Norsk ofurlaun hjá íslensku bönkunum/víða komið við!!!!!!

Norsk ofurlaun hjá íslensku bönkunum
Viðskipti | mbl.is | 22.10.2009 | 12:15
Íslensku bankarnir eyddu fúlgum fjár í að fá þekktustu og færustu bankamenn Noregs til liðs við sig í útibúum sínum þar í landi. Þetta kemur fram í umfjöllun norska viðskiptablaðsins Finansavisen í dag en álagning norska skattsins vegna launa síðasta árs var birt opinberlega í gær.
Í umfjöllun norska viðskiptaritsins Finansavisen í dag er greint frá því að heildarkostnaður íslensku bankanna við að taka yfir norsk fjármálafyrirtæki hafi numið 13 milljörðum norskra króna, eða sem nemur tæplega 285 milljörðum króna á gengi dagsins í dag.

Íslensku bankarnir létu ekki þar staðar numið, heldur lögðu kapp á að fá bestu bankamenn Noregs til liðs við sig, að því er kemur fram í umfjöllun Finansavisen. Frétt blaðsins er skrifuð undir fyrirsögninni „Norðmenn rændu Íslendinga", en þar er vísað til þeirra himinháu launa sem norskir bankasérfræðingar þáðu meðan þeir voru á mála hjá íslenskum bönkum. Álagning norska skattsins vegna launa síðasta árs var birt opinberlega í gær.

Glitnir og Kaupþing greiddu hærri laun í Noregi en Landsbanki, enda starfssemi þeirra umfangsmeiri í Noregi en Landsbanka. Sem dæmi má nefna að Morten Bjørnsen, framkvæmdastjóri hjá Glitni var með 8,6 milljónir norskra króna í laun á árinu 2008, sama ár og íslenska bankakerfið hrundi. Á gengi dagsins í dag nemur það um 188 milljónum króna.

Yfirmaður markaðsviðskipta hjá Kaupþingi í Noregi, Didrik Kjelddahl, þénaði sem nam 9,6 milljónum norskra króna á síðasta ári. Sá allra launahæsti var þó forstjóri Glitnis í Noregi, Sveinung Hartvedt. Á árinu 2008 þénaði hann 31,2 milljónir norska króna fyrir sín störf, eða rúmlega 683 milljónir króna á gengi dagsins í dag.///þetta er og verður endalaust meira og meira sem upp kemur um þessa Íslensku banka og eigendur og stjórnendur þeirra,þetta ættum við að læra af en virðist ekki ganga sem skyldi ,þessu ofurlaun eru ennþá viða þarna,þá okkur sé annað sagt,samdráttur er ekki mikill þarna i þeim málum ´þó eittvað sé er það ekki nærri nóg,vonandi að þetta komi samt og menn átti sig að þessu ,og verði að breyta !!!!!/Halli gamli  

Norsk ofurlaun hjá íslensku bönkunum