Ráðstöfunartekjur minnka um 14,7% milli ára/meira hjá ödruðum og öryrkjum!!!

Innlent | mbl.is | 20.8.2009 | 12:49
Raunlækkun tekna er 14,9% á milli ára og ráðstöfunartekjur eru 14,7% lægri að raunvirði en fyrir ári síðan að teknu tilliti til 11,6% hækkunar vísitölu neysluverðs yfir tímabilið. Þetta kemur fram í vefriti fjármálaráðuneytisins en þar er fjallað um könnun á samanburði á upplýsingum um tæplega 190.000 einstaklinga sem höfðu einhverjar staðgreiðsluskyldar tekjur í maí 2008.
kemur fram að launasumma hópsins er 5% lægri nú en hún var fyrir ári meðan skattgreiðslur eru 5,6% lægri.

Veruleg skerðing hjá láglaunafólki

Tekjubreytingin kemur síður en svo jafnt við alla. Þeir sem höfðu tekjur undir 200 þúsund krónum í maí í fyrra eru nú að meðaltali með verulega minni tekjur en þá. Hér skiptir máli að margir í allra neðstu tekjubilunum hafa verið með tekjur af hlutastörfum sem þeir hafa ekki lengur, t.d. námsmenn, en einnig að hér eru væntanlega margir sem hafa orðið atvinnulausir og þiggja atvinnuleysisbætur eða dregið hefur úr vinnutíma hjá.

Þeir sem voru með tekjur á bilinu 200-250 þúsund krónur á mánuði eru eini hópurinn sem hefur enn sömu tekjur og í fyrra. Fyrir þá sem voru með tekjur yfir 250 þúsund krónum á mánuði í fyrra hafa tekjur lækkað og eftir því meira sem tekjurnar voru hærri þá.

500 voru með yfir 2 milljónir á mánuði

Þeir 4.500 sem voru með tekjur yfir 1 milljón á mánuði í fyrra (og sem búið er að skila staðgreiðslu fyrir nú og hafa einhverjar tekjur) eru nú með 25% minni tekjur en þeir voru með í fyrra. Þeir 500 sem voru með tekjur yfir 2 milljónir í fyrra eru nú með helming þeirrar upphæðar að meðaltali.

Ef horft er á ráðstöfunartekjur í stað tekna kemur í ljós að þær hafa ekki breyst að krónutölu milli ára fyrir hópinn sem er með frá 200 þúsund króna mánaðartekjur upp í 450 þúsund króna tekjur. Það stafar af mikilli hækkun persónuafsláttar milli ára sem vó upp hækkað skatthlutfall. Þar fyrir ofan hafa ráðstöfunartekjur lækkað meira en tekjurnar sjálfar, að því er segir í vefriti fjármálaráðuneytisins.//Þetta er mjög svo alvarlegt mál,sérstaklega fyrir laglaunafólk aldraða og öryrkja,þær tekjur eru til skammar og hafa alltaf verið,og svo eru raðstöfunartekjur þeirra meira skertar en almennt/þetta er stór hneisa og vinstri stjórninn ver þetta/Halli gamli

Ráðstöfunartekjur minnka um 14,7% milli ára