„Ég var svartur fyrir kosningarnar"/Barack Obama svara fyrir sig!!!!!!

Ég var svartur fyrir kosningarnar"
Erlent | AFP | 21.9.2009 | 22:34
Barack Obama, Bandaríkjaforseti, hélt í dag áfram að reyna að slá á þá umræðu sem nú er hávær í Bandaríkjunum, að hörð andstaða hægri manna við stefnumál hans stafi af kynþáttahatri. „Ég var líka svartur fyrir kosningarnar," sagði Obama í skemmtiþætti Davids Lettermans á CBS sjónvarpsstöðinni

Jimmy Carter, fyrrverandi Bandaríkjaforseti, sagði í síðustu viku að tillögur Obama um umbætur á heilbrigðiskerfinu hefðu fengið öðruvísi móttökur ef um væri að ræða hvítan forseta.

Obama sagði hins vegar í kvöld í  The Late Show, að ekki mætti gleyma þeirri staðreynd að hann hefði verið kjörinn forseti, fyrstur Bandaríkjamanna af afrískum uppruna. Það væri besti mælikvarðinn á afstöðu þjóðarinnar til kynþátta.

„Það er mikilvægt að gera sér grein fyrir því, að ég var í raun líka svartur fyrir kosningarnar. Þegar maður tekur þátt í stjórnmálum þarf maður að sætta sig við að fólk æpi á mann," sagði Obama. „Þegar forseti reynir að gera umfangsmiklar breytingar, einkum á tímum óvissu í efnahagsmálum, ergir það ákveðinn hluta þjóðarinnar."

Þátturinn var tekinn upp fyrr í dag en verður sýndur síðar í kvöld.  Obama sagði við Letterman að Bandaríkjamenn væru orðnir afar þreyttir á stríðinu í Afganistan en hann sagðist vera að reyna að framfylgja stefnu, sem bæri árangur////Þetta er Það sem þarf að fylgja þessu eftir,þetta frumvarp um heilbrigðismál er mjög svo þarft,það mætir harðri móspyrnu/en vonandi tekst honum að koma þvi i gegn/Halli gamli

„Ég var svartur fyrir kosningarnar"

Athugasemdir

[Landið (IP-tala skráð) 22.9.2009 kl. 02:59]

Vonum okkar vegna að honum mistakist að taka upp þessa hörmungar sósíalstefnu í heilbrigðismálum. Vissulega þarf að laga tryggingakerfið í USA en sósíalismi er ekki málið. Mestu framfarir og þróun í læknavísindum á sér stað í USA vegna þess að þar eru peningar í kerfinu og einkaaðilar eiga auðveldara með að fóta sig. Okkar vegna vona ég að honum mistakist.