Staðfestir kyrrsetningu/engin sekur fyrr en sekt er sönnuð!!!!!

Staðfestir kyrrsetningu
Innlent | mbl.is | 17.11.2009 | 19:55
Ólafur Þór Hauksson, sérstakur saksóknari, staðfestir að embættið hafi krafist kyrrsetningar á eignum í fyrsta sinn í tengslum við rannsókn á bankahruninu.Hann segir rannsóknina miða ágætlega áfram en fjórir nýir starfsmenn bættust í hóp embættisins um síðustu mánaðamót.

Ólafur segir að umrædd kyrrsetning sé nýlega komin til framkvæmda. Slíkum aðfarargerðum sé ætlað að tryggja að eignir séu til staðar komi til eignaupptöku. „Þetta er til þess að hefta ráðstöfun á eign sem er í hendi þess sem kyrrsetningin beinist að,“ segir Ólafur í samtali við mbl.is.

Fram kom í kvöldfréttum Stöðvar 2 að embættið hafi krafist kyrrsetningar á eignum Baldurs Guðlaugssonar, fyrrverandi ráðuneytisstjóra í fjármálaráðuneytinu, í tengslum við rannsókn á meintum innherjaviðskiptum Baldurs þegar hann seldi hlutabréf sín í Landsbankanum rétt fyrir hrun.

Ólafur segist ekki geta tjáð sig um einstök mál, sem séu á rannsóknarstigi.

Aðspurður segir Ólafur að rannsókninni miði ágætlega áfram. Mörg mál séu hins vegar þung og seinunnin. „Við erum hægt og rólega að ná upp meiri styrk. Við bættum við fjórum nýjum rannsökurum um síðustu mánaðamót,“ segir Ólafur. Alls starfa 23 starfsmenn hjá embætti sérstaks saksóknara.///engin er sekur fyrr en sekt er sönnuð!!! en maður hefði nú haldið að aðrir yrðu þarna á undan,en ef þetta er rétta er maður ekki að bera blak af honum ,það eru svo margir undir grun um að, ekki hafi allt verið með feldu í þessari útrás og spilavíti sem maður bókstaflega kallar,en að frysta eigur manna sem eru grunaðir svona er bara rétt og ber að gera við fleiri sem hljóta að vera grunaðir mjög !!!!/Halli gamli

 

Staðfestir kyrrsetningu

Athugasemdir

[Auðun Gíslason, 17.11.2009 kl. 21:53]

Byrjað á þeim sem næstir stóðu valdinu?