Óveður á Reykjanesbraut/ Þetta mun verða svona um allt land,fárviðri!!!!

Óveður á Reykjanesbraut Innlent | mbl.is | 30.11.2014 | 12:44 Mynd 745643 Það er byrjað að hvessa á suðvesturhorni landsins og komið óveður á Reykjanesbraut, Grindavíkurvegi, á Kjalarnesi og undir Eyjafjöllum, samkvæmt upplýsingum frá Vegagerðinni.

Hviður verða 35-45 m/​s á ut­an­verðu Kjal­ar­nesi og Hafn­ar­fjalli og eins var­huga­verður vind­ur á Reykja­nes­braut­inni.

Læg­ir held­ur í skamma stund síðdeg­is áður en skell­ur á með SV-átt, fyrst á Suður­nesj­um.

Í kvöld og fram­an af nóttu verður sums staðar ofsa­veður, meðal­vind­ur allt að 25-30 m/​s, sér­stak­lega um landið norðvest­an­vert og á annesj­um norðan­lands und­ir miðnætti.

Það eru hálku­blett­ir og élja­gang­ur á Hell­is­heiði og Lyng­dals­heiði og krapi og él á Mos­fells­heiði en ann­ars eru flest­ir veg­ir greiðfær­ir á Suður­landi.

Á Vest­ur­landi er hálka eða hálku­blett­ir á flest­um fjall­veg­um en að mestu greiðfært á lág­lendi. Hálka eða snjóþekja er víða á veg­um á Vest­fjörðum en þæf­ings­færð á Hrafns­eyr­ar­heiði.

Á Norður­landi vestra er að mestu greiðfært en hálka eða hálku­blett­ir nokkuð víða á Norðaust­ur­landi.

Greiðfært er á lág­lendi á Aust­fjörðum en hálku­blett­ir á flest­um fjall­veg­um en þó er hálka á Oddsk­arði. Suðaust­ur­strönd­in er greiðfær.

Byrjað var að kalla út björg­un­ar­sveitar­fólk í Vest­manna­eyj­um og Grinda­vík um há­degið en nú hafa björg­un­ar­sveit­ir á höfuðborg­ar­svæðinu og öll­um Suður­nesj­um verið kallaðar út.

At­hygli vek­ur að þegar eru kom­in þrjú út­köll á höfuðborg­ar­svæðinu vegna fjúk­andi trampólína þrátt fyr­ir ít­rekaðar viðvar­an­ir um að mesti veðurofsi í mörg ár væri vænt­an­leg­ur í dag.

Ólöf S. Bald­urs­dótt­ir, upp­lýs­inga­full­trúi Slysa­varn­ar­fé­lags­ins Lands­bjarg­ar, seg­ir að björg­un­ar­sveitar­fólk um allt land sé í viðbragðsstöðu enda af­taka­veður í kort­un­um.+

Nú er hvasst á suðvest­ur­horni lands­ins og komið óveður á öllu Reykja­nesi, Kjal­ar­nesi, und­ir Akra­fjalli og Hafn­ar­fjalli.

Einnig er óveður und­ir Eyja­fjöll­um og við Markarfljót. Bú­ast má við hættu­leg­um vind­hviðum við fjöll eft­ir há­degi (jafn­vel yfir 50 m/​s þegar verst læt­ur) og engu ferðaveðri. Hættu­leg­ustu vind­hviðurn­ar verða V-lands síðdeg­is, en á N-verðu land­inu frá því seint í kvöld og fram á mánu­dags­morg­un.

Sam­kvæmt sjálf­virk­um mæl­ing­um Vega­gerðar­inn­ar fer í 45 metra á sek­úndu und­ir Hafn­ar­fjalli. Veðrið á hins veg­ar eft­ir að versna enn frek­ar þegar líður á dag­inn og eru það ein­dreg­in skila­boð frá veður­fræðing­um á Veður­stofu Íslands að fólk haldi sig heima enda ekk­ert ferðaveður og verður það ekki fyrr en þegar líður á dag­inn á morg­un.

Búið er að af­lýsa fjöl­mörg­um flug­ferðum til og frá Kefla­vík­ur­flug­velli og allt inn­an­lands­flug ligg­ur niðri og ljóst að ekk­ert verður flogið inn­an­lands fyrr en á morg­un.

Áætl­un Strætó: Leið 51 frá Höfn kl.10:25 fell­ur niður vegna veðurs.

Leið 51 frá Mjódd kl.11:30 mun ekki aka lengra en á Sel­foss (frá Sel­fossi kl.12:25 að Vík fell­ur niður vegna veðurs).

Leið 57 All­ar ferðir falla niður vegna veðurs.

Leið 58 All­ar ferðir falla niður vegna veðurs. Leið 59 All­ar ferðir falla niður vegna veðurs.

Leið 82 All­ar ferðir falla niður vegna veðurs.///////////////////Þetta er og verður svona um alt land þegar líður á daginn,og verður ofsaveður ef allt gengur eftir,sem það mun gera S.v. stormur og mikið úrfelli rigning!!! þetta,getur verið hættulegt mjög ef fólk fer ekki vel að hlutnum,og passar að vara ekki utanhúsþegar búið er að tala til utanhús,en við bara biðjum fyrir öllum að enginn slys verði,og það er málið allt flug fest niður og það gott og skipin komaa in eða í var//Halli gamli

 

 

Óveður á Reykjanesbraut