Sagði Sjálfstæðisflokk bera ábyrgð///Margt er sér til gamans ,gert og kallað einelti!!!

Sagði Sjálfstæðisflokk bera ábyrgð Innlent | mbl.is | 2.2.2015 | 20:05 Valhöll, höfuðstöðvar Sjálfstæðisflokksins.

„Það er sama hvar borið er niður í þessu máli, hann [Páll Heimisson] hefur ekki getað sýnt fram á neina heimild fyrir þessari notkun á kortinu,“ sagði vararíkissaksóknari fyrir Hæstarétti í morgun.

Verjandi Páls sagði ýmislegt hafa farið úrskeiðis en ekki þannig að refsivert væri.Héraðsdóm­ur Reykja­vík­ur dæmdi Pál í tólf mánaða fang­elsi í októ­ber 2013 fyr­ir umboðssvik en batt níu mánuði refs­ing­ar­inn­ar skil­orði.

Þá var hon­um gert að greiða Sjálf­stæðis­flokkn­um rúm­ar 19 millj­ón­ir króna

. Hann var sak­felld­ur fyr­ir að hafa mis­notað aðstöðu sína til að skuld­binda Sjálf­stæðis­flokk­inn þegar hann í alls 321 skipti notaði kred­it­kort flokks­ins til út­tekta á reiðufé og kaupa á vör­um og þjón­ustu.

Hnot­skurn Grun­semd­ir vöknuðu á skrif­stofu Sjálf­stæðis­flokks­ins og fór svo að flokk­ur­inn kærði Pál til efna­hags­brota­deild­ar rík­is­lög­reglu­stjóra í apríl 2011.

Þegar málið kom upp hvarf Páll spor­laust. Ut­an­rík­is­ráðuneytið var beðið um aðstoð við að hafa upp á hon­um og fannst hann í New York.

Páll tók út 100 þúsund krón­ur úr ís­lensk­um hraðbönk­um í 82 skipti, til dæm­is 14 sinn­um frá 4. maí til 28. júní 2010. Einnig tók hann út 4., 5., 6., 8., 11. og 21. októ­ber 2010.

Alltaf 100 þúsund krón­ur. Hæsta ein­staka færsl­an nam 510 þúsund krón­um og var fram­kvæmd í Vín­ar­borg 7. sept­em­ber 2010 hjá Uhrmacher­meister Hu­ebn sem myndi á ís­lensku út­leggj­ast sem Úrsmíðameist­ar­inn Hu­ebn.

Jafn­framt er tölu­vert um að háar upp­hæðir rynnu til Icelanda­ir, vænt­an­lega til kaupa á flug­ferðum, og nam hæsta ein­staka upp­hæðin 273 þúsund krón­um. Páll áfrýjaði mál­inu og var það flutt fyr­ir Hæsta­rétti í morg­un.

Helgi Magnús Gunn­ars­son, vara­rík­is­sak­sókn­ari, flutti málið fyr­ir hönd ákæru­valds­ins og gerði þá kröfu að sak­fell­ing­in yrði staðfest en refs­ing­in þyngd.

Einnig að Páli verði gert að greiða Sjálf­stæðis­flokkn­um um­rædda fjár­muni og all­an máls­kostnað fyr­ir héraði og Hæsta­rétti.

Frá ár­inu 2008 starfaði Páll sem rit­ari íhalds­hóps Norður­landaráðs og fram til vor­mánaða 2011 þegar hon­um var sagt upp störf­um.

Páll var með aðstöðu í Val­höll og tvö kred­it­kort skráð á Sjálf­stæðis­flokk­inn. Með öðru þeirra var hon­um ætlað að greiða út­gjöld tengd störf­um íhalds­hóps­ins.

Tók ít­rekað út 100 þúsund krón­ur Helgi Magnús sagði málið snú­ast um það hvort Páll hefði haft heim­ild til að greiða um­fram­gjöld með kred­it­kort­inu.

Flest­ar skýr­ing­ar hans séu á þá leið að kostnaður­inn hafi tengst for­mennsku hans í DEMYC, Evr­ópu­sam­tök­um ungra hægri manna.

Ekk­ert af þeim vitn­um sem komu fyr­ir héraðsdóm kann­ist hins veg­ar við að þátt­taka hans í því starfi hafi verið hluti af störf­um hans fyr­ir Sjálf­stæðis­flokk­inn.

Páll Heimisson. Páll Heim­is­son. Þá benti Helgi Magnús á að þegar færsl­urn­ar séu skoðaðar komi í ljós 121 út­tekt úr hraðbönk­um á Íslandi upp á 10,6 millj­ón­ir króna.

Hjá lög­reglu hafi hann borið við að þess­ar út­tekt­ir hafi tengst um­ræddu DEMYC sam­starfi en ekki skýrt nán­ar hvað hafi orðið um pen­ing­ana. „Seint á ár­inu 2010 þá fer hann að taka út 100 þúsund krón­ur nán­ast marga daga í röð.

Ákærði hef­ur aldrei skýrt það og DEMYC er ekki einu sinni með rekst­ur hér á landi. Af hverju hann fór í hraðbanka til að taka út pen­ing með þess­um hætti hef­ur ekki verið skýrt.

“ Auk þess að hafa eng­ar skýr­ing­ar gefið þá liggi ekk­ert fyr­ir um að Páll hafi haft heim­ild til að greiða fyr­ir DEMYC sam­tök­in.

„Þetta voru pen­ing­ar hins nor­ræna íhalds­hóps,“ sagði Helgi Magnús og einnig að Páll hafi farið ansi frjáls­lega með þessa DEMYC-skýr­ingu sína. Helgi Magnús sagði enn­frem­ur að ef hann var að leggja út fyr­ir DEMYC þá hefði verið gott að ta

ka nótu fyr­ir þeim kostnaði.

Hins veg­ar hafi ekk­ert vitni verið leitt fyr­ir dóm­inn sem geti staðfest að hann hafi verið að leggja út fyr­ir DEMYC og eng­in gögn lögð fram því til stuðnings.

„Það hefði verið eðli­legt ef skýr­ing­arn­ar væru hald­bær­ar.“

Játaði sekt í tölvu­bréfi Vara­rík­is­sak­sókn­ari sagði at­hygl­is­verðast í mál­inu tölvu­bréf sem Páll ritaði þáver­andi fram­kvæmda­stjóra Sjálf­stæðis­flokks­ins eft­ir að málið kom upp.

Í því seg­ist Páll taka fulla ábyrgð á mis­gjörðum í fjár­mál­um íhalds­hóps­ins.

 

„Ég er mjög hrygg­ur yfir því hvernig ég hef brugðist því trúnaðar­trausti sem þú og aðrir hafa sýnt mér í störf­um mín­um und­an­far­in ár, því miður á ég eng­ar máls­bæt­ur í þeim efn­um.“ Einnig sagðist hann átta sig á að hann hafi gerst brot­leg­ur við lög og að hann verði að sæta ábyrgð á gjörðum sín­um.

„Enn­frem­ur geri ég mér fulla grein fyr­ir því að þetta mál verði fengið til rann­sókn­ar þess til bærra yf­ir­valda og niðurstaða þeirr­ar rann­sókn­ar verði mér mjög þung­bær.“

Helgi Magnús sagði Pál ekki hafa skýrt það hvers vegna hann gang­ist við brot­um sín­um í tölvu­bréf­inu ef hann taldi greiðslurn­ar inn­an heim­ild­ar.

„Af hverju sagði hann ekki í tölvu­bréf­inu að þetta væri í sam­ræmi við venj­ur og í sam­ræmi við það sem rætt hefði verið um?“

Hann sagði ljóst að Páll hefði bundið Sjálf­stæðis­flokk­inn með þess­um greiðslum og með því mis­notað aðstöðu sína, 12 millj­ón­ir af 19,4 séu séu hrein út­tekt í reiðufé og eng­ir reikn­ing­ar hafi verið lagðir fram vegna þeirra út­tekta.

Að lok­um sagði hann héraðsdóm hafa verið nærri lagi þegar kom að ákvörðunar refs­ing­ar, Páll hafi ekki gerst sek­ur gagn­vart al­menn­um hegn­ing­ar­lög­um áður og því heim­ilt að skil­orðsbinda refs­ing­una að miklu leyti.

Hefði átt að setja regl­ur um notk­un­ina Björn L. Bergs­son, verj­andi Páls, gerði þær kröf­ur að hann yrði sýknaður af ákæru rík­is­sak­sókn­ara og bóta­kröfu Sjálf­stæðis­flokks­ins vísað frá dómi. Hann sagði sak­ar­efnið nokkuð sér­stakt þar sem Páli væri gefið að sök að hafa mis­notað stöðu sína og skuld­bundið Sjálf­stæðis­flokk­inn.

„En í raun bein­ist brotið ekki að Sjálf­stæðis­flokkn­um held­ur nor­ræna íhalds­hópn­um. Sjálf­stæðis­flokk­ur­inn var nokk­urs kon­ar milliliður og hann starfsmaður flokks­ins og fór ekki út fyr­ir þær heim­ild­ir sem hon­um voru markaðar.“

Hann sagði óum­deilt að Páll notaði greiðslu­kortið í þetta 321 skipti en að um­gjörðin væri allt önn­ur en gefið væri í skyn í ákæru. Hann hafi verið ráðinn til Sjálf­stæðis­flokks­ins og gegndi á þess­um árum starfi alþjóðafull­trúa hjá flokkn­um.

Kortið hafi verið notað til að fjár­magna þá stöðu.

Los­ara­brag­ur hafi verið á fjár­mála­stjórn­inni sem sé miður, en það sé ekki Páli al­farið að kenna.

Hvað varðar tölvu­bréfið til fram­kvæmda­stjóra Sjálf­stæðis­flokks­ins sagði Björn að Páll hefði verið svo meðvirk­ur að hann hefði verið reiðubú­inn að taka allt málið á sig. „Þetta fór úr­skeiðis og þar átti hann hlut að máli, en ekki þannig að refsi­vert hafi verið.“ Sjálf­stæðis­flokkn­um hafi borið að setja regl­ur um korta­notk­un­ina.

Dóm­ar­arn­ir iðnir við að spyrja Dóm­ar­ar máls­ins voru nokkuð iðnir við að spyrja verj­anda Páls út í at­vik máls. Þannig var hann spurður að því hvers vegna Páll hefði nær ávallt tekið út pen­inga í ís­lensk­um krón­um ef þær tengd­ust DEMYC-sam­tök­un­um.

Á því kunni verj­and­inn eng­ar skýr­ing­ar. „Það er hluti af því sem lögmaður­inn kann ekki að skýra um­fram það sem kem­ur fram í gögn­um máls­ins.“

Hann sagði hins veg­ar að það væri ein­dreg­in afstaða Páls að þarna hefði hann verið að taka út fé fyr­ir DEMYC eða mögu­lega fyr­ir íhalds­hóp­inn nor­ræna.

Erfitt sé að greina á milli þar sem Páll hélt ekki bók­hald. Þegar hann var spurður út í út­tekt­ir úr herrafata­versl­un og hvernig það geti tengst DEMYC sagði verj­and­inn telja að um hafi verið að ræða þarf­ir fyr­ir ein­staka fund­ar­gesti.

„Þjón­ust­an við fund­ar­gesti hafi verið alþjón­usta.“ Björn áréttaði að notk­un­in hefði verið fyr­ir íhalds­hóp­inn nor­ræna og DEMYC og að Páll hefði eng­in fyr­ir­mæli fengið um kortatnotk­un­ina né hafi verið sett­ar starfs­regl­ur.

„Þess­ar regl­ur voru ekki til og voru í smíðum haustið 2010. Hann gat því ekki farið eft­ir þeim. Það var verið að smíða þær 18 mánuðum eft­ir að hann tók til starfa.“ Það geti því ekki verið umboðssvik þegar eng­um regl­um var að fylgja.

Aðild­ar­skort­ur Sjálf­stæðis­flokks­ins Þá sagði hann ábyrgð Sjálf­stæðis­flokks­ins mikla. Sam­starfs­menn Páls hafi vitað að hann starfaði fyr­ir DEMYC og flokk­ur­inn hafi haft öll ráð til að grípa inn í ef þeir héldu að hann færi glæfra­lega með fjár­mun­ina.

Ef ekk­ert eft­ir­lit hafi verið haft með korta­notk­un­inni þá sé það veru­leg yf­ir­sjón, að láta starfs­mann fá kred­it­kort í 26 korta­tíma­bil og hafa ekk­ert eft­ir­lit.

Hvað varðar bóta­kröfu Sjálf­stæðis­flokks­ins sagði Björn að sú álykt­un að flokk­ur­inn muni bera það tjón sem fólst af notk­un Páls eigi sér ekki stoð í framb­urði þáver­andi fram­kvæmda­stjóra flokks­ins.

Hann hafi sagt að það verði rætt eft­ir að niðurstaða ligg­ur fyr­ir í dóms­mál­inu hvort upp­hæðin verði greidd til baka.

„Þarna hafa fjár­mun­ir glat­ast en ekki úr vasa Sjálf­stæðis­flokks­ins og því get­ur flokk­ur­inn ekki verið aðili að þess­ari bóta­kröfu.“

Hann sagði einnig að flokk­ur­inn hafi ekki mál­sókn­ar­um­boð fyr­ir nor­ræna íhalds­hóp­inn og því sé um aðild­ar­skort að ræða.

Að lokn­um ræðum var málið dóm­tekið og verður dóm­ur kveðinn upp á næst­unni. Frétt mbl.is:

Sagðist hafa haft heim­ild//////////////////////Svona flókin mál rata ennþá í dómstig og engin veit neitt að mann skilst,hvað er í gangi hjá okkur að láta þetta ske í mörg tómabil án þessa að æmta eða skræmta,þetta er skömm samt hverjum sem,en gott að málið kemst í blöð og til almennings og þörf á að upplýsa og hvað sem út kemur erum við hress með upplýsingar þarna ,svo lengi lærir sem lifir!!!En að maðurinn verði ekki dæmdur er skrítið og skil ég það ekki//Halli gamli

Sagði Sjálfstæðisflokk bera ábyrgð

Athugasemdir

[Jóhann Kristinsson, 2.2.2015 kl. 23:18]

Það er alveg stórfurðulegt að það er alltaf einhverjum öðrum að kenna, en ekki þeim sem framdi glæpinn.

Hvenær ætlar þjóðin og kerfið að hætta að hlusta á; "ekki að kenna mér um að ég stal, það er þeim sem ég stal frá að kenna."

Henda þessum þjóðfélagsblóðsugum í fangelsi og týna lyklunum í 20 ár svo þeir komist ekki út aftur, kanski læra þeir eitthvað meðan að þeir hafa nægan tíma að hugsa um það sem þeir gerðu.

Kveðja frá Houston