Hafnar flatri niðurfærslu skulda/Hvað annað er þá??????

Jóhanna Sigurðardóttir, forsætisráðherra, sagði á aukaársfundi ASÍ í dag, að útreikningar sýndu að tillaga um flata niðurfellingu 20% af fasteignalánum, yrði einhver mesta eignatilfærsla frá einstaklingum til fyrirtækja, sem farið hafi fram.
Maður bara spyr Jóhönnu hvað er til ráða,eitthvað verður að gera,það er einnig hægt að hafa þetta krónutölu sem væri betra að mínu mati,þar eru tillögur um 4 milljónir á mann,það kemur einnig til greina,en þetta n með að taka öll þessi tilvik til skoðunar tekur langan tíma og  mannfrekt Jóhanna er bar að tefja malið og ekkert annað,eitthvað verður að gera allir að missa sitt fyrirtæki og fólkið sitt allt,hvað dvelur orminn Langa/Halli gamli

Hafnar flatri niðurfærslu skulda

Athugasemdir

[Tómas Ibsen Halldórsson, 25.3.2009 kl. 11:24]

Ljóst er að Jóhanna hefur ekki kynnt sér tillögurnar sem hafa komið fram eða þá að hún skilur þær ekki.  Hvort ætli sé líklegra ???

Bestu kveðjur,

[Hrannar Björn Arnarsson, 25.3.2009 kl. 11:44]

Sælir

Jóhanna, Así, Seðlabankinn, IMF, Gylfi Magnússon og margir, margir fleiri hafa kynnt sér þessar tillögur um flata niðurfellingu og allir hafa gefið þeim falleinkun. Skyldi það vera tilviljun ? Hafið þið heyrt einhverja óháða hagfræðinga mæla þessum tillögum bót ?

Halli spyr - hvað í staðinn. Meðfylgjandi er aðgerðapakki ríkisstjórnarinnar vegna skulda heimilana. Flest þegar komið til framkvæmda eða á lokasnúningi. Jóhanna hefur sagt að hún muni ekki senda þingið heim fyrr en mikilvægustu málin hafa verið afgreidd.

Þið metið síðan hvort þetta sé " að gera ekkert".

Aðgerðir til stuðnings skuldsettum heimilum

1. Skuldajöfnun verðtryggðra lána – 10-20% lægri greiðslubyrði en ella
2. Frysting og í framhaldi skuldajöfnun gengisbundinna lána – 40-50% lægri greiðslubyrði
3. 25% hækun vaxtabóta – hjón með 3-8 milljóna árstekjur hækka um rúm 170 þús, úr 314 þús í 487 þús á ári.
4. Útgeiðsla séreignasparnaðar – milljón á einstakling, tvær milljónir á hjón
5. Greiðsluvandaúrræði Íbúðalánasjóðs stórefld og samkomulag gert við aðrar fjármálastofnanir um að sömu úrræði gildi þar einnig.
   1. Skuldbreytingalán og lánalengingar um 30 ár í stað 15 áður
   2. Heimild til að greiða bara vexti og verðbætur af vöxtum og frysta höfuðstól í allt að 3 ár.
   3. Heimild til að frysta afborganir í allt að 3 ár.
   4. Ýmsar mildari innheimtuaðgerðir
6. Greiðsluaðlögun samningskrafna
7. Lækkun dráttavaxta
8. Skuldfærsla barnabóta uppí skattaskuldir bönnuð
9. Skuldfærsla hverskonar inneigna hjá ríkinu uppí afborganir Íbúðalánasjóðs afnumdar
10. Frestun nauðungaruppboða fram til loka ágúst
11. Lenging aðfarafresta úr 15 dögum í 40
12. Aukin stuðningur aðstoðarmanns og leiðbeiningaskylda vegna gjaldþrota
13. Greiðsluaðlögun fasteingaveðlána
14. Heimild til Íbúðalánasjóðs til að leigja fyrri eigendum húsnæði sem sjóðurinn eignast á uppboðum.

Kveðja góð,

[Haraldur Haraldsson, 25.3.2009 kl. 11:54]

Sko Hrannar þetta er margt gott ef af verður,en þetta er að ske núna aftur  fyrir framan okkur öll,að menn missa sitt og fær enga hjálp,maður sér þetta daglega/seinagangur er á þessu er mikill ,enda verið að ræða allt annað á alþingi daglega/en við spyrjum að leikslokum/Halli gamli

[Jóhannes H. Laxdal, 25.3.2009 kl. 11:55]

 Sé ekkert þarna sem á virkilega eftir að hjálpa fólki til lengra tíma litið,  Allt aðgerðir sem fresta því óumflýjanlega og hjálpa fólki tímabundið.

Hvar er að afnám verðtryggingarinnar,  það myndi hjálpa fjölskyldum til lengdar.
Hvar er eitthvað í þessu sem mun koma til með að lækka höfuðstól lána? ..   Höfuðstóllinn af mjög mörgum íbúðalánum er kominn langt yfir verðmat íbúðarinnar.

[Gummi (IP-tala skráð) 25.3.2009 kl. 12:01]

Hvers vegna eru svona hugmyndir slegnar af borðum en það að ábyrgjast innistæður í bönkum upp á hunduð milljarða og dæla milljörðum inn í peningamarkaðssjóðina til minnka tap þeirra, það er gott og blessað.

Ísland er eins í dag og það hefur alltaf verið, það er alltaf hugsað um fjármagnseigendur en þessir aular sem keyptu sér hús og þurftu að taka lán fyrir því, þeir þurfa bara að bíta á jaxlinn og láta taka í í ósmurt ****gatið enn einusinni

[JB (IP-tala skráð) 25.3.2009 kl. 12:14]

Takk fyrir athugasemdina Hrannar sem felur í sér upplýsingar um aðgerðir ríkisstjórnarinnar. Maður fær tár í augun þegar nakinn sannleikurinn blasir við.

Liður 1.,2.,5.,10.,11. eru allt lenging í ólinni fyrir skuldara, með tilheyrandi AUKNUM heildarkostnaði fyrir þá. Það kostar meira að skulda lengur.
Liður 3. hærri barnabætur nýtast þeim sem hafa lægri tekjur en 330 þúsund á mann/mánuði. Gögn sýna að það var frekar tekjuhærra fólkið sem tók erlendu lánin og situr uppi með tvöfalda greiðslubyrði og nýtist því þessi hækkun ekki, sérstaklega þeir sem nú hafa tvöfaldað vinnuna sína til að ná endum saman, þeir munu lenda í ofurtekjuskattþrepinu (500þ.+)
Liður 4. OK - takk fyrir að leyfa okkur að nota hluta launa okkar sem við lögðum sjálf í sparnað.
liður 6. Hvað í "#$& er samningskrafa?
Liður 7. Hámark dráttarvaxta er ákv af Seðlabanka, og helst í hendur við alm vaxtastig, EKKI ákvörðun ríkisstjórnar. Bankar ákveða svo sjálfir m.t.t. sinna hagsmuna hve háa vexti þeir inniheimta (upp að ákveðna hámarkinu)
Liður 8.og 9. hvaða máli skiptir af hvaða tekjum maður borgar skuldirnar sínar, þeim sem koma í formi bóta frá ríkinu eða launa? Engin hjálp.
12. Hjálp í gjaldþroti?
13. Opnað á mismunandi túlkanir einstaka aðila sem koma að mati á greiðslugetu. Aðferð snigilsins við úrlausn bráðavanda. Við þurfum bráðamóttöku, ekki langlegudeild. Það eru þúsundir manna á barmi örvæntingar. Núna!
14. Takk fyrir að leyfa okkur að leigja húsin okkar, sem við misstum út af almennu efnahagsástandi.

Er furða þótt fólk tárist?  Hvað þarf að gerast svo ríkisstjórnin komi með raunverulegar lausnir til að hjálpa fólki? OK - kannski er ekki hægt að fella niður skuldir - en hvað er þá hægt að gera????