Það er komið í gamla farveginn i hinu kalda stríði sem var hér á árum áður

Ég vek athygli á frétt sem birtist á bls. 64 í Morgunblaðinu í morgun og sagt er frá á Evrópuvaktinni eins og sjá má hér.

Það kemur ekki á óvart að bandarískar kafbátaleitarvélar leggi nú leið sína til Keflavíkurflugvallar og stundi þaðan eftirlitsflug eins og þær gerðu árum saman fram á tíunda áratuginn.

Þær hurfu héðan endanlega fyrir 10 árum eða í febrúar 2004. Koma vélanna til Íslands nú í sumar minnir á hve hratt staðan í öryggismálum hefur breyst hér á norðurslóðum og í Evrópu allri vegna Úkraínudeilunnar.

Hugveitan European Leadership Network sendi nýlega frá sér skýrslu sem nær fram í nóvember á þessu ári þar sem lýst er nærri 40 hernaðarlegum atvikum sem orðið hafa síðustu átta mánuði og snerta samskipti rússneska hersins við vestræna aðila.

Í skýrslunni segir að þegar á heildina sé litið blasi við mjög óhugnanleg mynd af virðingarleysi fyrir lofthelgi ríkja, neyðarklifi, yfirvofandi árekstrum í lofti og á sjó, sviðsettum árásum og öðrum hættulegum uppátækjum.

Atvikin gerist reglulega og á landfræðilega stóru svæði.

Í skýrslunni er að finna lýsingu á 11 alvarlegum atvikum sem bera vott um vísvitandi árásarhug eða vilja til óvenjumikillar ögrunar sem kallar fram meiri hættu á stigmögnun en almennt gerist.

Þar megi nefna ofríki í garð eftirlitsflugvéla, lágflug yfir herskip og sviðsettar rússneskar sprengjuárásir.

Þá eru nefnd 3 sérlega hættuleg atvik þar sem miklar líkur voru á að tjón yrði unnið eða til beinna hernaðarárekstra kæmi: á síðustu stundu tókst að koma í veg fyrir árekstur milli áætlunarvélar og rússneskrar eftirlitsflugvélar; eistneskum öryggisstarfsmanni var rænt og Svíar efndu til umfangsmikillar kafbátaleitar.

Þótt til þessa hafi tekist að koma í veg fyrir beina hernaðarárekstra telja skýrsluhöfundar að

meiri árásargirni Rússa og aukinn harka af hálfu Vesturlanda gegn henni magni hættuna á að

fyrir slysni komi til stigmögnunar og menn missi stjórn á atburðarásinni.//////////////////Þessi grein sem ég birti þarna frá Flokksbróður mínum Birni Bjarnasyni,sem ég vona að sé í lagi!!!En þetta var hans starf að mínu mati að tala um að Rússar þar og Rússar hér og mikið rætt um óvinin Rússa,Björn og fleiri hljóta að mynnast þess, að um nokkra ára bil, þegar engin vildi helst versla við okkur var gerður tvíhliða samningur við Rússa um vöru skipti,og við seldum þeim fisk en fengum í staðin Bíla og Olíur og bensín og fleira allskonar vörur!! en núna er það allt í einu að Bandaríkin og Evrópa saman eftir þetta með Úkraínu,sem eru þarna mikið til rússneskumælandi,og sérstaklega Krímskagann sem Rússar áttu en var gefin á fylliríi,Enn ef við skoðum söguna sem Björn vinur minn gerir betur en ég,er að þetta kaldastríð er algjör óþarfi bara semja um málin og Bandaríkin stjórna ekki heiminum einir als ekki,og ekki gleyma Kínverjum/Halli gamli