Alvarleg skilaboð felast í minni greiðsluvilja/ þetta er málið !!!!!!

Innlent | mbl | 18.8.2009 | 14:42
Lilja Mósesdóttir, formaður félags- og tryggingamálanefndar, segir að lánastofnanir hafi orðið varar við minnkandi greiðsluvilja hjá fólki sem geti staðið í skilum, en sjái fram á eignarýrnun á næstu árum. Hún segir þetta vera mjög alvarleg skilaboð til stjórnmálamanna

Hún segir að tryggja verði greiðsluvilja fólks með almennum aðgerðum, sem verði hluti af samfélagssáttmála um afskriftir skulda, eða eignatilfærslu.

Félags- og tryggingamálanefnd Alþingis kom saman til fundar í morgun til að ræða skuldavanda heimilanna. Lilja segir að fréttir séu að berast af því vanskil séu að aukast, þrátt fyrir þau greiðsluaðlögunarúrræði sem stjórnvöld hafi gripið til í haust og vor.

Hún segir jafnframt að fleiri sem hafi fengið frystingu á sínum lánum séu að átta sig á því að krónan muni sennilega ekkert styrkjast á næstunni.  Almenningur sé að kalla eftir varanlegum aðgerðum.

Félagslegur vandi ekki leystur á viðskiptalegum forsendum

Lilja bendir á að þau úrræði sem stjórnvöld hafi gripið til í vor og haust hafi gert ráð fyrir að efnahagsástandið myndi fljótlega rétta úr kútnum að hluta.

Bankarnir vinni nú að því að útbúa úrræði sem komi meira til móts við þarfir einstaklinga og heimila í dag. Lilja kveðst þó hafa áhyggjur af því að bankarnir reyni að leysa félagslegan vanda á viðskiptalegum forsendum, eða á grundvelli samkeppni, frekar á en á grundvelli samfélagssáttar um eignatilfærslu. 

Almenn aðgerð sem gagnist flestum 

„Það er kominn sá tímapunktur að við förum að ræða að hve miklu leyti á að grípa til almennra aðgerða eða afskrifa varanlega hluta af lánum einstaklinga og heimila,“ segir Lilja. Hún hafi ávallt haldið því fram að menn geti ekki beðið lengur en fram í haust til að taka ákvörðun um almenna aðgerð. Því þá verði neyðin orðin svo brýn. Ekki sé hægt að láta fólk halda áfram að sökkva í einhverju skuldafeni.

„Mér finnst mjög mikilvægt að nefndin ræði mjög almenna aðgerð, sem gagnast þá sem flestum skuldurum. Því það er alveg ljóst að það margborgar sig fyrir samfélagið að fá allavega einhvern hluta skuldanna til baka. Frekar heldur en að láta alla skuld vegna húsnæðislána einstaklinga falla á samfélagið í heild sinni,“ segir Lilja.

Á fundinum í morgun ræddu nefndarmenn við ýmsa gesti, m.a. Kristrúnu Heimisdóttur, sem fer fyrir nefnd félagsmálaráðherra, sem ætlað er að skoða úrræði sem eru þegar til staðar fyrir fólk í greiðsluerfiðleikum. Þá var rætt við fulltrúa viðskiptabankanna, Íbúðalánsjóðs, Hagsmunasamtaka heimilanna og forstöðumann Stofnunar um fjármálalæsi.///Þarna kemur þetta vel fram að svona gengur ekki lengur,það verður að gera eitthvað rótækt,og það fljótt,við erum að fljóta að feigðarósi,ef ekki fer allt á hausinn/Halli gamli

Alvarleg skilaboð felast í minni greiðsluvilja

Athugasemdir

[Guðmundur Ásgeirsson, 18.8.2009 kl. 15:38]

Þegar maður sér ekki fram á neinn ávinning af því að borga, til hvers ætti maður þá að gera það? Til að styrkja bankana eða hvað???!!!

[Sveinn Ríkarður Jóelsson, 18.8.2009 kl. 16:01]

Ég vill ekki vera gerður gjaldþrota nema að ég sé það í raun og veru. Þess vegna borga ég enn. Ég kæri mig heldur ekki um að lána banka laun mín ef ekki koma til raunverluegar aðgerðir, spurningin er bara hvar á þá að geima launin? Eru ekki allir sem taka við innlánum í sama útlánaleiknum/innheimtu leiknum?

Það eiga heldur ekki allir afgang af launum sínum til þess að senda svona skilaboð en einhverir þó. Það þarf ekki nema eina lánastofnum til þess að setja skriðuna af stað. Nú ef enginn tekur af skarið þá ætti almenningur að taka peninga sína út, ekki lána stofnunum sem ekki láta viðskiptavini sína njóta sömu afskrifta/afsláttar og þeir sjálfir.

[Landfari, 18.8.2009 kl. 16:14]

Er þetta ekki orðrétt eftirprentun af frétt morgunblaðsins?

Til hvers ertu að kópíera þetta?

[Haraldur Haraldsson, 18.8.2009 kl. 16:29]

Landafari láttu þetta ekki fara i taugar þinar,það er betra að skrifa fréttina beint,heldur en að gera koment og engin lesi um hvað málið sníðst ein og oft vill verða,ef þetta fer i taugar þinar lestu það bara ekki/Kveðja Halli gamli

[Landfari, 18.8.2009 kl. 20:56]

Þetta kemur bara svo kjánalega út þegar maður er búinn að lesa fréttina og ætlar svo að kíkja á hvað mönnum finnst þá poppar sama fréttin upp aftur.

Til að sjá hvað þér finnst les maður kommentið þitt og þá kemur í ljós að það er 95% endurritun af mbl.is og 5% frá þér.

Á sama tíma hefð maður getað lesið athugasemdir frá  kanski 10 öðrum sem maður verður að sleppa ef maður ætlar ekki að eyða öllum deginum í að lesa misgáfulegar atugasemdir.

Passa mig bara á þessu að sleppa þínum kommentum framvegis. 

[Haraldur Haraldsson, 18.8.2009 kl. 22:40]

Maður sér að þú ert tímabundin maður dagfari,mátt ekki sjálfur einu sinni ver að að blogga/það er bætur skaðinn þó svo þú lesir ekki bloggið mitt/Kveðja Halli gamli