Staðfest að vélin var skotin niður:Það er voðalegt að svona komið fyrir,þetta er stríðssvæði!!!!

Staðfest að vélin var skotin niður Erlent | AFP | 17.7.2014 | 21:29 Bandarískir embættismenn sögðu í kvöld að upplýsingar leyniþjónustu Bandaríkjanna staðfesti það sem áður hafði ekki verið staðfest, að farþegaþotu Malaysian Airlines, flug MH17, var grandað með flugskeyti sem skotið var á loft frá jörðu niðri. Sömu upplýsingar gátu ekki staðfest hver var að verki.

 

Ráðgjafi úkraínska inn­an­rík­is­ráðherr­ans sagði í dag að farþega­vél­in hefði verið skot­in niður af aðskilnaðar­sinn­um með flug­skeyti, svo­kölluðu BUK-skeyti.

 

Banda­rísk­ir emb­ætt­is­menn sögðu í kvöld að með slík­um skeyt­um væri hægt að skjóta niður flug­vél­ar í 30 þúsund feta hæð, þ.e. hæðinni sem malasíska farþegaþotan var í þegar hún hvarf af rat­sjá. Þá er einnig ljóst að bæði Úkraínu­menn og Rúss­ar hafa yfir BUk-skeyt­um að ráða.

 

Leyniþjón­ustu­menn eru enn að afla gagna og ráða í gögn sem eiga að geta gefið bet­ur til kynna hvort það hafi verið aðskilnaðarsinn­ar hliðholl­ir Rúss­um, Rúss­ar sjálf­ir eða her­sveit Úkraínu sem ber ábyrgðina á hrapi MH17. Um borð voru 280 farþegar og 15 manna áhöfn og eru all­ir tald­ir af.

 

Vél­in sem var að gerðinni Boeing 777-200 var á leið frá Amster­dam til Kuala Lump­ur þegar hún hrapaði í aust­ur­hluta Úkraínu. Örygg­is­ráð Sam­einuðu þjóðanna mun fjalla um hrap MH17 á fundi sín­um síðdeg­is á morg­un. Þá hef­ur verið gefið út þjóðerni 233 farþega.

 

Af þeim voru 154 farþegar hol­lensk­ir, 27 ástr­alsk­ir, 23 malasísk­ir, sex bresk­ir, ell­efu indó­nes­ísk­ir, fjór­ir belg­ísk­ir, fjór­ir þýsk­ir, þrír frá Fil­ipps­eyj­um og einn frá Kan­ada. Enn á eft­ir að gefa út þjóðerni 47 farþega.

 

Farþega­vél­in skot­in niður fyr­ir mis­tök? Eins og greint var frá á mbl.is fyrr í kvöld birti úkraínski her­inn upp­töku af því sem hann seg­ir sönn­un þess að rúss­neski her­inn hafi fyr­ir­skipað árás á malasísku farþega­vél­ina. Nú hef­ur upp­tak­an verið þýdd yfir á ensku og má sjá hana hér að neðan: Skýrt kem­ur fram á upp­tök­unni að farþegaþotan var skot­in niður fyr­ir slysni.

 

Aðskilnaðarsinn­ar hliðholl­ir Rúss­um hafi ætlað að skjóta niður úkraínska herflug­vél en ekki áttað sig á því að um Boeing 777-200 farþegaþotu var að ræða. Þeir virðast undr­andi á því að farþegaþota hafi yf­ir­leitt verið flogið á þess­um slóðum.

 

„Vita menn ekki að það er stríð í gangi?“ spyrja þeir. Upp­tak­an rím­ar einnig ágæt­lega við það sem kom fram í frétt mbl.is fyrr í dag um yf­ir­lýs­ingu aðskilnaðarsinn­a sem birt var klukku­tíma áður en fregn­ir bár­ust af hrapi malasísku farþegaþot­unn­ar.

 

Í þeirri yf­ir­lýs­ingu var greint frá því að þeir hefðu skotið niður Ant­onov An-26 herflug­vél. Frek­ari staðfest­ing á því hver skaut niður MH17 ligg­ur hins veg­ar ekki enn fyr­ir.//////////////////Þetta er svo sorglegt að manni hrís hugur við,Blessað fólkið og aðstandendur þess!!!þessa vegna er heimurinn að hugsa hvar er maður óhultur,allavega slær þetta okkur öll,hvar sem við eru,og finnum til með þessu blessaða fólki,nú er eftir  að komst betur hvað, og hver þetta gerði og tekið á málum,vonandi með festu!!! En samt sem áður er verið að slátra Aröbum í massa vís og það gera Ísraelar og engin gerir neitt/Halli gamli

Staðfest að vélin var skotin niður