Munu ekki una skattahækkunum sem lengja kreppuna/um þetta geta launþegar einnig verið sammála!!!

Munu ekki una skattahækkunum sem lengja kreppuna
Innlent | mbl.is | 12.11.2009 | 17:51
Samtök atvinnulífsins segjast aldrei munu aldrei una skattahækkunum, sem séu til þess fallnar að dýpka og lengja kreppuna. Þá geti samtökin heldur ekki unað því að gengið sé þvert á það sem búið er að semja um. Verði það niðurstaða ríkisstjórnarinnar skilji leiðir.

Þetta kemur fram í leiðara Vilhjálms Egilssonar, framkvæmdastjóra SA í nýju fréttabréfi samtakanna. Segir Vilhjálmur, að þegar stjórn SA ákvað framlengja kjarasamninga við Alþýðusambandið til nóvemberloka 2010 hafi staðið út af eitt mikilvægt atriði í viðræðum við ríkisstjórnina um framkvæmd stöðugleikasáttmálans. Þetta voru skattamálin, fyrst og fremst skattamál atvinnulífsins. 

„Í fjárlagafrumvarpi ríkisstjórnarinnar er miðað við hátt í 90 milljarða króna skattahækkanir á þessu ári og því næsta miðað við fyrri hluta þessa árs. Við gerð stöðugleikasáttmálans var gert ráð fyrir 54 milljarða skattahækkunum á þremur árum, þ.e.a.s. 2009 - 2011. Samtök atvinnulífsins og Alþýðusambandið telja ekki vera forsendur fyrir þessum 90 milljarða skattahækkunum og gerðu athugasemdir við svokallaða aðlögunarþörf í ríkisfjármálum eins og hún birtist í fjárlagafrumvarpinu þótt aðstæður geti hugsanlega að einhverju leyti hafa breyst. Jafnframt var lögð áhersla á að minni skattahækkanir ættu fyrst og fremst að koma fram í minni hækkun tekjuskatts einstaklinga," segir Vilhjálmur.

Hann bætir við að SA hafi einnig mótmælt harðlega áformum um nýja orku-, kolefnis- og umhverfisskatta. Hins vegar hafi samtökin verið til viðræðu um skattahækkanir á atvinnulífið og ekki í sjálfu sér gert athugasemdir við það meginmarkmið að ná inn 16 milljörðum meira í ríkissjóð eins og fjárlagafrumvarpið gerir ráð fyrir að hin nýju orku-, kolefnis- og umhverfisgjöld skili. Ekki hefur heldur verið gerð athugasemd við hækkun virðisaukaskatts um 8 milljarða króna.

„Nú er boltinn hjá ríkisstjórninni og vonandi næst niðurstaða sem atvinnulífið getur unað við. Meginmarkmið Samtaka atvinnulífsins er að binda enda á kreppuna og koma fjárfestingum og uppbyggingu nýrra starfa af stað. Um þetta hefur ríkisstjórnin sagst vera sammála SA og um þetta var samstaða í stöðugleikasáttmálanum," segir Vilhjálmur.///um þetta getum við verið sammála launþegar og atvinnirekendur, að þetta er lenging á kreppunni um sennilega mörg ár,ef ríkisstjórinin setur á þessa skatta svona mikkla eru allir samningar brostnir!!!/Halli gamli

Munu ekki una skattahækkunum sem lengja kreppuna