Búist við tíðindum i dag ??????

Eftir að hafa hlustað á stefnuræðu Geir H.Haarde i gær er maður bara að spá hvað hann ættlar að gera ????,því eitthvað verður að gera,það sjá allir að þetta gengur ekki lengur,þrátt fyrir allar sögur og kenningar um þetta og hitt,er það mál manna að þetta sé hvílík krísa að það verði erfið lendin hver sem hún verður,Það stendur þarna maður á móti manni um það sem gerðist á þessum fundi með seðlabankanaum og menn segja að þetta þurfi ekki að  hafa verið svona bara 3 leiðir ,það átti auðvitað að fara leiðina að lána þeim með góðum veðum og láta þá sjálfa klára málin,og hafa þar hönd i bagga meðfram!!!Ef ekki hefði það tekist var bara yfirtaka,en ekki fyrr,en það tóku margir þarna til máls í umræðunni og margt gott sagt og allir eitthvað til síns máls,en að mínum mönnum fannst með best það sem Illugi sagði það var satt að viðurkenna mistök fyrri tíma og takast á við vandan,en svona heilt á litið ,sýnist mer að vandi ætli ekki að yfirgefa okkur heldur versna,því miður enn við vonum að það verði gert eitthvaðrótækt fyrir alla sem munu missa sitt ef ekkert verður að gert!!!Halli gamli

Búist við tíðindum í dag

Athugasemdir

[Erna Hákonardóttir Pomrenke, 3.10.2008 kl. 14:26]

Hvernig er það, þarf engin að taka ábyrgð á hvernig komið er? Hvernig geta þessir bankastjórar gengið frá ástandinu blygðunarlaust? Það var verið að lána fólki sem vitað mál var að gat ekki staðið í skilum. Húsnæðislán alveg út í hött. Ég keypti íbúð heima sumarið 2005 og skulda núna meir í henni heldur en þegar ég tók við henni. Faðir minn lést fyrir ári síðan og arfurinn minn var mestmegnis í hlutabréfum sem hafa orðið að engu. Þetta er bara sama sagan og hjá svo mörgum. Og nú er bara bent á hvorn annan og engin vill taka ábyrgð á þessum ósköpum.  Íslendingum er mjög gjarnt á að lifa um efni fram, vilja eignast allt strax í stað þess að kaupa ekki nema að peningur sé fyrir hendi. Nú væri gott ráð að klippa niður krítar og debet kortin og eiða aðeins þeim pening sem til er í buddunni.  

[Helgi Hrafn Gunnarsson (IP-tala skráð) 3.10.2008 kl. 16:34]

Þetta er líka almenningi að kenna, en höfuðsökudólgarnir eru að mínu mati Wall Street og Federal Reserve, þ.e. seðlabanki Bandaríkjanna. Það er svosem löng og önnur saga.

Að taka yfir Glitni var bráðsnjallt og yfirþyrmandi það besta sem seðlabankinn gat gert við þessar aðstæður. Gallinn er að það fer illa með hlutabréfseigendur (en þess má geta að móðir mín tapaði 300.000 krónum á þessu), en það verður bara að hafa það. Hlutabréfaeigendur verða að troða því inn í hausinn á sér að núna snýst ekki málið um þá, heldur að halda efnahagskerfinu á floti á meðan þessi krísa gengur yfir, eða skýrist í það minnsta.

Að lána Glitni peninginn var mikil áhætta vegna þess að við vitum ekki hversu lengi þetta mun standa. Glitnir þolir meiri bið og meira álag núna í kjölfar kaupanna og það er gott fyrir alla til lengri tíma, þó það fari illa með hlutabréf bankans.

Svo er hitt að það á ekki að vera svona fokking sjálfsagt að bankar græði peninga. Glitnir var ekki undirbúinn undir kreppu þrátt fyrir að hafa átt að vinna í þessu frá því í byrjun ársins eins og aðrir bankar, eftir að húsnæðisbréfin féllu í Bandaríkjunum, og það er sjálfsagt að bankanum sé refsað, jafnvel grimmilega, fyrir ábyrgðarleysið. Það er óþolandi að bankar megi græða endalausa peninga en aldrei þurfa að borga fyrir ábyrgðarleysi sitt, jafnvel þó það bitni á öllum landsmönnum, ólíkt því þegar fyrirtæki í öðrum rekstri fara á hausinn.

Fjandinn hirði Glitni og alla eigendur að honum sem kvarta undan þessu. Eins og ég segi, móðir mín sjálf tapaði 300.000 krónum á þessu en gerir sér grein fyrir því að þetta var allra skásta leiðin. Auðvitað er þetta skítt, þetta eru skítugir tímar og fólk þarf svolítið að fara að troða því inn í hausinn á sér hversu alvarlegt málið er.

Varla neinn man eftir heimskreppunni 1929, en þessi lætur þá kreppu líta út eins og skemmtiferð við hliðina á því sem við stöndum frammi fyrir ef við beitum ekki öllum tiltækum ráðum við að snúa á markaðsöflin eins og þau haga sér núna.

Hættið að væla yfir Glitni, þetta var lítil fórn fyrir mikinn stöðugleika, þetta var allra, allra besta leiðin þó aðrar hefðu verið betri fyrir eigendur bankans. Það eru fleiri en eigendur bankans sem hafa hagsmuni hérna, það er öll þjóðin, og ef bönkunum þykir svona illt að fjármál þeirra séu hagsmunir allrar þjóðarinnar, ættu þeir að fara í annan bransa.