Óvissa um samkomulagið/setið á svikráðum ??????

Óvissa um samkomulagið
Innlent | mbl.is | 7.12.2009 | 11:57
Þingmennirnir Höskuldur Þórhallsson og Birgitta Jónsdóttir gengu í morgun út af fundi fjárlaganefndar, en þar var frumvarp um ríkisábyrgð vegna Icesave til umræðu. Höskuldur segir ágreining hafa verið um túlkun á samkomulagi stjórnar og stjórnarandstöðu og málið sé því í mikilli óvissu.

Icesave-frumvarpið er á dagskrá Alþingis í dag og segir Höskuldur ljóst að atburðir morgunsins muni hafa áhrif á umræðuna. Hann bendir á að meirihluti fjárlaganefndar hafi ekki viljað ræða fyrirkomulag samkomulagsins fyrr en á milli 2. og 3. umræðu, en við það hafi minnihlutinn verið ósáttur. Meðal þess sem ekki komst til umræðu á fundi nefndarinnar í morgun var hvernig fara ætti með þau fjórtán atriði sem stjórnarandstaðan telur standa út af borðinu vegna Icesave-málsins. Einnig var ágreiningur um hvaða sérfræðinga skuli leitað til.

„Við vildum fá skýra útlistun á því hvernig ætti að leysa þau fjórtán atriði sem standa út af borðinu og við bentum á. Meirihluti fjárlaganefndar vildi ekki ræða fyrirkomulag samkomulagsins fyrr en á milli 2. og 3. umræðu og það var strax ágreiningur um það hvernig ætti að standa að málinu. Til hvaða sérfræðinga ætti að leita. Ég skildi það þannig að þegar væri búið að gera út um nokkur atriði, þannig að ég tel samkomulagið komið í mikið uppnám,“ segir Höskuldur.

Þingfundur hefst í hádeginu í dag.////"mey skal að morgni lofa" segir máltækið,þetta mál málanna þó reynt sé að gera litið úr því er  kannski komið uppnám aftur ef um svik er að ræða sem menn hafa grun um er þetta ekki nýtt ,hjá Jóhönnu og Steingrími og c/o,en skoðum málin, alþingi er að byrja og þá´sjáum við emdirnar vonandi/Halli gamli

Óvissa um samkomulagið