Hagar í gjörgæslu Kaupþings/Þarna fara menn fram úr sér/að mínu mati !!!!!

Hagar í gjörgæslu Kaupþings
Viðskipti | Morgunblaðið | 22.8.2009 | 5:30
Þriggja manna teymi sérfræðinga frá Nýja Kaupþingi starfar nú inni í Högum með það fyrir augum að vernda hagsmuni bankans og leggja mat á verðmæti eigna félagsins, samkvæmt áreiðanlegum heimildum Morgunblaðsins. Bankanum er þetta heimilt því hann er með veð í 95,7% hl

Um er að ræða sérfræðinga bankans á sviði útlána og fyrirtækjaráðgjafar. Þau félög sem mynda rekstur Haga eru m.a. Bónus, Hagkaup, 10-11, Útilíf og tískuverslanir eins og Zara, Debenhams, Topshop, Coast, Oasis o.fl.

 

Bónus og Hagkaup að veði

Hagar var móðurfélag innlendrar starfsemi Baugs en félagið var skilið frá rekstri Baugs í júlí á síðasta ári þegar eignarhaldsfélagið 1998 ehf., sem er dótturfélag Gaums og í eigu Jóns Ásgeirs Jóhannessonar og fjölskyldu, keypti 95,7% í Högum af Baugi. Kaupin voru fjármögnuð með 30 milljarða króna láni frá Kaupþingi gegn veði í öllum eignarhlut félagsins í Högum. Þetta lán er með einum gjalddaga á árinu 2010. Ef 1998 ehf. getur ekki greitt lánið getur Nýja Kaupþing gengið að veðinu og tekið yfir þau fyrirtæki sem áður mynduðu innlenda starfsemi Baugs. Bankinn er sem stendur að meta til hvaða aðgerða eigi að grípa ef 1998 ehf. getur ekki staðið í skilum, samkvæmt heimildum Morgunblaðsins.

 

Finnur Árnason, forstjóri Haga, kannast ekki við þetta. Hann segir að ástæða þess að sérfræðingar Kaupþings séu að fara yfir bókhaldið sé vegna svokallaðs virðisrýrnunarprófs.

„Undanfarin ár hefur Capacent séð um þetta en að þessu sinni er það fyrirtækjaráðgjöf Kaupþings. Þetta er gert að beiðni endurskoðenda okkar, KPMG. Við leituðum tilboða og tilboð fyrirtækjaráðgjafar Kaupþings reyndist hagstæðast,“ segir Finnur.

 

Vill gefa lántakanda svigrúm

Samkvæmt heimildum Morgunblaðsins hefur Nýja Kaupþing ekki gengið að Högum og tekið félagið yfir þar sem bankinn vilji gefa 1998 ehf. svigrúm til að mæta gjalddögum lána.

 

Raunverulegt verðmæti Haga þurfi jafnframt að liggja fyrir áður, en það kann að vera mun hærra en lánið frá bankanum. Einnig þurfi að tímasetja slíka aðgerð vel.ut í Högum///Þetta væri mjög svo harklegt að láta þessar verslanir sem eru ein mestu kjarabót allra tíma fara með i kröfuna,það er vitað að hart er lagt að dómstólum að far þessa leið og það er stétt mann sem það vill,en fólkið vill það ekki,það verður bylting ef þetta verður gert,engin bíður betri samkeppni og ef af yrði er þetta i lykikinku við hafskipsmálið fræga,sem ekki átti að fara i þrot/Halli gamli

Hagar í gjörgæslu Kaupþings

Athugasemdir

[Anna Einarsdóttir, 22.8.2009 kl. 11:02]

"Fólkið vill það ekki" segir þú.

Mér finnst þú ekki geta talað fyrir fólkið í landinu.... a.m.k. er ég þér ekki sammála.  Mér finnst að þeir aðilar sem hafa rúið þjóðina öllu aljþjóðlegu trausti, auk þess sem þeir eru að setja þjóðina á hausinn fjárhagslega...... þeir eiga ekki að hafa leyfi til að reka fyrirtæki á Íslandi.

Kannski verður Bónus dýrasta sjoppa landsins þegar upp er staðið, ef lánin falla á almenning.

Það þarf að horfa á hið stóra samhengi hlutanna.

[Guðmundur Pétursson, 22.8.2009 kl. 12:30]

Hin íslenska leið við rekstur fyrirtækja er að hafa sem minnst eigið fé, helst ekki neitt nema kannski með óefnislegum eignum og bóhalfsfiffi.  Skuldsetja síðan allt draslið í botn með aðstoð einfaldra bankamanna sem ekki eru starfi sínu vaxnir.  Blóðmjólka síðan fyrirtækið í eigin þágu vitandi það að þegar það fer í þrot, þá lendir það á einhverjum öðrum að borga brúsann.

Ef vanhæfu og einföldu bankamennirnir eru ekki nógu viljugir til þess að lána ótakmarkað, þá getur verið sniðugt að tryggja sér völd í bönkum til þess að liðka um fyrir lánveitingum.

Þetta gerðu Jón Ásgeir, Hannes Smárason, Bakkabræður, Pálmi í Fons, Björgólfsfeðgar o.fl. með góðum árangri.  

[Haraldur Haraldsson, 22.8.2009 kl. 12:57]

Eg stend við hvert orð sem maður segir um Bónus og Jóhannes,!!!Maður er ekki að verja útrásina og þá vitleisu,hjá syninum!!!/alls ekki/Halli gamli

[Haraldur Haraldsson, 22.8.2009 kl. 13:03]

Af  hverju  haldið þið að Bónus hafi verið vinsælasta fyritækið í mörg ár/er það ekki fólkið i landinu/sama verð um allt land/Halli gamli

[Valgarð Ingibergsson (IP-tala skráð) 22.8.2009 kl. 13:43]

Kæri Halli

Þú virðist ekki skilja þetta og vil ég því benda þér á eftirfarandi atriði :   Raunverulegt verðmæti Haga þurfi jafnframt að liggja fyrir áður, en það kann að vera mun hærra en lánið frá bankanum .

Ég held að þetta segi sig sjálft , Það virðist sem Jón hafi keypt þessar eignir á 30 miljarða en eignirnar virðast vera meira virði sem að hlýtur að vera slæmt fyrir seljandann sem var Baugur sem vill til að er gjaldþrota . Síðan er auðvitað spurning hvort hann er borgunarmaður fyrir þessu !

Annars nenni ég ekki að skýra það út fyrir þér hvernig i raun og veru þessir aðilar hafa haldið uppi vöruverði , mér hefur sýnist að sumir trúi öllu sem hafi komið frá feðgunum  og það virðist vera að ef það er logið að fólki sömu lyginni nægilega oft þá fara sumir að trúa henni .

 kv

[Haraldur Haraldsson, 22.8.2009 kl. 16:31]

Kæri Valgarð,Eg hefi nu lifað tímana tvenna og fylgst með vöruverði mjög vel fra´því að maður stofnaði heimili 1954,tætla ekki að tala um samkeppni fyrstu árin þá réðu heildsalar öllu og voru ríkustu menn þjóðar vorar/en svo kom Pálmi i Hagkaup og varð frumkvöðull lágs vöruverðs á Íslandi og var lengi,en um 1989 var Bónus stofnaður Af Jóhannesi og Jóni Ásgeir syni hans,þetta varð ein mesta kjarabót sem við höfum  fengið ,Eg hefi fylgst með vöruverði öll þessi ár og flestir og  mynni fjölskyldu og fólkið sjálft er besta viðmiðið/ sama er mér þó þú getir ekki ,útskírt og viljir ekki þina sin á þetta/En Kveðja Halli gamli