Skora á alla að loka á deildu.net//Þróunin er ör og við bara skoðum þetta!!!

Skora á alla að loka á deildu.net Innlent | mbl | 16.10.2014 | 15:10 Deildu.net „Við vonumst eftir því að önnurfjarskiptafyrirtæki en þau sem úrskurðurinn lítur að muni fallast á það að fylgja fordæminu og við höfum nú þegar skorað á þau að gera það,“ segir Guðrún Björk Bjarnadóttir, framkvæmdastjóri STEF.

Héraðsdóm­ur Reykja­vík­ur hef­ur lagt fyr­ir Sýslu­mann­inn í Reykja­vík að leggja lög­bann við þeirri at­höfn Voda­fo­ne og Hringdu að veita viðskipta­mönn­um sín­um aðgang að deildu.net og Pira­tebay, en þar er deilt höf­und­ar­vörðu efni.

Hvor­ugt fjar­skipta­fyr­ir­tækj­anna hef­ur lokað aðgangi að síðunum, enda hef­ur sýslumaður ekki lagt á lög­bann. „Við ásamt þeim rétt­hafa­sam­tök­um sem hófu með okk­ur þetta mál; Sam­band ís­lenskra kvik­mynda­fram­leiðanda, SMÁís - sam­tök myndrétt­hafa og Fé­lag hljóm­plötu­fram­leiðanda höf­um verið að ráða ráðum okk­ar um næstu skref,“ seg­ir Guðrún, en mál­inu var vísað til sýslu­manns og mun hann boða fyr­ir­töku.

Guðrún Björk Bjarnadóttir Guðrún Björk Bjarna­dótt­ir „Við bíðum bara eft­ir því núna og von­um að það verði á allra næstu dög­um,“ seg­ir Guðrún. Höfðuðu mál á hend­ur fimm fjar­skipta­fyr­ir­tækj­um Upp­haf­lega var lög­bannskraf­an lögð fram þann 6. sept­em­ber 2013. Guðrún seg­ir að þá hafi verið ákveðið að fara í lög­banns­mál á hend­ur fimm fjar­skipta­fyr­ir­tækj­um; Sím­an­um, 365 miðlum, Tal, Voda­fo­ne og Hringdu.

„Á þeim tíma hug­leidd­um við að taka Nova líka en þá voru þeir aðallega í farsímaþjón­ustu,“ seg­ir Guðrún. Unnið er að því innan innanríkisráðuneytisins að koma með tillögur um hvernig haga skuli meðferð ...

Unnið er að því inn­an inn­an­rík­is­ráðuneyt­is­ins að koma með til­lög­ur um hvernig haga skuli meðferð og rann­sókn­um mála til að tak­marka ólög­legt niður­hal á net­inu AFP „En engu að síður lít­um við þannig á að for­dæmið gildi jafnt gagn­vart öll­um fjar­skipta­fyr­ir­tækj­um.

“ Úrsk­urður­inn lít­ur aðeins að Voda­fo­ne og Hringdu eins og stend­ur, en stjórn­end­ur 365 miðla ákváðu strax í upp­hafi að hlíta lög­bann­inu.

Þá lýsti dóm­ari í mál­inu gegn Tal sig van­hæf­an, svo málið bíður enn í dóms­kerf­inu að sögn Guðrún­ar.

Ef stjórn­end­ur Tals fall­ast ekki á að hlíta for­dæm­inu mun vænt­an­lega þurfa að skipa nýj­an dóm­ara. Vegna form­galla var máli Sím­ans vísað frá, en hafa stefn­end­ur óskað eft­ir end­urupp­töku.

Guðrún seg­ir ferlið hafa verið langt og strangt, og seg­ir hún það sýna sig að lög­banns­leiðin sé ekki mjög skil­virk.

„Þetta er búið að taka lang­an tíma, kosta okk­ur mjög mikla fjár­muni og fara marg­ar króka­leiðir í kerf­inu. Það er greini­legt að við þurf­um að leita annarra leiða til að koma í veg fyr­ir þessa starf­semi.

“ Vinna að því að tak­marka ólög­legt niður­hal á net­inu „Ég heyri ekki annað en að í okk­ar geira vilji menn beita sér gegn þess­um glæp­um,“ seg­ir Guðrún. Hún seg­ir þó margt þurfa að koma til svo að hægt verði að stoppa ólög­lega dreif­ingu efn­is.

„Það þarf að vera meiri fræðsla um höf­unda­rétt og hug­verka­rétt, jafn­vel fyr­ir grunn­skóla­börn. Svo þarf að koma til stuðning­ur stjórn­valda við lög­lega starf­semi, meðal ann­ars með því að upp­ræta ólög­lega starf­semi.

Loks þarf að reyna að skapa um­hverfi sem er hvetj­andi fyr­ir fólk til að fara út í það að bjóða upp á efni lög­lega.“

Þegar er starf­andi nefnd inn­an inn­an­rík­is­ráðuneyt­is­ins, und­ir for­mennsku Brynj­ars Ní­els­son­ar, sem vinn­ur að því að koma með til­lög­ur um hvernig haga skuli meðferð og rann­sókn­um mála til að tak­marka ólög­legt niður­hal á net­inu.

Þá er það skoðað hvort hægt sé að koma á frek­ari sér­hæf­ingu inn­an lög­reglu og ákæru­valds á þess­um teg­und­um tölvuglæpa.

Helgi Hrafn Gunn­ars­son, þingmaður Pírata, seg­ir sorg­legt fyr­ir in­ter­netið að Héraðsdóm­ur Reykja­vík­ur hafi lagt fyr­ir Sýslu­mann­inn í Reykja­vík að leggja lög­bann við þeirri at­höfn Voda­fo­ne og Hringdu að veita viðskipta­mönn­um sín­um aðgang að deildu.net og Pira­tebay, en þar er deilt höf­und­ar­vörðu efni.

Hann seg­ir að vanda­málið snú­ist um skort á lög­legu fram­boði. Helgi tek­ur hins veg­ar fram að það sé eitt gott við þessa niður­stöðu og eitt slæmt.

„Það góða er að þetta mun ekki virka.“ Aðspurður seg­ir hann að eft­ir­spurn­in sé gríðarleg - og í raun óseðjandi - og aðferðir séu til staðar sem geri fólki kleift að nálg­ast efnið með sama hætti og áður.

Helgi Hrafn Gunnarsson, þingmaður Píratar, ræðir málin á Alþingi. Helgi Hrafn Gunn­ars­son, þingmaður Pírat­ar, ræðir mál­in á Alþingi. mbl.is/​Eggert „Ef viðkom­andi ætl­ar sér að kom­ast fram hjá svona vörn­um þá mun hann kom­ast fram hjá svona vörn­um.

“ Ótt­ast ger­ræði „Það slæma við þetta er, að þegar menn upp­götva að þetta sé ekki að virka og geti ekki virkað þá vilja þeir [yf­ir­völd] ganga lengra.

Þá fara þeir senni­lega að tor­tryggja þær aðferðir sem hægt er að nota til að kom­ast fram hjá þessu - og þær aðferðir sem er hægt að nota til að kom­ast fram­hjá þessu eru mjög lög­mæt­ar og eru víða notaðar. Þær eru í raun og veru hluti af því hvernig in­ter­netið sjálft virk­ar,“ seg­ir Helgi.

Hann bend­ir á að þessi að ekki sé hægt að tak­marka aðgengi fólks að höf­und­ar­rétt­ar­vörðu efni á net­inu með tækni­leg­um leiðum nema með ger­ræði.

„Það þarf að ganga alla leið,“ seg­ir Helgi og bæt­ir að þetta muni ekki virka fyrr en hlut­irn­ir kom­ist á það stig. Það sé hættu­legt. Fólk er til í að greiða fyr­ir góða þjónstu Helgi seg­ir að hugsa þurfi málið upp á nýtt, þ.e. á hvaða for­send­um viðskipta­mód­el með höf­und­ar­rétt­ar­vörðu efni eigi að byggja.

„Það sem Smáís og Stef ættu miklu frek­ar að gera er að aðstoða - og gagn­rýna reynd­ar - laga­lega fram­boðið. Vand­inn er í sjálfu sér skort­ur á lög­legu fram­boði.

Fólk er al­veg til í að borga fyr­ir efni, Net­flix og Spotify sanna það. En lagaum­hverfið í kring­um þau eru kannski ekki endi­lega hent­ug fyr­ir lista­menn og fram­leiðend­ur.

Þar ætti fókus­inn að vera,“ seg­ir hann, þ.e. að upp­færa viðskipta­mód­elið í takt við tækn­ina. „Fólk vill bara al­menni­lega þjón­ustu á al­menni­legu verði.

“ Ætli menn sér að standa í því að berj­ast við tækn­ina þá þurfi menn að ganga mjög langt, í raun mun lengra held­ur en menn vilji gera í lýðræðis­sam­fé­lagi.

Vanda­málið sé það að á meðan tækn­inni fleyg­ir fram þá er lög­gjaf­inn ávallt mörg­um skref­um á eft­ir.

Lög­gjaf­inn mörg­um skref­um á eft­ir tækn­inni „Það eina sem ger­ir þessa tækni­bylt­ingu öðru­vísi en hinar er að hún ger­ist svo hratt. Það tók raf­magnið ein­hver 50 ár að um­bylta heim­in­um, á meðan in­ter­netið er búið að gera það á um 10-15 árum,“ seg­ir Helgi og bæt­ir við að viðskipta­mód­el í tengsl­um við netið hafi einnig úr­elst hratt.

Net­flix og Spotify séu til að mynda enn til­raun­ir og það eigi eft­ir að koma í ljós hvort þær muni ganga upp.

Sjálf­ur seg­ist Helgi lítið nota síður á borð við Pira­tebay.

Hann geri það helst til að nálg­ast ókeyp­is efni sem sé vand­fundið ann­ars staðar, t.d. heim­ild­ar­mynd­ir og fræðslu­efni.

Á heimasíðu deildu.net er vak­in at­hygli á því að síðan hafi fært sig yfir á annað lén, eða ice­land.pm.

Spurður út í það seg­ir Helgi að væn­ta­lega vilji menn banna það líka.

„Það eru sömu rök og sömu aðferðir.

Þá finna þeir nýtt lén og svo koll af kolli. Þetta verður eins og hund­ur sem er að elt­ast við skottið á sér. Þetta mun aldrei tak­ast.

Spurn­ing­in er hvenær á að hugsa þetta upp á nýtt og gef­ast upp á þess­ari vit­leysu,“ seg­ir Helgi að lok­um.

Sam­kvæmt upp­lýs­ing­um frá Sýslu­mann­in­um í Reykja­vík er lög­banns­beiðnin ekki kom­in inn á borð

embætt­is­ins.////////////////////Þetta er ekki alvarlegt mál að manni finnst það er tækninn sem flýgur fram ,og við kaupum þetta sem við eigum að fá,þessi boð og bönn eru að fara með þetta þjóðfélag,við bara neitum þessu og fáum bara lokun á börnin okkar sem ekki hafa gott af að sjá  margt sem þar fer fram,við bara mótmælum þessu/Halli gamli

Skora á alla að loka á deildu.net