„Neytendur okkar yfirmenn“/við fögnum allri samkeppni!!!!!!

Neytendur okkar yfirmenn“
Innlent | Morgunblaðið | 12.11.2009 | 8:40
„Við náum ekki að vera ódýrastir í öllum vöruflokkum, þar sem við erum bara með eina búð, en við gerum út á að vera með góða vöru á góðu verði," segir Jón Gerald Sullenberger, framkvæmdastjóri Kosts, í upphafi samtals á miðju verslunargólfinu í vikunni, þegar unnið var hörðum höndum við uppsetningu á innréttingum og byrjað að raða upp vörum.
Við náum ekki að vera ódýrastir í öllum vöruflokkum, þar sem við erum bara með eina búð, en við gerum út á að vera með góða vöru á góðu verði. Að sjálfsögðu stefnum við að því að vera samkeppnishæfir gagnvart hinum stóru á mörkuðum. Það er sérstaklega erfitt með innlenda framleiðslu en við munum reyna okkar besta. Ég á ekki von á öðru en okkur takist á endanum að vera ódýrastir, sérstaklega í þurrvörunni,“ segir Jón Gerald Sullenberger, framkvæmdastjóri Kosts, í  samtali við Morgunblaðið í dag.

Kostur, ný lágverðsverslun eða brettabúð í eigu Jóns Geralds Sullenberger og fimm annarra einstaklinga, verður opnuð í Kópavogi á laugardag, nánar tiltekið við Dalveg 10-14, þar sem InnX innréttingar voru áður til húsa.

Jón Gerald vill helst nota orðið brettabúð þar sem nær allar vörur eru keyrðar inn í hillurekka verslunarinnar á brettum. Boðið verður upp á alla hefðbundna matvöru, auk sérvöru af ýmsu tagi, og verslunin verður opin alla daga vikunnar frá kl. (11) til 18.30.

Fastráðnir starfsmenn Kosts eru 18 en lausráðnir verða um tíu talsins. Jón Gerald segist leggja áherslu á að ráða eldra fólk til starfa, fólk sem er vel að sér um innkaup til heimilisins og þarfir neytenda. Fólk á eftirlaunum verður ráðið í aðstoð við kassa og til að bjóða viðskiptavini velkomna við innganginn, að bandarískri fyrirmynd. Jón Gerald biður um þolinmæði neytenda í garð Kosts fyrstu mánuðina á meðan verið að byggja upp vöruúrvalið og ná réttu vöruflæði.

„Ef fólk finnur ekki ákveðnar vörur, sem það er vant að kaupa annars staðar, þá er það aðallega vegna þess að birgjar hafa ekki viljað gefa okkur sanngjarnt verð. Við verðum því að leita annað, og í sumum tilvikum út fyrir landsteinana, og þess vegna verður þjóðin að standa með okkur í þessu. Þetta mun taka smá tíma en okkur mun takast þetta,“ segir Jón Gerald. Langtímamarkmið Kosts er að opna þrjár verslanir á höfuðborgarsvæðinu á næstu 18-36 mánuðum. „Við byrjum á einni búð. Ef neytendur taka vel á móti okkur þá höldum við áfram.“

Kostur hefur notast sem mest við notaða innanstokksmuni. Það eina sem keypt var nýtt er kassakerfið frá Nýherja, ásamt tengdum hugbúnaði.  Sem dæmi þá koma hillurekkarnir úr þrotabúi Mest. Efnið í frystinn er frá Suðureyri með aðstoð fyrirtækisins Kælivers. Afgreiðsluborðin, 15 ára gömul, komu flest frá Gagnavörslunni á Keflavíkurflugvelli, gefins, og þrjú komu notuð frá Húsasmiðjunni. 

Innkaupakerrurnar voru keyptar notaðar frá Þýskalandi en sprautaðar og lagfærðar hér á landi, líta út eins og nýjar. Kostnaður við kerrurnar hefði verið fjórum milljónum krónum hærri ef nýjar hefðu verið keyptar.///auðvitað fögnum við neitendur allri samkeppni,hún er ef hinu góða,og verslum þarna ef betra verð verður/það er svo skítið að halda að fólkið vilji ekki lægsta vöruverðið/hvenær ef ekki nú/Halli gamli

„Neytendur okkar yfirmenn“