Verðbólgan langmest á Íslandi/er þetta það eina sem við getum státað okkur af????

Verðbólgan langmest á Íslandi
Viðskipti | mbl.is | 17.11.2009 | 13:39
Verðbólgan á Íslandi lækkaði úr 15,3% í 13,8% á milli september og október síðastliðinn samkvæmt samræmdri vísitölu neysluverðs. Af ríkjum evrópska efnahagssvæðisins er verðbólgan, sem fyrr, langmest hér á landi. Að meðaltali er verðbólgan nú um 0,5% meðal ríkja EES.

Verðbólgan mælist næst mest í Rúmeníu (4,3%), svo í Ungverjalandi (4,2%) og þar á eftir Póllandi (3,8%). Að meðaltali er verðbólgan nú um 0,5% meðal ríkja EES en innan evrusvæðisins, þar sem flest ríki eru nú að upplifa verðhjöðnun, hefur samræmd vísitala lækkað að meðaltali um 0,1% á síðustu tólf mánuðum, að því er segir í Morgunkorni Íslandsbanka.

„Verðhjöðnun fer gjarnan saman við samdrátt og vaxandi atvinnuleysi líkt og verið hefur víða í Evrópu undanfarið. Mest er verðhjöðnunin á Írlandi, eða um 2,8%, en þar í landi hefur verið mikill samdráttur í landsframleiðslu, auk þess sem atvinnuleysi hefur farið hratt vaxandi. Það var Hagstofa Evrópusambandsins sem birti tölur um þetta í gær."

Stærsti munur samræmdrar vísitölu neysluverðs og þeirrar vísitölu sem hér á landi er almennt notuð sem mælikvarði á verðbólgu, myndar viðmið verðbólgumarkmiðs Seðlabankans og Hagstofan reiknar er að íbúðaverð er ekki tekið beint inn í samræmdu vísitöluna, að því er segir í Morgunkorni.

Íbúðaverð hefur lækkað nokkuð undanfarið og mælist verðbólgan því töluvert hærri samkvæmt samræmdri vísitölu neysluverðs en hinni hefðbundnu. Samkvæmt þeirri síðarnefndu mældist verðbólgan í október 9,7% sem er um 4,1 prósentustigum lægri en samkvæmt samræmdri vísitölu neysluverðs///er þetta það eins sem við getum státað okkur af,og er neikvætt,af hverju er þetta svona það er af vittleisum efahagsmálum og vöxtum,eina sem gæti reddað okkur nú er að taka verðtrygginguna af þá mundi verða gert eitthvað, það er maður viss um og það endar bar svoleiðis/Halli gamli

Verðbólgan langmest á Íslandi