Geri ekki sömu mistök og Tékkar//Það er eimitt það sem mun ske,ekki spurning!!!

Geri ekki sömu mistök og Tékkar Innlent | Morgunblaðið | 26.7.2014 | 9:02 Ýmsir eigendur íbúðahótelahafa áhyggjur af hugsanlegri... Jökull Tómasson, eigandi K Apartments, er með 57 íbúðir í útleigu í miðbæ Reykjavíkur.

 Hann segir flest íbúðahótelin greiða 20-27% þóknun af söluverði gistingar til bókunarsíðna á borð við Booking og Expedia.

 Til viðbót­ar greiðum við ýmis gjöld, þar með tal­inn 7% virðis­auka­skatt og gistinátta­gjald, svo er nátt­úr­lega starfs­manna­kostnaður og viðhald.

“ Spurður um meðal­nýt­ingu hjá íbúðahót­el­um tek­ur Jök­ull bók­an­ir hjá K Apart­ments í fyrra sem dæmi. Meðal­nýt­ing­in árið 2013 var 70% yfir árið og 80-87% yfir sum­arið.

 Minnsta nýt­ing­in var í janú­ar, eða um 58%. Meðal­verð á gist­ingu hjá K Apart­ments var 97 evr­ur í fyrra, eða um 15.200 krón­ur.

Meðal­verðið 23 þúsund Meðal­verðið í júní til ág­úst 2013 var 150 evr­ur, eða 23.000 krón­ur, eða 18.400 til 20.010 krón­ur, eft­ir því hvort nýt­ing­in er 80% eða 87%. Meðal­nýt­ing­in hjá K Apart­ments er yf­ir­færð á verð á gist­ingu hjá nokkr­um fyr­ir­tækj­um hér til hliðar.

Fram hef­ur komið í um­fjöll­un Morg­un­blaðsins og mbl.is um hót­el­geir­ann á síðustu dög­um, að ýms­ir eig­end­ur íbúðahót­ela hafi áhyggj­ur af hugs­an­legri offjölg­un á gist­i­rými í Reykja­vík vegna fyr­ir­hugaðra hót­ela og mik­ils fjölda leigu­íbúða.

Spurður út í þessi sjón­ar­mið seg­ir Jök­ull mik­il­vægt að hér verði ekki gerð sömu mis­tök og voru gerð í Prag á síðasta ára­tug.

Borg­in hafi kom­ist í tísku sem áfangastaður og heima­menn brugðist við auk­inni eft­ir­spurn með mik­illi fjölg­un gisti­staða. Of­fram­boð myndaðist í Prag Af­leiðing­in var sú að of­fram­boð myndaðist þannig að meðal­verð á gist­ingu lækkaði úr 200 evr­um í um 40 evr­ur á nótt­ina.

Hef­ur verðið ekki jafnað sig með tím­an­um. Með þetta í huga tel­ur Jök­ull brýnt að stuðlað verði að fjölg­un flug­ferða til Íslands á verði sem sé viðráðan­legt fyr­ir hinn dæmi­gerða ferðamann.

Jök­ull tel­ur hættu á að ella geti orðið mik­il verðlækk­un á hót­el­markaði, einkum yfir vet­ur­inn.

Máli sínu til stuðnings bend­ir hann á að grein­ing­ar­deild­ir Book­ings og Expedia, þar sem um 6.000 manns starfa, hafi veitt því at­hygli sl. vor að færri bók­an­ir höfðu þá borist í hót­el og íbúðir á Íslandi en árið áður. Ein af ástæðum var tal­in hækk­andi verð fyr­ir gist­ingu á Íslandi.

Að mati Jök­uls sýn­ir það að Ísland megi „ekki verðleggja sig út af markaðnum“. Bók­un­un hafi síðan fjölgað með til­komu Easy Jet. „Það á mik­inn þátt í að bók­un­um tók svo að fjölga að Easy Jet hef­ur staðið sig vel í því að lækka verð.

Það þarf að lækka verð frek­ar til að lokka hinn dæmi­gerða ferðamann til lands­ins. Það er ekki að ganga upp þetta plott, að all­ir fái mikið í sinn hlut, flug­fé­lög og hót­el. Þetta er ekki eins ábata­samt og marg­ir virðast álíta.

“ Þarf fleiri til að fylla rýmið „Breska flug­fé­lagið Flybe er byrjað að fljúga til Íslands frá Bir­ming­ham. Það flug­fé­lag þarf að byrja að fjölga ferðunum til að markaður­inn stækki inn í allt þetta hót­el­rými sem er verið að búa til.

Fjölg­un ferðamanna get­ur ekki orðið með Nor­rænu. Þeir geta bara komið í flugi. Því þurf­um við að fá inn ný flug­fé­lög eða opna frek­ar inn á Am­er­íku­markað til að dæmið gangi upp. Easy Jet er nú orðið stærra á ís­lenska markaðnum og með fleiri farþega en Wow air. Samt eru fé­lög­in tvö sam­an með aðeins 20% af heild­ar­markaðnum.

Icelanda­ir er með af­gang­inn.“ – Er því ljóst að ein­hverj­ir munu tapa sem koma inn á markaðinn? „Já, það verður bak­slag eins og hef­ur orðið í borg­um þar sem fjölg­un gisti­staða er of ör, sér­stak­lega ef verðið á leig­unni [sem leigu­hót­el­in þurfa að borga fast­eigna­eig­end­um] hækk­ar mikið.

Svo jafn­ast það von­andi út. Prag hef­ur til dæm­is aldrei jafnað sig. Hag­kerfið þar í borg er svipað og á Íslandi á þann átt að Tékk­land er til­tölu­lega ný­lega komið með sjálf­stæði.

At­hafna­menn í Prag eiga stund­um erfitt með að hafa hem­il á sér, eins og við Íslend­ing­ar stund­um.“ Verður 6-10% af markaðnum Jök­ull tel­ur aðspurður ekki raun­hæft að sterk­efnuðum ferðamönn­um á Íslandi muni fjölga hratt næstu ár.

Fjölg­un ferðamanna hér á landi hef­ur verið æv­in­týra­leg síðustu ár og er gert ráð fyr­ir að fjöldi þeirra í ár hafi nær tvö­fald­ast frá ár­inu 2010.

Þetta hef­ur kallað á mikla upp­bygg­ingu í hót­el- og gisti­brans­an­um og sjá má fjöl­mörg ný hót­el spretta upp, sér­stak­lega í kring­um miðbæ Reykja­vík­ur. Ekki eru þó all­ir sam­mála um ágæti þess­ar­ar hröðu upp­bygg­ing­ar og hef­ur verið talað um bólu­mynd­un og offjölg­un, eins og komið hef­ur fram á síðustu dög­um í um­fjöll­un blaðsins.

Hafa meðal ann­ars nokkr­ir eig­end­ur gistiþjón­ustu lýst yfir áhyggj­um að á næstu árum kunni að koma til verðlækk­un­ar vegna mik­ill­ar upp­bygg­ing­ar hót­ela og fjölg­un­ar íbúða í leigu til ferðamanna.

Loðdýr og mynd­banda­leig­ur Íslend­ing­ar þekkja ágæt­lega til þess þegar allt fer af stað í ákveðinni grein og marg­ir hlaupa til og stofna þar fyr­ir­tæki. mbl.is/Ó​mar Ekki þarf að horfa lengra en til síld­veiða, loðdýra­rækt­ar og mynd­banda­leiga til að sjá hversu heill iðnaður get­ur verið fall­valt­ur.

Þegar upp­gang­ur­inn er jafn mik­ill og raun ber vitni í ferðaþjón­ustu er því eðli­legt að spyrja sig hvort farið sé of hratt og of mik­il bjart­sýni ríki.

Morg­un­blaðið ræddi við starfs­mann eins viðskipta­bank­anna sem þekk­ir vel til fyr­ir­tækja­út­lána. Hann vill aðeins koma fram und­ir nafn­leynd, en tel­ur að huga þurfi að ákveðnum varúðarljós­um.

Seg­ir hann að þrátt fyr­ir að vel gangi í dag og að út­litið sé bjart þurfi líka að skoða hvað ger­ist ef bak­slag komi í grein­ina. Bend­ir hann á að inn­an banka­geir­ans séu nú mikl­ar vænt­ing­ar til ferðaþjón­ustu og þá sér­stak­lega hót­elupp­bygg­ing­ar.

Bank­arn­ir liggja á tölu­verðu fé og eru með hátt eig­in­fjár­hlut­fall. Því séu þeir opn­ir fyr­ir verk­efn­um sem líti vel út. Bjart­sýni í spán­um Þegar verk­efni eru met­in seg­ir hann að gerð sé grein­ing þar sem bestu og verstu aðstæður séu metn­ar.

Í dag spái grein­ing­ar­deild­ir því að farþegum muni fjölga á kom­andi árum og því sé mjög sterkt að gera ráð fyr­ir góðri fjölg­un áfram í öll­um út­reikn­ing­um.

Seg­ir hann að oft og tíðum sé versta sviðsmynd­in óbreytt ástand, en ekki sé horft til þess ef farþegum muni fækka. Íslend­ing­ar þekkja vel þegar hlut­ir breyt­ast hratt og nær­tæk­asta dæmið er auðvitað ef kæmi til eld­goss sem gæti tak­markað mikið ferðaþjón­ustu yfir há­anna­tíma.

Hann seg­ir að miðað við hversu hátt bog­inn sé spennt­ur gæti komið til þess að bank­arn­ir muni horfa til breyt­inga á lán­um á næstu fimm árum, ef vöxt­ur­inn haldi ekki áfram á því góða skriði sem hann hef­ur verið.

„Það gæti allt gengið upp, en hvað ef það ger­ist ekki?“ seg­ir hann. Síðustu ár hafa Íslend­ing­ar getað búið við nokkuð stöðugt gengi krón­unn­ar í skjóli hafta, en hann spyr hvað ger­ist ef krón­an fari að styrkj­ast, eins og marg­ir vænt­an­lega von­ist til.

Ef til þess kem­ur sé ljóst að ferðalög hingað verði ekki jafn hag­stæð fyr­ir ferðamenn og áður og eins og sýnt hafi sig er­lend­is geti straum­ur ferðamanna breyst snögg­lega eft­ir verðlagi og tísku­straum­um. „Hvort er líka betra fyr­ir Ísland, styrk­ing krón­unn­ar eða fleiri ferðamenn?“ spyr hann og bend­ir á að ferðaþjón­ust­an sé oft og tíðum lág­launa­stétt.

Erfitt sé að halda svipuðum vexti og hef­ur verið hér síðustu ár ef krón­an fer að styrkj­ast mikið og Ísland komi ekki leng­ur upp sem áhuga­verður staður og viðráðan­leg­ur í verði. Miða við spár um fjölg­un Þegar kem­ur að stór­um út­lánaklös­um eins og ferðaþjón­ustu hafa viðskipta­bank­arn­ir venju­lega gert eig­in grein­ingu og sett upp fjölda sviðsmynda.

Við vinnslu frétt­ar­inn­ar var haft sam­band við bank­ana og þeir spurðir út í áhættumat og við hvaða spár sé stuðst þegar kem­ur að ferðamanna­fjölda. Ari­on banki svaraði ekki, en svör hinna voru keim­lík. Horft er til þess mats sem grein­ing­ar­deild­ir hafa gert, auk þess sem miðað er við spár um fjölg­un ferðamanna á heimsvísu, sem er nokkuð und­ir spánni hér á landi. Ekki er horft á hót­el sem sér­staka áhættu­fjár­fest­ingu, held­ur er áhættustuðull svipaður og með al­menn­ar fast­eign­ir.

„Markaður­inn fyr­ir efnaða ferðamenn mun eitt­hvað vaxa en verður hins veg­ar alltaf í hlut­falli við það sem þekk­ist er­lend­is. Þar er þessi hóp­ur 6-10% af heild­ar­markaðnum.

Mesta fjölg­un­in verður í ferðamönn­um sem hafa aldrei haft ráð á því að koma til Íslands vegna þess að það var of dýrt, en hafa haft ráð á því eft­ir hrun,“ seg­ir Jök­ull sem tel­ur ferðaþjón­ust­una á mörk­um þess að geta vaxið frek­ar, vegna hækk­andi verðs á gist­ingu. „Það má ekki gleyma því að við erum í sam­keppni við aðrar borg­ir.

Ferðamaður í til dæm­is Bretlandi þarf að velja Ísland. En ef íbúð á Íslandi, eða hót­el­her­bergi, kost­ar 200 evr­ur í dag, en 120 evr­ur 2010 eða 2011 og 2012, þá verðleggj­um við okk­ur út úr stóra markaðnum. Þá vel­ur fólk að fara annað.

Bret­inn get­ur til dæm­is farið með fjöl­skyld­una til Grikk­lands í viku fyr­ir 800 pund en komið til Íslands og borgað 3.000 pund. Þannig að ég held að fjölg­un­in muni ekki halda áfram nema verð á gist­ingu og flugi verði áfram sam­keppn­is­hæft.

Ég held að það muni koma verðfall á markaðnum þegar öll þessi hót­el koma á markaðinn næsta sum­ar. Því held ég að við ætt­um að skoða vel það sem kom fyr­ir í Prag.

Það sama gæti komið fyr­ir okk­ur. Eig­end­ur íbúðahót­ela þurfa all­ir orðið að greiða mjög háa húsa­leigu og verða því að geta selt nótt­ina á 200 evr­ur.

Mik­ill fjöldi hót­ela er að koma á markaðinn og það ásamt mikl­um fjölda leigu­íbúða sem ein­stak­ling­ar eiga mun að óbreyttu leiða til verðhruns.

Verðið gæti því lækkað niður í 120, 99 evr­ur. Við fé­lag­ar mín­ir í brans­an­um und­ir­bú­um okk­ur und­ir verðlækk­un.

Það er ekki hægt að tvö­falda fram­boð á gist­ingu í Reykja­vík á meðan flugið er ekki að tvö­fald­ast,“ seg­ir Jök­ull og nefn­ir hvernig dæmi­gerð húsa­leiga fyr­ir meðal­stórt hót­el­her­bergi í miðborg­inni hafi hækkað úr 90-100 þúsund krón­um árið 2011 í allt að 260 þúsund krón­ur nú.

Eig­end­ur fast­eigna vilji „stóra sneið af kök­unni“./////////////Svona lestur er þarfur mjög,þessi fjölgun gistiríma er víðsjálfverður og verður að hafa þarna,einhvern stoppara!!svona bólumyndannir eru okkur ekki til góðs ,og við eigum að vita það, samkeppni er góð ,en hún getur farið úr böndum , þá er voðinn vís,hér áðu var þetta með Refinn og svo Minkinn og mikið fleira!! en við skulum strax skoða og stoppa við og sjá þessa vöntun á Gistirími í vetur,bara hægja á ekki svona bratt í þetta,að bankar skulu lána í þetta ómælt svo vantar íburðarhúsnæði í stórum stíl,þetta á að vera hverjum manni ljóst að þetta gengur ekki og Hótel  geta ekki keppt við fólk sem leigir úr sitt ef allt ef löglegt,það mun verða ódýrara,og margur vill gista þannig!!Svo er það einnig stórt mal fyrir okkur hvort þessi mikla ferðamennska sé ekki orðin um of  á sumrum,en heldur fá fólk hingað um vor vetur og haust,það er stórt mál að gera og gott,en eftir þetta sumar verður þetta rætt meira vonandi/Halli gamli

Geri ekki sömu mistök og Tékkar