Jólaverslun fer rólega af stað///og mun gera það áfram !!!!!!

Jólaverslun fer rólega af stað
Innlent | mbl.is | 9.12.2009 | 11:41
Jólaverslunin virðist fara rólega af stað, samkvæmt upplýsingum frá Rannsóknarsetri verslunarinnar. Sala á fötum og skóm jókst í nóvember frá mánuðinum á undan en samdráttur varð í öðrum vöruflokkum á föstu verðlagi. Þó ber að hafa í huga að í október voru fimm helgar en í nóvember voru þær fjórar.

Spá Rannsóknaseturs verslunarinnar um jólaverslunina er að velta í smásöluverslun í nóvember og desember verði óbreytt frá því í fyrra á föstu verðlagi en þá er miðað við þá krónutölu sem er í gangi hvert sinn sem mælt er óháð öllum öðrum áhrifum, og aukist um 8% á breytilegu verðlagi, en þá á sér stað leiðrétting á verðlaginu með því að taka tillit til verðbreytinga sem hafa orðið á tímabilinu.

Í fyrra nam samdráttur í jólaverslun 18,3% frá árinu á undan. Þetta var mikil breyting frá árunum þar á undan því árlegur vöxtur jólaverslunar nam 7,3% að meðaltali á tímabilinu 2004 – 2007.
 
Mun minna keypt í nóvember í ár heldur en í fyrra

Velta í dagvöruverslun dróst saman um 3,6% á föstu verðlagi í nóvember miðað við sama mánuð í fyrra og jókst um 6,6% á breytilegu verðlagi. Leiðrétt fyrir árstíðabundnum þáttum nam samdráttur í veltu dagvöruverslana í nóvember 3,5% frá sama mánuði í fyrra. Verð á dagvöru hækkaði um 10,5% á síðastliðnum 12 mánuðum.Sala áfengis minnkaði um 9,3% í nóvember miðað við sama mánuð árið áður á föstu verðlagi og jókst um 15,3% á breytilegu verðlagi. Leiðrétt fyrir árstíðabundnum þáttum nam samdráttur í veltu áfengis í nóvember 6,7% frá sama mánuði í fyrra. Verð á áfengi var 27,2% hærra í nóvember síðastliðnum en í sama mánuð í fyrra.
 
Fataverslun var 9,6% minni í nóvember miðað við sama mánuð í fyrra á föstu verðlagi en jókst um 8,9% á breytilegu verðlagi á sama tímabili. Verð á fötum var 20,5% hærra í nóvember síðastliðnum en í sama mánuði í fyrra. 
 
Velta skóverslunar jókst um 6% í nóvember á föstu verðlagi og um 26,9% á breytilegu verðlagi miðað við sama mánuð í fyrra. Verð á skóm hækkaði í nóvember um 19,7% frá nóvember í fyrra.
 
Velta húsgagnaverslana var 33,5% minni í nóvember en í sama mánuði í fyrra á föstu verðlagi og 23,5% minni á breytilegu verðlagi. Verð á húsgögnum var 15,2% hærra í nóvember síðastliðnum miðaða við sama mánuð í fyrra.
 
Mikill samdráttur í sölu á raftækjum milli ára

 

Sala á raftækjum í nóvember dróst saman um 21,6% á föstu verðlagi frá sama mánuði í fyrra og um 2,6% á breytilegu verðlagi á sama tímabili. Á milli mánaðanna október og nóvember minnkaði raftækjasala  um 3,6% á föstu verðlagi. Verð á raftækjum hækkaði um 24,3% frá nóvember í fyrra.

Töluverður samdráttur er enn í raunveltu smásöluverslunar á milli ára sem kemur sérstaklega fram í minni kaupum á dýrum og varanlegum vörutegundum. Þannig keyptu landsmenn minna í nóvember síðastliðnum en í nóvember í fyrra þó veltan hafi aukist í krónum talið. ////við hverju var búist ,þetta gefur augaleið,það er að okkur vegið á alla vegu,og það skilar sér svo sem mynni gjafir og kaup fyrir jólin,skyldi ekki fleiri verð að spara en Ríkisstjórinn og apparöt hennar,en þar er ekki því miður sparað nóg heldur hent Krónum og aurinn sparaður,því miður er þetta svo ,ef þeir skæru niður á bruðlinu hjá ríkisstofnunum þá kannski kæmi þetta betur ut,en það er nú bættur skaðinn þó svo ekki sé keypt mikið af gjöfum það er svo margt annað sem fólk geturekki veitt sér/Halli gamli

Jólaverslun fer rólega af stað