Vestia eignast Húsasmiðjuna /mikið er gert fyrir fyrirtækin,???eða hitt þá heldur!!!!

Vestia eignast Húsasmiðjuna
Innlent | mbl.is | 6.10.2009 | 19:12
Eignarhaldsfélagið Vestia ehf., sem er dótturfélag Landsbankans, hefur tekið yfir Húsasmiðjuna ehf. sem rekur samnefndar verslanir. Á aðalfundi Húsasmiðjunnar í dag var allt hlutafé fyrrverandi eigenda afskrifað og nýtt hlutafé gefið út, sem Vestia skráði sig fyrir

Jafnframt samþykktu hluthafar að afsala sér forkaupsrétti á nýjum hlutum og í kjölfarið skráði Eignarhaldsfélagið Vestia ehf., dótturfélag Landsbankans, sig fyrir nýju lögboðnu lágmarkshlutafé í félaginu. Húsasmiðjan er því nú að fullu í eigu Eignarhaldsfélagsins Vestia. Steinn Logi Björnsson er áfram forstjóri Húsasmiðjunnar.

„Rekstur Húsasmiðjunnar hefur að undanförnu ekki farið varhluta af samdrætti í íslensku efnahagslífi, gengisfalli íslensku krónunnar og hruni á byggingamarkaði. Stjórn og stjórnendur félagsins hafa brugðist við þessum erfiðu aðstæðum með afgerandi rekstraraðgerðum. Hagrætt hefur verið á mörgum sviðum, starfsfólki fækkað, verslanir sameinaðar eða þeim lokað og mikið átak gert í birgðamálum.

Þessar aðgerðir hafa þegar skilað árangri og gera áætlanir stjórnenda ráð fyrir að rekstur félagsins skili jákvæðu sjóðsstreymi á árinu þrátt fyrir minnkandi sölu á byggingavörumarkaði. Rekstur félagsins er því í viðunandi horfi, lausafjárstaða er góð og félagið í skilum við birgja og lánardrottna. Hins vegar hefur óhagstæð þróun á gengi íslensku krónunar haft neikvæð áhrif á skuldsetningu Húsasmiðjunnar. Af því leiðir að nauðsynlegt er að koma á nýrri fjárhagslegri skipan hjá félaginu,“ segir í tilkynningu frá Húsasmiðjunni

Húsasmiðjan rekur 16 verslanir undir nafni Húsasmiðjunnar og sjö verslanir eða verslunardeildir undir nafni Blómavals. Þá rekur félagið Ískraft sem er heildsala á rafmagns- og raflagnamarkaði með fimm verslanir. Loks rekur Húsasmiðjan heildverslunina HG Guðjónsson sem sérhæfir sig í þjónustu við trésmíðaverkstæði og innlenda framleiðendur innréttinga. Húsasmiðjan rekur einnig tvö miðlæg vöruhús og dreifingarmiðstöð,  trésmiðju og rafmagnsverkstæði. Í september störfuðu 626 manns hjá hjá Húsasmiðjunni í 549 stöðugildum.

Vestia er eignarhaldsfélag, sem Landsbankinn stofnaði til að bera ábyrgð á umsýslu og ráðstöfun eignarhalds í atvinnufyrirtækjum sem bankinn fær í hendur í kjölfar fjárhagslegrar endurskipulagningar sem felur það í sér að kröfum bankans er breytt í hlutafé.///þetta eigum við eftir að sjá mikið af á næstunni þessi fyrirtæki eiga ekkert í stöðunni annað en að gefa sig upp á bátinn/bankarnir muni eignast þau öll,þessir okurvextir eru að drepa allan rekstur og svo er talað um að skattleggja þetta meira/það er ekki hægt að reka fyrirtæki hér með þessum vöxtum og verðtryggingu,svo er sagt bara illa rekið!!! það getur verið að eittver séu það en akki öll ,alls ekki/Halli gamli

Vestia eignast Húsasmiðjuna