þá gagnrýndi hann þau áform ríkisstjórnarinnar að ætla að draga umsóknina um inngöngu í sambandið til baka á meðan ekki lægi fyrir trúverðug stefna í peningamálum þjóðarinnar. Hann sagði það rétt sem komið hefði fram í máli Bjarna áður að upptaka evrunnar kallaði á atvinnuleysi en hins vegar þýddu gengisfellingar mikinn herkostnað fyrir þjóðfélagið.

 

Kallaði hann ennfremur eftir því að ríkisstjórnin félli frá áformum um að draga umsóknina til baka og að málið yrði lagt í þjóðaratkvæði. Bjarni benti á að innganga í Evrópusambandið snerist um meira en stefnu í peningamálum, þar á meðal sjávarútvegsmál sem þýddi að gefa þyrfti eftir ákvarðanavald yfir.

 

Hvað landbúnaðarmál snerti þyrfti ekki að ganga í sambandið til þess að gera breytingar á stefnu Íslands í þeim málum líkt og Árni Páll vildi meina. Það gætu Íslendingar gert sjálfir. Þá sagði Bjarni það blasa við í dag, og komið hefði nýr skriður á eftir að efnahagserfiðleikar evrusvæðisins hefðu hafist, að Evrópusambandið væri smám saman að verða að einu sambandsríki.

 

Raunveruleg hætta á verðhjöðnun Varðandi efnahagsmálin vísaði ráðherrann til nýlegra ummæla Marios Draghi, bankastjóra Evrópska seðlabankans, að hans stærsti ótti um þessar mundir væri að Evrópusambandið væri að festast í stöðnunartímabili.

 

Búið væri að lækka stýrivexti en evrusvæðið tæki ekki við sér. Vitnaði hann einnig til fjárfestisins George Soros sem hafi nýverið sagt að raunveruleg hætta væri á að evrusvæðið væri að sigla inn í krísu sem hefði þekkst í Japan undanfarna áratugi þar sem örvunaraðgerðir dygðu ekki til að kveikja líf í hagkerfinu.

 

Þess vegna hlyti umræðan meðal annars að snúast um það hvort heppilegt væri að tengjast svæði sem væri í algerri stöðnun og raunveruleg hætta á að væri að sigla inn í verðhjöðnun. Væri Ísland í Evrópusambandinu við slíkar aðstæður þýddi það að landið yrði af tækifærum til vaxtar og yrði að aðlaga sig að aðstæðum á evrusvæðinu.

 

Spyrja þyrfti hvort það væri þess virði að fá stöðugleika sem yrði á endanum að stöðnun. Því væri enginn að sækjast eftir. Þá sagði Bjarni að þó almennt væri vilji til þess að eiga í alþjóðlegu samstarfi þá væri eðlilegt að staldrað væri við þegar fram kæmi krafa um að gengið yrði um of á fullveldi þjóðríkjanna.

 

Einmitt það væri að gerast innan Evrópusambandsins þar sem rætt væri um mun dýpri samruna en til þessa. Þó sambandið væri ekki þegar orðið sambandsríki þá dyldist engum hvert hugur forystumanna innan þess stæði.

 

Þá kallaði Árni Páll eftir þverpólitískri samstöðu um afnám gjaldeyrishafta.////////////////Öll sem höfum áhuga á þessu ,erum búin að mynda okkur skoðanir,ekkert nýtt í skírslum segir okkur annað,er þetta virkilega í lagi að koma þarna með 2 skírslur þar sem þetta er sagt mjög gott fyrir okkur,og við getum ekki slept því,alveg nýtt að evran kæmi og mjög fljótt,og öllum raunum okkar bjargað,trúum við þessu,nei þetta er ekki einhaft als ekki,við ærum inn í sambandsríki sem öllu stjórnar,og við eins og Krækiber í Helvíti,þeir peningamenn sem vilja þarna inn eru þegar komnir í veisluna og dansa með,en svo við tölum nú í fúlustu alvöru,er engin gróði sjáandlegur eins og er sjáfarútvegur okkar og ferðamennska og auðlindirnar í vatni hita og rafmagni,og allt vistvænt,hvað viljum við annað en eiga viðskipti við þjóðir og gera tvíhliða samninga ekki í gegnum ESB,öllum brögðum er beitt,og allt svo gott hjá þessu bandalagi,að það hálfa væri nóg,en ég er sammála okkar Formanni við verðum með krónuna næstu árin,og  breytum um stefnu í fjármálum okkar í hag,og það verur okkur best!!!!!/Halli gamli

„Vitum hvað Evrópusambandið er“