Bjarni Ben.Fjármálaráðherra,segir skuldir Ríkisjóðs 732 milljónir 2013,ekki meira!!!

KOLBEINN TUMI DAÐASON SKRIFAR: 732 milljóna króna halli var á rekstri ríkissjóðs árið 2013 sem er mun betri afkoma en gert var ráð fyrir.

Reiknað hafði verið með halla upp á 19,7 milljarða króna. Þetta er meðal þess sem fram kemur í uppgjöri ríkisreikning fyrir árið 2013 sem birt er á vef fjármálaráðuneytisins.

Ríkisreikningur fyrir árið 2012 skilaði tekjuhalla að upphæð 35,8 milljarða króna.

Tekjurnar árið 2013 voru 31,7 milljörðum króna hærri en gert var ráð fyrir og gjöldin 12,8 milljörðum króna hærri.

Frumjöfnuður ársins er jákvæður um 57,2 milljarða króna en gert var ráð fyrir að hann yrði jákvæður um rúma 36 milljarða króna.

Þessi frávik frá áætlunum skýrast að stórum hluta af óreglulegum liðum þar sem munar mest um 24,9 milljarða króna tekjufærslu vegna virðisaukningar á eignarhluta ríkissjóðs í Landsbankanum hf. og 11,9 milljarða hærri afskriftir skattkrafna en gert hafði verið ráð fyrir.

Á árinu 2013 var lánsfjárþörf upp á 1,7% af vergri landsframleiðslu samanborið við 3,6% lánsfjárþörf á árinu 2012. Þessari lánsfjárþörf var mætt á árinu 2013 með því að ganga á handbært fé sem lækkaði um 79 ma.kr. á árinu.

Greiðslustaða ríkissjóðs er þó enn sterk með handbært fé að upphæð 404 milljarða króna í árslok.

Bjarni Benediktsson var staddur í rútuferðalagi þegar hann undirritaði ríkisreikning fyrir árið 2013.

MYND/FJÁRMÁLARÁÐUNEYTIÐ Með fyrstu ríkjum til að staðfesta ríkisreikning rafrænt Í ár urðu þau nýmæli að ríkisreikningur var undirritaður rafrænt en Ísland er í hópi fyrstu ríkja til þess að staðfesta ríkisreikning með þeim hætti.

„Þetta er stórt skref í rafrænni stjórnsýslu og í takt við nútímann, þar sem fólk er á ferð og flugi,“ segir Bjarni Benediktsson, fjármála- og efnahagsráðherra.

Fjármála- og efnahagsráðherra, fjársýslustjóri og ríkisendurskoðandi staðfestu ríkisreikning með rafrænum undirritunum og nýttu til þess rafræn skilríki.

Á næstu árum er stefnt að því að stórauka veg rafrænna skilríkja hér á landi og að þau verði meginauðkenningarleið fólks vegna ýmiss konar rafrænnar þjónustu og viðskipta á netinu að því er segir á vef ráðuneytisins.

Þá mun Ísland vera fyrsta landið sem nýtir rafrænar undirskriftir við undirritun ársreikninga, en undanfarin þrjú ár hafa einkafyrirtæki undirritað ársreikninga með rafrænum hætti.

Þá hafa endurskoðendur notað rafræn skilríki í samskiptum við ríkisskattstjóra og tollstjóra um alllangt skeið. Fram kemur að hagræðið sem fáist með því að skrifa undir ársreikning eða önnur gögn með rafrænum hætti sé óumdeilt.

Það hafi í för með sér tímasparnað og varðveisla gagna sé alfarið tryggð. „Með rafrænni undirritun ríkisreiknings hefur stjórnsýslan tekið skref í átt til framtíðar.

Rafræn undirritun sparar bæði pappír og fyrirhöfn. Handhafar rafrænna skilríkja geta skrifað undir með þeim hvar sem þeir eru staddir í heiminum,“ benti fjármálaráðherra á þegar reikningurinn var kynntur blaðamönnum í dag. Sveinn Arason ríkisendurskoðandi undirritar reikninginn.

Sveinn Arason ríkisendurskoðandi undirritar reikninginn. MYND/FJÁRMÁLARÁÐUNEYTIÐ Ný vefur opnaður Ráðherra opnaði á fundinum nýjan vef á vegum Fjársýslu ríkisins, ríkisreikningur.is, sem ætlað er að veita gott aðgengi að ríkisreikningi hvers árs.

Á vefnum er að finna sundurliðun á tekjum og gjöldum ríkisins frá árinu 2004. Gögnin er hægt að skoða á margvíslegan hátt.

Þar er að finna almenn yfirlit en einnig hægt að kafa dýpra og fá upplýsingar niður á kostnaðartegundarlykil.

Vefurinn gefur fólki tækifæri á að bera saman ýmis útgjöld á vegum ríkisins, t.d. eftir stofnunum og árum með aðgengilegri hætti en verið hefur.

„Ég fagna þessu skrefi í átt til greiðara aðgengis almennings að fjárhagsupplýsingum ríkisins, þetta eykur gegnsæi og traust og gefur fólki færi á að sjá hvernig útgjöld ríkisins hafa þróast,“

sagði Bjarni Benediktsson , fjármála- og efnahagsráðherra. Ríkisreikninginn í heild sinni með þeim sundurliðunum og skýringum sem.//////////////////Þetta er svo að þessi fjármál, eru bara í lagi ,þó það klikkaði vegna mannafæðar á Hagstofu þeim sem átti að sjá um þessi mál var sagt  upp!!! en svona er þetta,og svo gera menn grín að þessu,aðrir segja Formann Fjárlagagefnar, allskonar ljótum orðum,sem maður hefur ekki eftir,og þetta fé sem kom óvænt frá uppgjöri Landsbanka á síðustu metrum ársins,en þetta er vonandi komið til að hafa fjármálin í lagi þetta árið og næstu!!Bjarni Ben.verður að skoða þetta vel,að tekjur verða að aukast mikið til þessa,þessa vegna verður að láta einkarekstur verða mikið meiri það sparar milljarða/Halli gamli